ປັດຈຸບັນລັດວິສາຫະກິດໄຟຟ້າລາວ
ຈັດໂຄງການແຈກຢາຍດອກໄຟປະຢັດເພື່ອໃຫ້ສັງຄົມຫັນມາມີສ່ວນຮ່ວມໃນການປະຢັດພະລັງງານ
ຊຶ່ງໂຄງການດັ່ງກ່າວໄດ້ເລີມມາແຕ່ຕົ້ນປີ 2013 ແລະ ມີຢູ່ທົ່ວທຸກແຂວງໃນຂອບເຂດທົ່ວປະເທດເພື່ອແນໃສ່ຫຼຸດຜ່ອນພະລັງງານໄຟຟ້າ.
ທ່ານ ຄຳສິງ ໂພສາລາດ
ຫົວໜ້າຝ່າຍເຕັກນິກ ລັດວິສາຫະກິດໄຟຟ້າລາວ
ໄດ້ໃຫ້ສຳພາດຕໍ່ນັກຂ່າວລາວພັດທະນາວ່າ: ໂຄງການແຈກຢາຍດອກໄຟປະຢັດ ( CLF )
ແມ່ນໂຄງການໜຶ່ງທີ່ມີຄວາມສຳຄັນຍິ່ງເພື່ອຊ່ວຍກັນ ປະຢັດພະລັງງານ ໄຟຟ້າ
ຊຶ່ງຜ່ານມາເຫັນວ່າການຊົມໃຊ້ພະລັງ ງານໄຟຟ້າ ຢູ່ລາວ ເພີ່ມຂຶ້ນຫຼາຍ ແລະ
ຈຳເປັນຕ້ອງໄດ້ຊື້ໄຟຟ້າຈາກຕ່າງປະເທດ
ທີ່ຊີ້ນເປືອງເງິນຕາໃນແຕ່ລະປີເປັນຈຳນວນບໍ່ໜ້ອຍ ດັ່ງນັ້ນ
ເພື່ອກະຕຸກຊຸກຍູ້ໃຫ້ປະ ຊາຊົນມີຄວາມຕື່ນຕົວປະຢັດພະລັງງານໄຟຟ້າດ້ວຍການແຈກດອກໄຟປະຢັດດັ່ງກ່າວກໍເປັນອີກສ່ວນໜຶ່ງທີ່ສຳຄັນ.
ທ່ານ ຄຳສິງ ໂພສາລາດ ກ່າວວ່າ:
ດອກໄຟປະຢັດດັ່ງກ່າວ ເປັນລິຂະສິດສະເພາະຂອງໄຟຟ້າລາວ
ຊຶ່ງກິນໄຟພຽງແຕ່ 14W ນອກຈາກເປັນການຊ່ວຍປະຢັດພະລັງງານແລ້ວ, ຍັງຊ່ວຍຮັກສາສິງແວດລ້ອມໄດ້ດີອີກດ້ວຍຖ້າ
ທຽບໃສ່ດອກໄຟຟ້າທົ່ວໄປ ແລະ ທຽບໃສ່ດອກໄຟ 100 W
ຈະຊ່ວຍໃຫ້ເຮົາຫຼຸດຜ່ອນພະລັງງານໄດ້ ກ່ວາ 80 %
ຂະນະທີ່ຮູບແບບຂອງການແຈກຢາຍດອກໄຟ ນີ້
ແມ່ນພຽງແຕ່ປະຊາຊົນມາເສຍຄ່າຊົມໃຊ້ໄຟຟ້າໂດຍບໍ່ມີໜີ້ ສິນຕິດຄ້າງທາງໄຟຟ້າກໍຈະແຈກດອກໄຟປະຢັດ
ດັ່ງກ່າວນີ້ໃຫ້
ແລະ ຄອບຄົວປະຊາຊົນໃດຫາກມີ ດອກໄຟປ້ອມກໍໃຫ້ເອົາມາແລກປ່ຽນເອົາດອກໄຟຟ້າປະຫຍັດໄດ້ໂດຍບໍ່ເສຍຄ່າໃດໆ
ຊຶ່ງປັດຈຸບັນແມ່ນເລີມແຈກຢາຍຢູ່ນະຄອນ ຫຼວງວຽງຈັນແລ້ວ ແລະ ຕໍ່ໜ້າກໍຈະມີການແຈກຢາຍໄປຕ່າງແຂວງຕື່ມອີກ.
ທ່ານ ຄຳສິງ ໂພສາລາດ ໃຫ້ຮູ້ວ່າ:
ໃນແຕ່ລະປີການຊົມໃຊ້ໄຟ ຟ້າຂອງປະຊາຊົນ ແມ່ນເພີ່ມຂຶ້ນ ຫຼາຍປະມານ 15-20%
ຍ້ອນເສດ ຖະກິດມີການຂະຫຍາຍຕົວ, ມີອຸດສະຫະກຳເພີ່ມຂຶ້ນ,
ເຮັດໃຫ້ມີການຍົກລະດັບການຜະລິດໄຟ ຟ້າສູງຂຶ້ນ ເພື່ອຕອບສະໜອງການຊົມໃຊ້
ແນວໃດກໍຕາມຍັງເຫັນວ່າການຜະລິດກະແສໄຟຟ້າ ເພື່ອຊົມໃຊ້ຍັງບໍ່ພຽງພໍ
ຊຶ່ງຈຳເປັນຕ້ອງໄດ້ນຳຊື້ໄຟຈາກປະເທດໃກ້ຄຽງ ຄື: ຈີນ, ຫຽດນາມ ແລະ ໄທ
ເພື່ອເຮັດໃຫ້ປະຊາຊົນໄດ້ຊົມໃຊ້ໄຟຟ້າຢ່າງທົ່ວເຖີງ ແນໃສ່ປີ 2020
ຈະໃຫ້ປະຊາຊົນໄດ້ຊົມໃຊ້ໄຟຟ້າ 90% ຂອງຄົວເຮືອນ, ສະ ນັ້ນ
ຈຶ່ງຈຳເປັນຕ້ອງມີການຂະ ຫຍາຍເຂື່ອນໄຟຟ້າ ແລະ ປຸກລະ
ດົມໃຫ້ສັງຄົມຮ່ວມກັນປະຢັດໄຟຟ້າໃຫ້ດີຂຶ້ນ, ດັ່ງນັ້ນ
ນອກຈາກໂຄງການແຈກຢາຍດອກໄຟປະຢັດແລ້ວ ໄຟຟ້າລາວ ຍັງໄດ້ອອກແຮງ
ໂຄສະນາໃຫ້ສັງຄົມຊົມໃຊ້ໄຟຟ້າຢ່າງຖືກຕ້ອງ ແລະ
ປຸກລະດົມໃຫ້ອົງການລັດຕ່າງໆ ຮ່ວມກັນມອດໄຟ 1
ຊົ່ວໂມງພາຍຫຼັງພັກຜ່ອນຕອນທ່ຽງ ເພື່ອຜົນປະໂຫຍດລວມຂອງຊາດ.
No comments:
Post a Comment