ສູນກາງສະຫະພັນກຳມະບານລາວ ໄດ້ຈັດພິທີໂຮມຊຸມນຸມສະເຫລີມ ສະຫລອງ ວັນກຳມະກອນສາກົນຄົບຮອບ 127 ປີ (1/5/ 1886 1/5/2013) ໃນວັນທີ 30
ເມສາ 2013 ຢູ່ຫໍປະຊຸມແຫ່ງຊາດ ໂດຍມີ ທ່ານ ບຸນຍັງ ວໍລະຈິດ ກຳມະ ການກົມການເມືອງສູນກາງພັກ,
ຜູ້ປະຈຳການຄະນະເລຂາທິການສູນກາງພັກ,ຮອງປະທານປະເທດ, ທ່ານ ຄຳຫລ້າ ລໍລອນສີ
ປະທານສູນກາງສະຫະພັນກຳມະບານລາວ, ມີບັນດາລັດຖະມົນຕີວ່າການ-ຊ່ວຍວ່າການ,ຮອງປະທານສູນກາງແນວລາວາງ
ຊາດ, ປະທານ, ຮອງປະທານອົງການຈັດຕັ້ງມະຫາຊົນຂັ້ນສູນກາງ ແລະ ມວນຊົນ ເຂົ້າຮ່ວມ
1.000 ກວ່າຄົນ.
ທ່ານ ຄຳຫລ້າ ລໍລອນສີ ໄດ້ຂຶ້ນກ່າວປະຫວັດຄວາມເປັນມາຂອງວັນທີ
1 ພຶດສະພາປີນີ້ ຊຶ່ງເປັນຂີດໝາຍອັນສຳຄັນຂອງກຳມະກອນໃນທົ່ວໂລກກໍຄືຊົນຊັ້ນກຳມະກອນ
ແລະ ຜູ້ອອກແຮງງານລາວບັນດາເຜົ່າ ຈາກການຕໍ່ສູ້ອັນດຸເດືອດຂອງກຳມະ ກອນໃນເມື່ອກ່ອນຊົນຊັ້ນກຳ
ມະກອນແມ່ນຕົກຢູ່ພາຍໃຕ້ການປົກຄອງຂອງພວກນາຍທຶນ, ຖືກກົດຂີ່ຂູດຮີດຢ່າງໜັກໜ່ວງ,
ກຳ ມະກອນໄດ້ຖືກບັງຄັບໃຫ້ເຮັດວຽກໃນມື້ໜຶ່ງ 14-15 ຊົ່ວໂມງ ການອອກແຮງງານສຸດທີ່ລຳບາກ
ແລະ ມີຄວາມສ່ຽງຕໍ່ຊິວິດ, ສະນັ້ນມາຮອດປີ 1764 ກຳມະກອນຢູ່ປະເທດອັງກິດ
1.000 ກວ່າຄົນ ໄດ້ເຂົ້າຮ່ວມເດີນຂະບວນເພື່ອທວງເອົາສິດ ຜົນປະໂຫຍດຂອງຊາວຜູ້ອອກແຮງງານແຕ່ບໍ່ໄດ້ຮັບໄຊຊະນະ,
ຮອດປີ 1884 ຢູ່ເມືອງຊິກາໂກ ຊາວກຳມະກອນກໍໄດ້ຮຽກ
ຮ້ອງໃຫ້ພວກນາຍທຶນຕ້ອງຫລຸດຜ່ອນໂມງເຮັດວຽກລົງມື້ໜຶ່ງໃຫ້ເຮັດວຽກພຽງແຕ່
8 ຊົ່ວໂມງ, ທວງໃຫ້ພວກນາຍທຶນຕ້ອງເອົາໃຈໃສ່ເບິ່ງແຍງດູແລທາງດ້ານສະ ຫວັດດີການສັງຄົມໃຫ້ດີກວ່າເກົ່າ,
ມາຮອດວັນທີ 1/5/ 1886 ຢູ່ເມືອງຊິກາໂກໄດ້ມີຂະບວນການຕໍ່ສູ້ຂຶ້ນອີກເປັນຄັ້ງທີ່ຍິ່ງໃຫຍ່ກວ່າທຸກຄັ້ງ
ມີກຳມະກອນເຂົ້າຮ່ວມ 3 ແສນ 4 ໝື່ນຄົນ,ນັດຢຸດງານ 5.000 ແຫ່ງ. ຊາວກຳມະກອນໄດ້ສະເໜີໃຫ້ພວກນາຍທຶນຕ້ອງອະນຸ
ຍາດໃຫ້ກຳມະກອນເຮັດວຽກ 8 ຊົ່ວໂມງຕໍ່ມື້, 8 ຊົ່ວໂມງໃຫ້ໄດ້ຜັກຜ່ອນ, ອີກ
8 ຊົ່ວໂມງໃຫ້ໄດ້ມີໂອ ກາດຮໍ່າຮຽນ ຈາກການຕໍ່ສູ້ອັນດຸເດືອດຂອງກຳມະກອນດັ່ງກ່າວນັ້ນມາຮອດປີ
1889 ຈຶ່ງໄດ້ມີກອງປະຊຸມພັກກອມມູນິດສາກົນຄັ້ງທີ II ໄຂຂຶ້ນຢູ່ປາຣີ ປະເທດຝລັ່ງ
ແລະ ໄດ້ຕົກລົງຮັບຮອງເອົາວັນທີ 1/5/1886 ເປັນວັນກຳມະກອນສາກົນ.
ໃນໂອກາດນີ້ ທ່ານ ບຸນຍັງ ວໍລະຈິດ ກໍໄດ້ໃຫ້ກຽດໂອ້ລົມ
ແລະ ໄດ້ຮຽກຮ້ອງມາຍັງບັນດາຄະນະພັກ,ສະຫະພັນກຳມະບານ ແຕ່ລະຂັ້ນ ຕະຫລອດເຖິງພະນັງງານຫລັກແຫລ່ງ,
ພະນັກງານ ແລະ ສະມາຊິກກຳມະບານທຸກຄົນ ໃຫ້ສຶບຕໍ່ເອົາໃຈໃສ່ວຽກງານສຶກສາອົບຮົມກໍ່ສ້າງແນວຄິດ
ແລະ ທັດສະນະຊົນຊັ້ນໃຫ້ແກ່ຊົນຊັ້ນກຳມະກອນລາວ ສະຫະພັນກຳມະບານລາວຕ້ອງເອົາໃຈໃສ່ເປັນເຈົ້າການຄົ້ນຄ້ວາຫັນເອົາແນວທາງຂອງພັກ,ນະໂຍບາຍຂອງລັດເຂົ້າສູ່ການຈັດຕັ້ງປະຕິ
ບັດຢູ່ໃນຂົງຂອງຕົນເຂດຢ່າງຈິງຈັງ ແລະ ເປັນຮູບປະທຳ, ເອົາໃຈໃສ່ໂຄສະນາຂົນຂວາຍ,
ສ້າງເນື້ອໃນ, ສ້າງເງື່ອນໄຂໃຫ້ກຳມະ ກອນໄດ້ຮັບການຍົກລະດັບຄວາມຮູ້ຄວາມສາມາດດ້ານເຕັກ
ນິກວິຊາການ, ຍົກລະດັບສີມືແຮງງານຂອງຕົນຢູ່ເລື້ອຍໆເພື່ອຮອງຮັບກັບການພັດທະນາເສດ
ຖະກິດ,ການຫັນເປັນອຸດສະຫະກຳ ແລະ ທັນສະໄໝຂອງປະເທດ, ເອົາໃຈໃສ່ເພີ່ມທະວີການປົກປ້ອງສິດ
ແລະ ຜົນປະໂຫຍດ ຂອງກຳມະກອນ, ຊາວຜູ້ອອກແຮງງານລາວ, ສະຫະພັນກຳມະ ບານແຕ່ລະຂັ້ນຕ້ອງໄດ້ສຸມໃສ່ປັບ
ປຸງກໍ່ສ້າງການຈັດຕັ້ງຂອງຕົນໃຫ້ເຕີບໃຫຍ່ມີຄວາມເຂັ້ມແຂງທັງດ້ານຈຳນວນ
ແລະ ຄຸນນະ ພາບຕິດພັນກັບຂະບວນການ 3 ສ້າງຂອງພັກ-ລັດ, ເອົາໃຈໃສ່ຕິດຕາມກວດກາການລ່ວງລະເມີດຂໍ້ກຳນົດ,
ກົດໝາຍຂອງລັດ, ສືບຕໍ່ພົວພັນກັບອົງການກຳມະ ບານປະເທດເພື່ອນມິດ ເພື່ອຍາດແຍ່ງເອົາບົດຮຽນ,
ປະສົບການໃນການເຄື່ອນໄຫວວຽກງານ, ດຶງດູດການຊ່ວຍເຫລືອດ້ານທຶນ ຮອນເພື່ອມາພັດ
ທະນາກຳມະ ບານລາວ ແລະ ຜູ້ອອກແຮງງານລາວໃຫ້ສອດຄ່ອງກັບແນວທາງການຕ່າງປະເທດຂອງພັກ.
ໃນໂອກາດສະເຫລີມສະ ຫລອງວັນກຳມະກອນສາກົນປີນີ້
ສະຫະພັນກຳມະບານລາວກໍໄດ້ຈັດກິດຈະກຳຂະບວນຍ່າງເພື່ອສຸຂະພາບຂຶ້ນທີ່ປະຕູໄຊ
ໃນເວລາ 5:30 ໂມງຂອງ1/5/ 2013.
No comments:
Post a Comment