ທ່ານ ຕົງເຢຢາງ ຢົງເຊັງ ຮອງປະທານສະຫະພັນກຳມະ
ບານລາວໄດ້ກ່າວໃນພິທີດັ່ງກ່າວ ວ່າ: ການສະເຫລີມສະ ຫລອງວັນກຳມະກອນສາກົນປີນີ້ມີຄວາມໝາຍສຳຄັນຍິ່ງສຳລັບຊົນຊັ້ນກຳມະກອນໃນທົ່ວໂລກ
ກໍຄືຊົນຊັ້ນກຳມະກອນ ແລະ ສະມາຊິກກຳມະບານລາວ ຊຶ່ງມັນໄດ້ສະແດງໃຫ້ເຫັນເຖິງປະຫວັດສາດ
ຂອງການຕໍ່ສູ້ຂອງກຳມະກອນຢ່າງດຸເດືອດ ເພື່ອທວງເອົາສິດ ຜົນປະໂຫຍດຂອງຕົນໃນໄລຍະຜ່ານມາ,
ທວງໃຫ້ພວກນາຍທຶນຕ້ອງຍອມປະຕິບັດໂມງເວລາເຮັດວຽກມື້ໜຶ່ງບໍ່ໃຫ້
ເກີນ 8 ຊົ່ວໂມງ
ແລະ ໃຫ້ໄດ້ພັກ ຜ່ອນອີກ 8 ຊົ່ວໂມງ,ໄດ້ມີໂອກາດຮໍ່າຮຽນຍົກລະດັບຄວາມຮູ້ຂອງຕົນເອງພ້ອມທັງທວງໃຫ້ພວກນາຍທຶນເພີ່ມເງິນເດືອນຂຶ້ນຕື່ມ
ແລະ ທວງ ໃຫ້ນາຍທຶນເອົາໃຈໃສ່ເບິ່ງແຍງດູແລການເປັນຢູ່ຂອງຊາວຜູ້ອອກແຮງງານໃຫ້ດີກວ່າເກົ່າ.ຊົນຊັ້ນກຳມະກອນລາວເຮົາກໍເຊັ່ນດຽວກັນ
ເຊິ່ງໄດ້ກຳເນີດເຕີບໃຫຍ່ຢູ່ພາຍໃຕ້ການນຳຂອງພັກປະຊາ ຊົນປະຕິວັດລາວ,
ໄດ້ກາຍເປັນກຳລັງຫລັກແຫລ່ງໃນການຕໍ່ສູ້ປົດປ່ອຍປະເທດຊາດຢ່າງສົມບູນ ໃນວັນທີ
2 ທັນວາ1975 ແລະ ສືບຕໍ່ເປັນກຳລັງແຮງອັນໃຫຍ່ຫລວງແຫ່ງການປົກປັກຮັກສາ ແລະ
ສ້າງສາພັດທະນາປະເທດຊາດຕະຫລອດມາຈົນເຖິງປະຈຸບັນ. ຜ່ານຂະບວນການແຫ່ງການຕໍ່ສູ້
ແລະ ຂະຫຍາຍຕົວ ຂອງຊົນຊັ້ນກຳມະກອນລາວໃນໄລຍະຜ່ານມານັ້ນ ໄດ້ເຮັດໃຫ້ຊົນຊັ້ນກຳມະກອນລາວພວກເຮົານັບມື້ນັບມີບົດບາດສຳຄັນ
ໃນການພັດທະນາປະເທດຊາດ, ເປັນກຳ ລັງການຜະລິດທີ່ກ້າວໜ້າມີລັກສະນະຕັດສິນການພັດທະນາປະເທດຊາດໃຫ້ກ້າວຂຶ້ນຕາມທິດສັງຄົມນິຍົມທີ່ພັກໄດ້ກຳນົດໄວ້.
No comments:
Post a Comment