ໃນວັນທີ 3 ພຶດສະພາ 2013 ຢູ່ສຳນັກງານສະຫະພາບເອີຣົບ
ປະຈຳລາວ,ທ່ານ ມີແຊນ ໂກແຟງ ອຸປະທູດສຳນັກງານ ສະຫະພາບເອີຣົບປະຈຳລາວ ໄດ້ຖະແຫລງຂ່າວກ່ຽວກັບການກະກຽມຈັດເທສະການອາຫານເອີຣົບ
ຊຶ່ງຈະໄດ້ຈັດຂຶ້ນໃນວັນທີ 11 ພຶດ ສະ ພາທີ່ຈະມາເຖິງນີ້ຢູ່ສວນເຈົ້າອະນຸວົງ
ນະຄອນຫລວງວຽງຈັນ ເພື່ອສະເຫລີມສະຫລອງວັນສ້າງຕັ້ງສະຫະພາບເອີຣົບຄົບຮອບ 63 ປີ
(9/5/1950-9/5/2013 ) ພ້ອມທັງເປັນ ການສະຫລອງສາຍພົວ ພັນລະຫວ່າງອີຢູແລະ ສປປ ລາວ.
ທ່ານ ມີແຊນ ກ່າວວ່າ:ການຈັດເທສະການອາຫານເອີຣົບຄັ້ງນີ້
ແມ່ນການຮ່ວມມືລະຫວ່າງສະຫະພາບເອີຣົບ, ສະພາການຄ້າ ແລະ ອຸດສາຫະກຳ ແລະ ບໍລິສັດ
ອານາມ ຟາດຟູດ ເພື່ອສະເຫລີມສະຫລອງວັນສ້າງຕັ້ງສະຫະພາບເອີຣົບຄົບຮອບ 63 ປີ ຫລື
ວັນເອີ ຣົບ ວັນທີ 9 ພຶດສະພາ 2013 ທີ່ຈະມາເຖິງນີ້ ແມ່ນມີຄວາມໝາຍຄວາມສຳຄັນເປັນພິເສດເນື່ອງຈາກເປັນການສົ່ງເສີມການຮ່ວມມືດ້ານວັດທະນະທຳ
ລະຫວ່າງ ອີຢູ ແລະ ສປປ.ລາວ.ໃນເທສະການດັ່ງກ່າວຈະມີກິດຈະກຳຫລາຍຢ່າງໂດຍສະເພາະກິດຈະກຳດ້ານອາຫານ
ຊຶ່ງຈະມີເຕັ້ນອາຫານ ຈາກເອີຣົບຕ່າງໆທີ່ໂດດເດັ່ນຂອງແຕ່ລະປະເທດ.ນອກຈາກນີ້ຍັງມີເຄື່ອງ
ດື່ມໄວ້ໃຫ້ບໍລິການໂດຍບໍ່ ເສຍຄ່າ ແລະ ມີກິດຈະກຳມ່ວນຊື່ນຕ່າງໆສຳລັບເດັກ ແລະ
ການ ສະແດງດົນຕີຕ່າງໆໂດຍຈະມີຮ້ານອາຫານ
ແລະ ຜູ້ນຳເຂົ້າອາຫານຫລາຍກວ່າ 20 ຮ້ານຢູ່ນະຄອນຫລວງວຽງຈັນເຂົ້າຮ່ວມ.
No comments:
Post a Comment