ບັນຫາການລັກລອບຈູດປ່າສະຫງວນແຫ່ງຊາດນຳ້ກ່ານພວມ ຮຽກຮ້ອງໃຫ້ພາກສ່ວນທີ່ກ່ຽວຂ້ອງເຂົ້າແກ່ໄຂ

       

     ການລັກລອບຈູດປາສະຫງວນແຫ່ງຊາດ ນໍ້າກ່ານ ເມືອງ ຫ້ວຍຊາຍ ແຂວງ ບໍ່ແກ້ວ ທີ່ອຸ ດົມສົມບູນໄປດ້ວຍຊັບພະຍາກອນທາງ ທຳມະຊາດ, ຄວາມ ຫຼາກລາຍຂອງຊີວະ ນາໆພັນ  ແລະ ແຫຼ່ງທ່ອງທ່ຽວອະນຸລັກທາງ ທຳມະຊາດທີ່ສຳ ຄັນຂອງປະເທດ ໂດຍ ຄວາມຕັ້ງໃຈຂອງ ຜູ້ຄົນທີ່ ບໍ່ຫວັງດີນັ້ນເປັນ ເລຶ້ອງທີ່ຮັບເອົາບໍ່ໄດ້, ພາກສ່ວນທີ່ກ່ຽວຂ້ອງຄວນສຳຫຼວດ, ກວດກາ ແລະ ນຳຜູ້ກະທຳຜິດມາປະ ຕິບັດຕາມລະບຽບກົດໝາຍ.          

        ທີ່ປືກສາໜ່ວຍງານລາດຕາເວັນ ປະຈຳປ່າສະຫງວນແຫ່ງຊາດດັ່ງກ່າວໃຫ້ຮູ້ວ່າ: ປ່າສະ ຫງວນແຫ່ງຊາດນຳ້ກ່ານ ເມືອງຫ້ວຍຊາຍ ແຂວງ ບໍ່ແກ້ວ ເປັນປ່າສະຫງວນແຫ່ງຊາດອັນດັບທີ່ 21 ຂອງປະເທດ, ມີເນື່ອທີ່ກ້ວາງໃຫຍ່ເປັນອັນດັບທີ 5 ຂອງປະເທດ ຫຼື ເທົ່າກັບ 136.000 ເຮັກ ຕາ, ເຊິ່ງກວມເອົາເນື້ອທປ່າໄມ້ຂອງ3 ເມືອງຄື: ເມືອງ ຫ້ວຍຊາຍ, ເມືອງ ເມີງ ແຂວງ ບໍ່ແກ້ວ ແລະ ເມືອງ ວຽງພູຄາ ແຂວງ ຫຼວງນຳ້ທາ ແຕ່ເນື້ອທີ່ສ່ວນໃຫຍ່ແມນນອນຢູໃນເມືອງ ຫ້ວຍຊາຍ ແຂວງ ບໍ່ແກ້ວ; ເປັນປ່າທ ີ່ອຸດົມ ສົມບູນໄປດ້ວຍຊັບພະຍາ ກອນທຳມະຊາດເຊັ່ນ: ປ່າໄມ້, ເຄື່ອງ ປ່າຂອງດົງ, ນຳ້ຕົກຕາດທາງທຳມະຊາດ ແລະ ມີສັດປ່າທີ່ຫາຍາກ ຫຼາຍຊະນິດເຊັ່ນ: ທະນີ, ກວາງ, ໝີ, ເສືອ ແລະ ອຶ່ນໆ...ເມື່ອເຫັນວ່າປ່າສະຫງວນດັ່ງກ່າວ ເປັນເຂດທີ່ມີຄວາມອຸດົມສົມ ບູນໄປດ້ວຍຊັບພະຍາກອນທຳມະຊາດ, ໃນປີ 2003 ນັກລົງທຶນຈາກປະເທດຝຣັ່ງ ຈຶ່ງໄດ້ສ້າງ ຕັ້ງ ບໍລິສັດ ອະນຸລັກຊີວະນາໆພັນ ຂຶ້ນ ໂດຍມີຈຸດປະສົງ ເພື່ອຊອກຫາຊ່ອງທາງໃນການປົກປັກ ຮັກສາ ແລະ ອະນຸລັກຄວາມຫຼາກລາຍຂອງຊີວະນາໆພັນໃນປ່າສະຫງວນແຫ່ງນີ້ໃຫ້ມີຄວາມ ໝັ້ນຄົງ ແລະ ຍຶນຍົງ ໂດຍທາງບໍລິສັດໄດ້ຕັ້ງຕູບເທິງຕົ້ນໄມ້ຫຼາຍຕູບ ແລະ ວາງສາຍສະລິງຜານ ຮ່ອມພູຕ່າງໆ ຫຼາຍສາຍ ເພື່ອໃຫ້ນັກທ່ອງທ່ຽວໄດ້ຊົມທັດສະນິຍະພາບທາງທຳມະຊາດ ແລະ  ສັດປ່າທີ່ອາໄສຢູ່ໃນເຂດດັ່ງກາ່ວ ຈົນເຮັດໃຫ້ປ່າສະຫງວນດັ່ງກ່າວ ກາຍເປັນແຫຼ່ງທ່ອງທ່ຽວອະ ນຸລັກທາງທຳມະຊາດທີ່ໄດ້ຮັບຄວາມນິຍົມສູງສຸດໂດຍນັກທ່ອງທ່ຽວຈາກເອີ ຣົບ, ອາເມລິກາ ແລະ ອາຊີ ເຊິ່ງມີນັກທ່ອງທ່ຽວເຂົ້າໄປຊົມສະຖານທີ່ດັ່ງກ່າວທຸກມື້ແບບບໍ່ຂາດສາຍ (ສະເລຍປະ ມານ 1 ພັນ ຫາ 2 ພັນຄົນຕໍ່ປີ) ສວນໃຫຍ່ເປັນຊາວເອີຣົບ ແລະ ອາເມລິກາ ແລະ ສະຖານທີ່ ດັ່ງກ່າວນທີ່ໄດ້ປະກອບສວນອັນສຳຄັນເຮັດໃຫ້ ສປປ ລາວ ໄດຮັບລາງວັນປະເທດທີ່ໜ້າທ່ຽວ ຊົມທີ່ສຸດໃນໂລກ ສຳລັບປີ 2013 ຈາກສະພາທ່ອງທ່ຽວ ແລະ ການຄ້າເອີຣົບ ເມື່ອບໍ່ດົນມານີ້ ທັງເປັນແຫຼ່ງທ່ອງທ່ຽວ ອະນຸລັກທາງທຳມະຊາດທີ່ສ້າງລາຍຮັບ ແລະ ວຽກເຮັດງານທຳ ໃຫ້ແກ່ ປະຊາຊົນບັນດາເຜົ່າທີ່ອາໄສຢູ່ໃນເຂດດັ່ງກ່າວ.     

         ແຕ່ໃນຂະນະທີ່ປ່າສະຫງວນດັ່ງກ່າວພວມມີຊື່ສຽງ ແລະ ກາຍເປັນຈຸດສົນ ໃຈໃນສາຍຕາ ຂອງນັກທ່ອງທ່ຽວນັ້ນມີປະຊາຊົນທີ່ອາໄສຢູ່ໃນເຂດດັ່ງກ່າວ ແລະ ກຸມຄົນບໍ່ຫວັງດີຈຳນວນໜຶ່ງ ເຂົ້າໄປຖາງປ່າ ເຮັດໄຮ, ລັກລອບຄ້າໄມ້ ແລະ ລ້າສັດແບບຜິດກົດໝາຍແລ້ວຍັງລັກລອບຈູດ ປ່າສະຫງວນຈົນ ເຮັດໃຫ້ເນື້ອທີ່ປ່າສະຫງວນທີ່ເຕັມ ໄປດ້ວຍປ່າໄມ້ປ່ອງນັ້ນຖືກໄຟໄໝ້ລາມ ປ່າໄປເປັນບໍລິເວັນກ້ວາງ (ລວມເນື້ອທີ່ຫຼາຍສີບເຮັກຕາ) ພຶດຕິກຳດັ່ງກ່າວແມ່ນການ ກະທຳ ໂດຍເຈດຕະນາ ເພື່ອຫວັງ ທຳລາຍເນື້ອທິ່ປ່າໄມ້ສີຂຽວ, ຂົ່ມຂູ່ສັດປ່າ ແລະ ທຳລາຍພາບພົດ ຂອງແຫຼ່ງທ່ອງທ່ຽວອະນຸລັກ ທາງທຳມະຊາດໃນເຂດດັ່ງກ່າວ.        

         ບໍລິສັດ ອະນຸລັກຊີວະນາໆ ພັນ ຮັບຜິດຊອບແຫຼ່ງທ່ອງທ່ຽວ ອະນຸລັກທາງທຳ ມະຊາດປາ ສະຫງວນ ດັ່ງກ່າວໃຫ້ສຳພາດຕໍ່ນັກຂ່າວ ໜັງສືພິມລາວພັດທະນາ ວ່າ: ເຫດໄຟ ໄໝ້ປ່າສະ ຫງວນ ເກີດຂຶ້ນ ໃນວັນທີ 25 ເມສາ 2013 ທີ່ຜ່ານມາ ໂດຍໃນເບື້ອງຕົ້ນກຸ່ມ ຄົນ ບໍ່ຫວັງດີ ໄດ້ ຈູດປ່າໃກ້ກັບສະຖານທີ່ຕັ້ງຕູບເທິງຕົ້ນໄມ້ ແລະ ໃກ້ກັບພື້ນທີ່ວາງສາຍສະລິງຂອງ ບໍລິສັດ ແຕ່ ບໍ່ຮູ້ວ່າແມ່ນພວກໃດ ແລະ ທາງບໍລິສັດກໍໄດ້ ລະດົມກຳ ລັງເຂົ້າໄປມອດໄຟຈົນເຖິງ 12 ໂມງ ທຽງຄືນ ແລະ ຕໍ່ມາໃນວັນທີ 26 - 27 ຂອງເດືອນດຽວກັນນັ້ນ ກໍມີອີກພວກໜຶ່ງລັກລອບຈູດປ່າ ໃນອີກຟາກໜຶ່ງຂອງເນື້ອທີ່ປ່າສະຫງວນ ເຊິ່ງຕາມການຕີລາຄາເຫັນວາມີເນື້ອທີ່ປ່າໄມ້ຫຼາຍ ກ່ວາ 7 ເຮັກຕາຖືກໄຟລາມປ່າ. ຈາກນັ້ນ ທາງບໍລິສັດ ແລະ ໜ່ວຍງານ ຮັບຜິດຊອບກໍໄດ້ແຈ້ງ ບັນຫາດັ່ງ ກ່າວໃຫ້ພາກສວນທີ່ກ່ຽວຂ້ອງ ຂອງແຂວງແລ້ວ,ແຕ່ຈົນເຖິງປັດຈຸບັນນກໍຍັງບໍ່ມີພາກ ສ່ວນໃດເຂົ້າໄປສືບສວນສອບສວນ ແລະ ແກ້ໄຂບັນຫາ. ພະນັກງານປະຈຳຢູ່ເຂດປ່າສະຫງວນ ດັ່ງກ່າວຫຼາຍຄົນຕ່າງກໍໃຫ້ຄວາມເປັນຫ່ວງວ່າ ຫາກພາກສ່ວນທີ່ກ່ຽວຂ້ອງບໍ່ໄປ ສຳຫຼວດ, ກວດ ກາ ແລະ ແກ້ໄຂບັນຫາໂດຍໄວ ຈະສົ່ງຜົນໃຫ້ເນື້ອ ທີ່ປ່າໄມ້ ແລະ ສັດປ່າຫຼາຍຊະນິດ ທີ່ອາໄສ ຢູ່ໃນເຂດດັ່ງກ່າວຖືກຂົ່ມຂູ່ ແລະ ດັບສູນໄປໃນອີກບໍ່ເທົ່າໃດປີຂ້າງໜ້ານອກນັ້ນ ແຫຼ່ງທ່ອງທ່ຽວ ອະນຸລັກທາງທຳມະຊາດທພວມໄດ້ຮັບຄວາມສົນໃຈຈາກນັກທ່ອງທ່ຽວຕ່າງປະເທດນັ້ນ ກໍຈະ ຈາງຫາຍໄປ ໃນຂະນະທີ່ ສປປ ລາວ ຫາກໍໄດ້ຮັບລາງວັນປະເທດທີ່ໜ້າທ່ອງທ່ຽວທີ່ສຸດໃນໂລກ ສຳລັບປີ 2013 ເພາະສະນັ້ນ ການລັກລອບຈູດປ່າສະຫງວນ ດັ່ງກ່າວຈຶ່ງເປັນເລື່ອງທີ່ຮັບເອົາ ບໍ່ໄດ້. ບໍລິສັດ ອະນຸລັກຊີວະນາໆພັນ ເຊິ່ງເປັນບໍລິສັດທີ່ໄດ້ໃຫ້ການສະໜັບສະໜູນທຶນບໍ່ໜອຍ ກ່ວາ 800 ລານກີບຕໍ່ປີເຂົ້າໃນກອງທຶນອະນຸລັກປ່າສະຫງວນດັ່ງກ່າວຮຽກຮ້ອງໃຫ້ ພາກສ່ວນ ທີ່ກ່ຽວຂ້ອງເຂົ້າໄປແກ້ໄຂບັນຫາໂດຍໄວເທົ່າທີ່ຈະໄວໄດ້.