ໄຟໄໝ້ຕະຫລາດວິທະຍາເຂດດົງໂດກສ້າງຄວາມເສຍຫາຍບໍ່ໜ້ອຍ

     

  ຊາວຄ້າຂາຍຜູ້ທີ່ມີຮ້ານຂາຍ ເຄື່ອງໃນຕະຫລາດວິ ທະຍາເຂດ ດົງໂດກ,ຕ່າງພາກັນຮີບຮ້ອນຂົນ ຍ້າຍສີນ ຄ້າເຄື່ອງຂອງ ຂອງຕົນ ອອກໄປໄວ້ໃນບ່ອນທີ່ປອດໄພ ຢ່າງສົນລະວົນ,ຫລັງຈາກເກີດໄຟ ໄໝ້ຕະຫລາດດັ່ງ ກ່າວຢ່າງຮຸນແຮງເຊິ່ງໄດ້ສ້າງຄວາມເສຍຫາຍຕໍ່ຊັບ ສີນເປັນຈໍານວນຫລາຍ.    
 

      ເຈົ້າໜ້າທີ່ຕຳຫລວດສະກັດກັ້ນ ແລະ ມອດໄຟ ນະຄອນຫລວງວຽງຈັນ ໃຫ້ຮູ້ວ່າ: ພາຍຫລັງໄດ້ຮັບແຈ້ງໃນເວ ລາປະມານ 21:00 ໂມງ ຂອງວັນທີ 21 ພຶດສະພາ 2013 ວ່າໄດ້ເກີດເຫດ ໄຟໄໝ້ຕະຫລາດວິທະຍາເຂດ ດົງໂດກ ເມືອງ ໄຊທານີ ນະຄອນຫລວງວຽງຈັນ ກໍໄດ້ນຳກຳລັງ ເຈົ້າໜ້າທີ່ມອດໄຟ ແລະ ລົດມອດໄຟຈຳນວນຫລາຍຮີບ ຮ້ອນໄປສະຖານທີ່ເກີດເຫດທັນທີ ແລະ ໃຊ້ເວລາປະມານ 2 ຊົ້ວໂມງ ຈຶ່ງສາມາດສະກັດກັ້ນບໍ່ໃຫ້ກະ ແສໄຟລຸກ ລາມ ເປັນບໍລິເວນກ້ວາງໄດ້ ແຕ່ເຫດໄຟໄໝ້ຄັ້ງນີ້ ກໍໄດ້ສ້າງຄວາມເສຍຫາຍໃຫ້ແກ່ຊັບສີນຂອງແມ່ຄ້າຊາວຂາຍ ເປັນຈຳນວນບໍ່ໜ້ອຍ,ສ່ວນສາເຫດຂອງໄຟໄໝ້ຄັ້ງນີ້ຍັງຢູ່ໃນການສືບສວນ-ສອບສວນຂອງເຈົ້າໜ້າທີ່ກ່ຽວຂ້ອງ.