ບໍລິສັດໂຄລາວຟາມ ແລະ ໄບໂອເອັນເນີຈີ ຈຳກັດ
ຮ່ວມກັບສະຖາບັນ ສົ່ງເສີມພະລັງງານທົດແທນ, ກະຊວງພະລັງ ງານ ແລະ ບໍ່ແຮ່ ໄດ້ຈັດກອງປະຊຸມລາຍງານຜົນການຈັດຕັ້ງປະຕິບັດ
ໂຄງການສາທິດການຜະລິດ ແລະ ການນຳໃຊ້ ນ້ຳມັນກາ ຊວນຊີວະພາບທີ່ມີຈຸດປະສົງເພື່ອສ່ົງເສີມການຜະລິດ, ການປຸງແຕ່ງ,
ການບໍລິການ ແລະ ນຳໃຊ້ນ້ຳມັນ ກາຊວນຊີວະພາບຢູ່ ສປປ ລາວ ເພື່ອຫຼຸດຜ່ອນ ການນຳເຂົ້າເຊື້ອໄຟຈາກຕ່າງປະເທດ
ແລະ ເປັນການປູທາງໄປສູ່ການພັດທະນາພະລັງງານທົດແທນໃນອະນາ ຄົດ.
ກອງປະຊຸມດັ່ງກ່າວໄດ້ມີ ຂຶ້ນໃນຕອນເຊົ້າຂອງວັນທີ
30 ເມສາ 2013 ຢູ່ກະຊວງພະລັງ ງານ ແລະ ບໍ່ແຮ່ ໂດຍການ ເປັນປະທານຂອງທ່ານຫັດສະດີ ສີສຸ ລາດ
ຫົວໜ້າສະຖາບັນສົ່ງເສີມ ພະລັງງານທົດແທນ ກະຊວງພະ ລັງງານ ແລະ ບໍ່ແຮ່, ມີ ທ່ານ ດຣ. ຄຳຂັນ
ນະພາວົງ ປະທານບໍລິ ຫານບໍລິສັດໂຄລາວກຣຸບ, ທ່ານ LEE HAE CHUL ປະທານບໍລິສັດໂຄລາວ ຟາມ ແລະ ໄບໂອ ເອັນເນີຈີ
ຳກັດ, ພ້ອມດ້ວຍແຂກ ທີ່ຖືກເຊີນຈາກພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ວຽງມະຫາ ມະນີສີ ໄດ້ກ່າວໃນທີ່ປະຊຸມວ່າ: ປະຕິບັດ ຕາມບົດບັນທຶກຄວາມເຂົ້າໃຈວ່າດ້ວຍໂຄງການຮ່ວມມື
ການສາທິດ ແລະ ການນຳໃຊ້ນຳມັນກາຊວນຊີວະພາບ ລະຫວ່າງ ກະຊວງພະລັງງານ ແລະ ບ່ໍແຮ່ ກັບບໍລິສັດໂຄລາວຟາມ
ແລະ ໄບໂອເອັນເນີຈີ ຈຳກັດ ໃນການສ່ົງເສີມການຜະລິດ,
ການປຸງແຕ່ງ, ການບໍລິການ ແລະ ນຳໃຊ້ນ້ຳມັນເຊື້ອໄຟກາຊວນຊີ ວະພາບ ເພື່ອຫຼຸດຜ່ອນການນຳເຂົ້າເຊື້ອ
ໄຟຈາກຕ່າງປະເທດນັ້ນໃນໄລຍະຜ່ານມາ,ບໍລິສັດໄດ້ສົ່ງເສີມໃຫ້ປະຊາຊົນຢູ່ເຂດຕ່າງໆ
ຂອງແຂວງໄຊຍະບູລີ ແລະ ນະຄອນຫຼວງວຽງຈັນ ປູກພືດໃຫ້ນ້ຳມັນເປັນຕົ້ນແມ່ນໝາກເຍົາໃນການສະໜອງໃຫ້ແກ່ທາງບໍລິ
ສັດນຳມາຜະລິດເປັນນ້ຳມັນຊີວະພາບ ຈາກການຈັດຕັ້ງປະຕິບັດໂຄງ ການດັ່ງກ່າວໃນໄລຍະ
11 ເດືອນ ຜ່ານມາເຊິ່ງເລີ່ມແຕ່ ເດືອນເມສາ 2012 ຫາ ເດືອນກຸມພາ 2013 ເຫັນວ່າ:ສາມາດຈຳໜ່າຍນ້ຳມັນ BD5 ໄດ້ທັງໝົດ
2 ລ້ານກວ່າລີດ ມີມູນຄ່າ 2 ລ້ານກວ່າໂດລາສະຫະລັດ.
ທ່ານຍັງກ່າວອີກວ່າ: ເພື່ອ ໃຫ້ໂຄງການດັ່ງກ່າວບັນລຸຕາມ ເປົ້າໝາຍທີ່ຕັ້ງໄວ້ນັ້ນໃນສົກປີ
2012-2013 ນີ້, ບໍລິສັດ ໄດ້ມີແຜນການຜະລິດ ແລະ ຈຳໜ່າຍນ້ຳມັນກາຊວນຊີວະພາບຜ່ານພະແນກອຸດສາຫະກຳ
ແລະ ການຄ້າ ແຂວງໄຊຍະບູລີ ເຊິ່ງມີມູນຄ່າ 9 ລ້ານກວ່າໂດລາສະຫະລັດ, ຈາກຄວາມຕ້ອງການທັງໝົດ
7 ລ້ານກວ່າໂດລາສະຫະລັດ, ສືບຕໍ່ຮ່ວມມືກັບ ກົມສ່ົງເສີມພະລັງງານ ທົດແທນ ແລະ ຊຽວຊານນ້ຳມັນໄອໂອດີເຊວຂອງປະເທດໄທ
ເພື່ອ ສ້າງບຸກຄະລາກອນໃຫ້ມີຄວາມ ສາມາດໃນລະດັບທີ່ແນ່ນອນເຂົ້າໃນການດຳເນີນຜະລິດນ້ຳມັນຊີວະພາບ
ແລະ ຈະຂະຫຍາຍສູນສາທິດການຜະລິດນ້ຳມັນ ຊີວະພາບຢູ່ແຂວງຫຼວງພະບາງ ແລະ ແຂວງ ສະຫວັນນະເຂດ
ໂດຍຜ່ານການສົ່ງເສີມ ແລະ ເກັບຊື້ ຜົນຜະລິດແກ່ນໝາກ
ເຍົາທີ່ປະຊາຊົນປູກ. ພ້ອມດຽວກັນນັ້ນ ຍັງຈະຮ່ວມມືກັບພະແນກພະລັງ ານ ແລະ ບໍ່ແຮ່ ນະຄອນຫຼວງວຽງຈັນ
ເພື່ອສົ່ງເສີມໃຫ້ປະຊາຊົນຢູ່ເຂດບ້ານສາມສ້າງຂອງເມືອງສັງທອງປູກພືດພະລັງງານໃຫ້ແກ່ບໍລິສັດ.
ນອກຈາກຜະລິດນ້ຳມັນກາຊວນຊີວະພາບແລ້ວ,ບໍລິສັດຍັງຈະດຳເນີນ ໂຄງການພະລັງງານຊີວະມວນ ຕື່ມອີກ
ເຊິ່ງປັດຈຸບັນໄດ້ເລີ່ມທົດລອງປູກພືດໃຫຍ່ໄວ້ຈຳ ນວນໜຶ່ງຢູ່ບ້ານຫາດກ້ຽງເມືອງໄຊທານີ ນະຄອນຫຼວງວຽງຈັນ
ເພື່ອສະໜອງໃຫ້ແກ່ໂຮງງານໃນອະນາຄົດ.
No comments:
Post a Comment