laophatthananewspaper: ຟາມລ້ຽງໝູແສງເດືອນເລີ່ມພັດທະນາທຸລະກິດໃຫ້ກາຍເປັນຕົວແບບ

ຟາມແສງເດືອນ ເປັນຫົວ ໜ່ວຍທຸລະກິດໜຶ່ງ ທີ່ເຈົ້າຂອງຜູ້ປະກອບການໄດ້ໃຊ້ທຶນ ຮອນສ່ວນໂຕຂອງຕົນຈາກການເຮັດທຸລະກິດລ້ຽງໝູເພື່ອສ້າງເສດຖະກິດຄອບຄົວຂະໜາດ ນ້ອຍຈົນມາເປັນຫົວໜ່ວຍທຸລະກິດທີ່ຈະເລີນເຕີບໃຫຍ່ສາມາດກຸ້ມຕົນເອງໃນການດຳເນີນທຸລະກິດຄົບວົງຈອນ ເປັນຕົ້ນແມ່ນການລ້ຽງດູ, ການຂະຫຍາຍພໍ່-ແມ່ພັນ, ການຜະລິດຊີ້ນ, ການປຸງແຕ່ງຜະລິດຕະພັນຊີ້ນໝູສົ່ງຈຳໜ່າຍໃຫ້ແກ່ທ້ອງຕະຫຼາດ ຢູ່ແຂວງວຽງຈັນ, ນະຄອນ ຫຼວງວຽງຈັນ ແລະ ຫົວໜ່ວຍທຸລະກິດອຸດສາຫະກຳຂະໜາດໃຫຍ່ຢູ່ລາວເປັນຕົ້ນໂຄງການ ບໍ່ຄຳເຊໂປນ ແລະ ຂະແໜງ ການອື່ນໆຂອງລັດຖະບານ.

ຟາມລ້ຽງໝູແສງເດືອນ ຕັ້ງຢູ່ບ້ານ ນານົກຂຸ້ມ ເມືອງ ທຸ ລະຄົມ ແຂວງວຽງຈັນ ໄດ້ເລີ່ມ ກິດຈະການລ້ຽງໝູມາແຕ່ປີ 2007 ໂດຍທ່ານນາງ ແສງເດືອນ ເທດສົມບັນດິດ ເຈົ້າຂອງຟາມຜູ້ປະ ກອບການທຸລະກິດໄດ້ຕັດສິນໃຈສະລະອາຊີບຈາກເປັນພະນັກ ງານຢູ່ກະຊວງສຶກສາທິການ ແລະ ກິລາ ໃນເມື່ອກ່ອນ ໄດ້ພ້ອມກັບຄອບຄົວລູກເຕົ້າທ້ອນໂຮມຊັບທີ່ຕົນເອງມີຈຳນວນໜຶ່ງ ຫັນມາສ້າງເສດຖະກິດຄອບຄົວໃໝ່ໃຫ້ພໍຢູ່ພໍກິນ ໂດຍຖືເອົາອາຊີບການລ້ຽງໝູເປັນຫຼັກຈາກການລົງທຶນຊື້ໝູແມ່ພັນຈຳນວນໜຶ່ງມາລ້ຽງເອົາເປັນໝູແມ່ພັນ ແລະ ໝູພັນ ຊີ້ນສົ່ງຈຳໜ່າຍຂາຍໃຫ້ລູກຄ້າຕາມສັ່ງ.ເຖິງຢ່າງໃດກໍດີຍ້ອນການເສີມຂະຫຍາຍນ້ຳໃຈບຸກບືນ ດຸໝັ່ນຂະຫຍັນພຽນບວກກັບ ການສູ້ຊົນໃນການລ້ຽງສັດທັງເຮັດຕົວຈິງທັງຖອດຖອນບົດ ຮຽນໄປພ້ອມ ຕົກມາໃນປີ 2009 ການດຳເນີນທຸລະກິດລ້ຽງໝູ

ຂອງນາງ ແສງເດືອນ ຈຶ່ງໄດ້ມີການລົງທຶນໂດຍການຂະຫຍາຍມາເປັນຟາມລ້ຽງໝູ ທີ່ໄດ້ມາດ ຕະຖານໝັ້ນຄົງໂດຍໃນປີດັ່ງ ກ່າວເຈົ້າຂອງຜູ້ປະກອບການໄດ້ມີໝູແມ່ພັນທັງໝົດ 1.500 ແມ່ ຄິດສະເລ່່ຍແຕ່ລະແມ່ສາມາດຜະລິດລູກໝູໄດ້ບໍ່ໜ້ອຍກວ່າ 10 ໂຕຕໍ່ແມ່ພັນ ຊຶ່ງຜູ້ປະກອບການໄດ້ລ້ຽງ ໝູນ້ອຍໃຫ້ໃຫຍ່ເຕັມກຳນົດແລ້ວສົ່ງຂາຍໃຫ້ລູກຄ້າ ແລະ ອີກຈຳນວນໜຶ່ງລ້ຽງເປັນໝູພັນຊີ້ນຄົບກຳນົດສາມເດືອນແລ້ວສົ່ງຂາຍໃຫ້ທ້ອງຕະຫຼາດ. ມາຮອດດຽວນີ້, ຟາມລ້ຽງໝູແສງເດືອນນັບວ່າໄດ້ມີການເຕີບໃຫຍ່ຂະຫຍາຍໂຕທີ່ສາມາດເພິ່ງກຳລັງຕົນເອງໄດ້ ແລະ ຮັບປະ ກັນໃນການລ້ຽງຄົບວົງຈອນ ເປັນຕົ້ນ ຟາມດັ່ງກ່າວ ສາມາດສ້າງໂຮງງານຜະລິດຫົວອາຫານເພື່ອຮອງຮັບການລ້ຽງ ໝູຂອງຕົນຢ່າງພຽງພໍ,ຂະນະທີ່ເຈົ້າຂອງຜູ້ປະກອບການໄດ້ເສີມຂະຫາຍຫົວຄິດປະດິດສ້າງໃນການລ້ຽງດູສັດ,ຊອກຕະຫຼາດ ຈຳໜ່າຍຜະ ລິດຕະພັນຊີ້ນໝູໃຫ້ກວ້າງຂວາງກ່ວາເກົ່າຈາກການ ສະໜອງຊີ້ນ ແລະ ໝູພັນໃຫ້ທ້ອງຕະຫຼາດຢູ່ແຂວງວຽງຈັນ ໃນເມື່ອກ່ອນ ຮອດປັດຈຸບັນສາມາດສົ່ງຜະລິດຕະພັນຊີ້ນໃຫ້ແກ່ທ້ອງຕະຫຼາດຢູ່ນະຄອນຫຼວງ, ບັນດາຂະແໜງການອ້ອມຂ້າງລັດຖະ ບານ ຕະຫຼອດເຖິງຫົວ ໜ່ວຍທຸລະກິດໂຮງຈັກໂຮງງານລວມໄປເຖີງບໍລິສັດບໍ່ທອງຄຳເຊໂປນ ກໍໄດ້ກາຍເປັນໜຶ່ງໃນຈຳນວນລູກຄ້າຂອງຟາມລ້ຽງໝູແສງເດືອນ.

ທ່ານ ນາງ ແສງເດືອນ ເທດສົມບັນດິດ ໄດ້ເວົ້າສູ່ຟັງວ່າ: ຈາກການເຮັດທຸລະກິດຟາມແບບຄົບວົງຈອນ ແລະ ການສົ່ງເສີມ ນະໂຍບາຍພັກ-ລັດຖະບານທີ່ໃຫ້ ການສົ່ງເສີມຜະລິດກະສິກຳໃຫ້ສາມາດ ຕອບສະໜອງການບໍລິໂພກພາຍໃນເທື່ອລະກ້າວ ຈຶ່ງໄດ້ຫັນມາສ້າງໂຮງງານຜະລິດຫົວ ອາຫານເພື່ອເຮັດໃຫ້ການຕອບສະໜອງຫົວຫານໝູພາຍໃນຟາມ, ສະເລ່ຍມື້ໜຶ່ງສາ ມາດຜະລິດຫົວ ອາຫານໄດ້ 10-15 ໂຕນຊຶ່ງຊ່ວຍເຮັດໃຫ້ການຜະລິດຊີ້ນໝູເພີ່ມຂື້ນ ທັງຫຼຸດຜ່ອນການນຳເຂົ້າຫົວອາຫານຈາກຕ່າງປະເທດ ແລະ ເປັນການສົ່ງເສີມຜະລິດຕະພັນພາຍໃນທີ່ມີຄຸນນະພາບຂອງລາວເຮົາ. ພ້ອມດຽວກັນນີ້ກໍໄດ້ຮັບການຊີ້ນຳຢ່າງໃກ້ຊິດຈາກກະຊວງ ກະສິກຳ ແລະ ປ່າໄມ້ໃນດ້ານວິ ຊາການເຮັດໃຫ້ຟາມມີການເຕີບໃຫຍ່ຂະຫຍາຍຕົວຊຶ່ງມາຮອດປັດ ຈຸບັນຟາມດັ່ງກ່າວມີພໍ່-ແມ່ໝູ ພັນນັບຫຼາຍກ່ວາ 1 ພັນໂຕທີ່ສາ ມາດຕອບສະໜອງຊີ້ນໝູສູ່ທ້ອງຕະຫຼາດໄດ້ຢ່າງພຽງພໍ ໂດຍສະເພາະການສົ່ງອອກຂາຍຊີ້ນໝູຫຸ້ມຫໍ່ ຊຶ່ງເຫັນວ່າສັງຄົມພວມນິຍົມບໍລິໂພກ.ນອກຈາກຄວາມສະອາດແລ້ວ,ຟາມຍັງໄດ້ເອົາໃຈໃສ່ໃນການສ້າງສູນຈຳໜ່າຍຂຶ້ນ ຢູ່ບ້ານສະພັງເມິກ ເມືອງ ໄຊທານີ ນະຄອນຫຼວງວຽງຈັນເພື່ອເປັນບ່ອນຈຳໜ່າຍຊີ້ນໝູ ແລະ ອາ ຫານແຫ້ງຕ່າງໆ.ທັງນີ້ກໍເພື່ອຮອງຮັບກັບການຂະຫຍາຍຕົວຂອງເສດຖະກິດ ແລະ ການເຂົ້າຮ່ວມເປັນປະຊາຄົມອາ ຊຽນໃນປີ 2015 ໂດຍຟາມຕັ້ງເປົ້າຈະຂະ ຫຍາຍໝູພໍ່-ແມ່ພັນໃນໄດ້ 2 ຫາ 3 ພັນໂຕ ເພື່ອຕອບສະໜອງຕະ ຫຼາດທັງພາຍໃນ ແລະ ມີແຜນສົ່ງຂາຍໄປຍັງຕ່າງປະເທດອີກດ້ວຍ.

ນາງ ແສງເດືອນ ເທດສົມບັນດິດ ກ່າວວ່າ: ຈາກການເຕີບໃຫຍ່ຂະຫຍາຍຕົວຟາມແສງເດືອນ ຍັງໄດ້ເອົາໃຈໃສ່ໃນການສ້າງວຽກເຮັດງານທຳໃຫ້ຊາວ ບ້ານພ້ອມທັງເອົາໃຈໃສ່ໃນການຄຸ້ມຄອງດູແລພະນັກງານຂອງຟາມໂດຍການຍົກສູງສະຫວັດດີການພະນັກງານ,ສົ່ງເສີມວິຊາຊີບການລ້ຽງໝູ ແລະ ປະກອບສ່ວນ ພັດທະນາເສດຖະກິດສັງຄົມ, ພັດທະນາຊາວບ້ານຢູ່່ເຂດດັ່ງ ກ່າວຊຶ່ງປັດຈຸບັນຟາມມີພະນັກງານກຳມະກອນຫຼາຍກ່ວາ 60 ຄົນທີ່ມາຈາກຕ່າງແຂວງ ແລະ ພາຍໃນເມືອງ ທຸລະຄົມເອງ ໂດຍໄດ້ຈ່າຍເງິນເດືອນໃຫ້ແກ່ພະນັກ ງານຂັ້ນຕ່ຳ 6 ແສນກີບ ແລະ ຕາມລຳດັບຄວາມຮູ້ ຊຶ່ງເຮັດໃຫ້ເປັນການປະກອບວຽກເຮັດງານທຳໃຫ້ສັງຄົມ.