ລ້ານຊ້າງມີນີໂຣນຖືສຳຄັນຕໍ່ໂພຊະນາການສຳລັບເດັກນ້ອຍຢູ່ລາວ

    ບໍລິສັດ MMG ລ້ານຊ້າງມີ ນີໂຣນ ໄດ້ຖືສຳຄັນຕໍ່ການພັດທະນາຈະເລີນເຕີບ ໃຫຍ່ຂອງເດັກ ນ້ອຍຢູ່ລາວ ໂດຍໄດ້ສະ ໜອງ ເງິນປະມານ 1,4 ລ້ານໂດລາສະ ຫະລັດ ເພື່ອເປັນທຶນໃຫ້ໂຄງການ ໂພສະນາການຂອງອົງການອຸຍນີເຊບ (UNI CEF) ແລະ ກະຊວງ ສາທາລະນະສຸກຮ່ວມກັນຈັດຂຶ້ນ ເພື່ອແຈກຢາຍວິຕາມິນໃຫ້ເດັກ ນ້ອຍຢູ່ແຂວງສະຫວັນນະເຂດ, ສາລະວັນ ແລະ ແຂວງຜົ້ງສາລີ.       

      ໃນໄລຍະການປະຕິບັດໂຄງ ການຈະມີການແຈກຢາຍຜົງວິຕາ ມິນຈຳນວນ 4 ລ້ານຊອງ ທີ່ມີ ທາດສຳຄັນເຊັ່ນ: ວິຕາມິນ ບີ (B) ແລະ ທາດຕ່າງໆທີ່ຮ່າງກາຍຂອງເດັກມີຄວາມຕ້ອງການ ເພື່ອການພັດທະນາ ແລະ ຈະເລີນເຕີບໃຫຍ່ທາງຮ່າງກາຍ ແລະ ມັນສະໝອງເຊິ່ງພຽງແຕ່ຕື່ມຜົງວິຕາມິນຊອງໜຶ່ງໃສ່ໃນອາຫານຂອງເດັກນ້ອຍແຕ່ລະມື້ເທົ່ານັ້ນ ກໍຈະສາມາດສົ່ງຜົນ ທີ່ສຳຄັນຕໍ່ການປັບປຸງສຸຂະພາບ ແລະ ການພັດທະນາທີ່ດີຂອງເດັກນ້ອຍ.

     ອົງການອຸຍນີເຊບ ໃຫ້ຮູ້ວ່າ: ການຕອບສະໜອງຄວາມຮຽກ ຮ້ອງຕ້ອງການດ້ານໂພສະນາ ການຂອງເດັກນ້ອຍຍັງເປັນສິ່ງ ທ້າທາຍໃນຊົນນະບົດຂອງລາວ ເນື່ອງຈາກວ່າມີເດັກນ້ອຍທີ່ມີອາຍຸໜ້ອຍກວ່າ 5 ປີ ຫລາຍກວ່າ 40% ຂາດສານອາຫານ, ແຕ່ແນວໃດກໍຕາມສຳລັບຄອບຄົວ ທີ່ມີເດັກນ້ອຍເຫັນວ່າມີຄວາມ ສ່ຽງທີ່ສຸດຕໍ່ການຂາດສານອາຫານຈະໄດ້ຮັບຜົງວິຕາ ມິນ
ໂດຍບໍ່ເສຍຄ່າ, ແຕ່ໃນເຂດທີ່ມີຄວາມສາມາດໃນການຊື້ອາຫານເສີມດັ່ງ ກ່າວນີ້ ຜົງວິຕາມີນຈະໄດ້ຂາຍໃນລາຄາພິເສດແກ່ ຄອບຄົວທີ່ຕ້ອງການເຊິ່ງແນວຄິດນີ້ສ່ວນໜຶ່ງແມ່ນວິທີການຕະຫລາດ ເພື່ອເຮັດໃຫ້ຜົງວິຕາມິນດັ່ງກ່າວມີຢູ່ທົ່ວໄປ ແລະ ໃນຂະ ນະດຽວກັນກໍຫລຸດຜ່ອນການອາໄສທຶນຈາກຜູ້ໃຫ້ທຶນພາຍນອກ.

     ສຳລັບ ບໍລິສັດ MMG ລ້ານ ຊ້າງມີນີໂຣນ ໄດ້ເຮັດວຽກຮ່ວມ ກັບອົງການອຸຍນີເຊບມາແຕ່ປີ 2011 ເພື່ອຫາທຶນ, ປູກຈິດ ສຳນຶກ ແລະ ສະໜອງບັນດາແຜນງານ ຢູ່ເຂດຕົວຈິງ ເພື່ອເລັ່ງໃສ່ບັນຫາ ການຂາດເຂີນອາຫານ ແລະ ແຮ່ທາດສັງກະສີຢູ່ໃນ ລະດັບສາກົນ.