ຊ້າງເປັນສັດທີມີຄຸນຄ່າ ແລະ ມີຄວາມຜູກພັນກັບຊາວລາວເຮົາ
ມາໄດ້ຫຼາຍ ຍຸກ,ຫຼາຍສະໄໝແລ້ວ, ປະຈຸບັນນີ້ປະຊາ ກອນຊ້າງ, ນັບທັງຊ້າງລ້ຽງແລະຊ້າງປ່າເຫັນ
ວ່ານັບມື້ຫຼຸດໜ້ອຍຖອຍລົງເນື່ອງ ຈາກຫຼາຍສາເຫດເປັນຕົ້ນແມ່ນ ການຂະຫຍາຍ ພັນຂອງຊ້າງລ້ຽງ
ແມ່ນມີໜ້ອຍກ່ວາສັດປະເພດອື່ນ, ສ່ວນຊ້າງປ່າແມ່ນຫຼຸດລົງຍ້ອນ ການຖືກລ່າແລະຖືກທຳລາຍທີ່ຢູ່ອາໄສ
ຈາກຄົນເຮົາຈົນເຮັດໃຫ້ຜູ້ລ້ຽງຊ້າງ ແລະ ຫຼາຍພາກສ່ວນທີ່ກ່ຽວຂ້ອງເປັນຫຼວງເລື່ອງອະນາຄົດຂອງມັນ.
ບ້ານກຽດໂງ້ງເມືອງປະທຸມ ພອນແຂວງຈຳປາສັກແມ່ນ
ບ້ານໜຶ່ງທີ່ມີຊ້າງ ຫຼົງເຫຼືອຢູ່ ເຊິ່ງ ໄດ້ມີການສ້າງຕັ້ງເປັນສະ ມາຄົມ ຊ້າງ ແລະນຳໃຊ້ ຊ້າງເຂົ້າໃນການບໍລິການນັກທ່ອງທ່ຽວທັງ
ພາຍໃນແລະຕ່າງ ປະເທດ, ເປັນຕົ້ນແມ່ນກິດຈະກຳຂ່ີຊ້າງ ຊົມບຶງ, ຊົມທັດສະນິຍະພາບປ່າສະຫງວນແຫ່ງຊາດເຊປຽນ
ແລະ ຊົມທຳມະຊາດ ເທິງພູອາສາຕາມ ໂຄງການທ່ອງທ່ຽວອະນຸ ລັກທຳ ມະຊາດແບບຍືນຍົງໂດຍປະຊາຊົນມີສ່ວນຮ່ວມ,
ພໍ່ເຖົ້າສີກາແສງພະຈັນ, ຮອງປະທານສະມາຄົມຊ້າງບ້ານກຽດໂງ້ງໃຫ້ຮູ້ວ່າ:ປັດຈຸບັນພາຍໃນບ້ານກໍຄືພາຍໃນສະມາຄົມມີຊ້າງ13ໂຕສຳລັບການບໍລິການໃຫ້ນັກທ່ອງທ່ຽວໄດ້ຂ່ີໃນແຕ່ລະມື້,
ໄດ້ ຈັດຖ່ຽວຜັດປ່ຽນກັນ ຕາມຈຳນວນນັກທ່ອງທ່ຽວ, ສ່ວນຄ່າບໍລິການຂີ່ຊ້າງຂື້ນພູອາ
ສາແມ່ນ120.000ກີບ/ຖ້ຽວ,ໃນນັ້ນແບ່ງປັນໃຫ້ເຈົ້າຂອງຊ້າງ90ພັນກີບ,ແບ່ງປັນໃຫ້ບ້ານ,ເມືອງແລະສະມາຄົມບ່ອນລະ10
ພັນກີບ, ແຕ່ຖ້າຂີ່ຊ້າງທ່ຽວປ່າຊົມ
ບຶງຄ່າບໍລິການແມ່ນ 360.000 ກີບ/ ຖ້ຽວເພາະໃຊ້ເວລາໝົດມື້,ສິ່ງໜຶ່ງທີສະມາຄົມຊ້າງຂອງພວກເຮົາເປັນຫ່ວງແລະວິຕົກກາງວົນແມ່ນຈຳນວນຊ້າງລ້ຽງທີຢູ່ໃນການຄອບຄອງຂອງປະຊາຊົນນັບມື້ຫຼຸດໜ້ອຍຖອຍລົງແລະກໍ່ມີທ່າອ່ຽງວ່າຈະສູນພັນໄປ,ສະເພາະຢູ້ບ້ານກຽດໂງ້ງກໍເປັນເວ
ລາ 20 ກ່ວາປີແລ້ວທີ່ບໍມີຊ້າງໃໝ່ເກີດມາແລະບ້ານອື່ນໆທີມີຊ້າງກໍຄືກັນ,ການລ້ຽງຊ້າງຢູ່ບ້ານດັ່ງ
ກ່າວແມ່ນລ້ຽງແບບທຳມະຊາດແຫຼ່ງອາຫານກໍມີຄວາມສະດວກເພາະຊ້າງກິນຫຍ້າ,ໃບໄມ້,ພຸ້ມໄມ້,ເປືອກໄມ້ແລະໝາກໄມ້ເປັນອາຫານ,ຍາມແລ້ງຖ້າຫາກມືໃດບ່ໍຖືກຖ້ຽວບໍລິການແມ່ນຈະປ່ອຍຊ້າງລົງບຶງໂລດຮອດຕອນຄ່ຳຈຶງໄປນຳມາແຫຼ່ງໄວ,້ສ່ວນຍາມຝົນຫຍຸ້ງຍາກແດ່ໜ້ອຍໜຶງເພາະຢູ່ອ້ອມຮອບບຶງມີແຕ່ນາຂອງປະ
ຊາຊົນ,ຕາມທຳມະຊາດຂອງຊ້າງນັ້ນບໍ່ແມ່ນມັນຈະປະສົມພັນກັນໄດ້ທຸກເວລາແຕ່ມັນມີໄລຍະຂອງການປະສົມພັນກັນຄັກແນ່,
ປົກກະຕິແມ່ນປະມານກາງເດືອນ ຕຸລາ-ເດືອນທັນວາຂອງທຸກໆປີແລະໄລຍະການຖືພາຂອງຊ້າງນັ້ນດົນເຖິງ36ເດືອນຈິງຈະໃຫ້ກຳເນີດລູກໄດ້.ສ່ວນການປະສົມພັນຂອງຊ້າງຢູ່ບ້ານກຽດໂງ້ງໃນອະດີດນັ້ນພໍຮອດຍາມເຈົ້າຂອງກໍຈະປ່ອຍໃຫ້ຊ້າງໄປປະສົມພັນກັນຢູ່ບຶງໂລດ,ແຕ່ໄລຍະ20-30ປີມານີ້ໄດ້ມີການປ່ຽນແປງ,
ຊ້າງເຖິກ (ໂຕຜູ້)ກໍ່ມີໜ້ອຍເມືອຮອດລະດູການຊ້າງປະສົມພັນເຈົ້າຂອງຊ້າງກໍບໍ່ປ່ອຍໃຫ້ຊ້າງໄປປະສົມ
ພັນກັນຄືແຕ່ກ່ອນ.ບັນຫາດັ່ງກ່າວນີ້ກໍ່ເປັນສາເຫດໜຶ່ງທີເຮັດໃຫ້ຊ້າງບໍ່ມີການອອກແມ່ແພ່ລູກແລະກໍມີໂອກາດສູນພັນສູງທີ່ສຸດ.
ນັກທ່ອງທ່ຽວຫຼາຍທ່ານ ເວົ້າວ່າ:ເມື່ອມາເຖິງບ້ານກຽດໂງ້ງແລ້ວບໍ່ໄດ້ຂີ່ຊ້າງກໍ່ສ່ຳກັບວ່າບໍ່ໄດ້ມາບ້ານແຫ່ງນີ້ເພາະສະນັ້ນຜູ້ທ່ີຈະມາຂີ້ຊ້າງກໍຕ້ອງໄດ້ປະ
ສານງານກັບໜ່ວຍງານທີ່ກ່ຽວຂ້ອງຫຼືບໍລິສັດທ່ອງທ່ຽວເພື່ອຈອງຄິວເພື່ອບ່ໍໃຫ້ເສຍເວລາໃນການລໍ້ຖ້າເພາະຊ້າງບ່ໍມີພຽງພໍໃຫ້ຂີ່ແຕ່ນັກທ່ອງທ່ຽວພັດນິຍົມຂ່ີຊ້າງເພື່ມຂື້ນເລື້ອຍໆ.
No comments:
Post a Comment