ຕາມແຫລ່ງຂ່າວປ້ອງກັນຄວາມສະຫງົບ ແຈ້ງໃຫ້ຮູ້ວ່າ:
ເມື່ອທ້າຍເດືອນເມສາຜ່ານມານີ້, ກຳລັງເຈົ້າໜ້າທີ່ຕຳຫລວດສະກັດກັ້ນ ແລະ ຕ້ານການຄ້າມະນຸດ
ປກສ ນະຄອນຫລວງວຽງຈັນ ສາມາດມ້າງແກ໊ງຄ້າປະເວນີລາຍໃຫຍ່ ເຊິ່ງພວມດຳເນີນການຄ້າປະເວນີຢ່າງມີການຈັດຕັ້ງ
ຢູ່ນະຄອນຫລວງວຽງຈັນ ໂດຍເບື້ອງຕົ້ນເຈົ້າ ໜ້າທີ່ສາມາດເຂົ້າຈັບກຸມນາຍໜ້າ
ແລະ ສາວບໍລິການໂສເພນີຈຳນວນ 7 ຄົນ ທີ່ພວມຕິດຕໍ່ຊື້ ຂາຍປະເວນີຢູ່ເຮືອນພັກແຫ່ງໜຶ່ງທີ່ບ້ານບຶງຂະຫຍອງ
ເມືອງສີສັດຕະນາກ ນະຄອນຫລວງວຽງຈັນ ເພື່ອດຳເນີນການສືບສວນ-ສອບສວນ.
ຜູ້ເປັນນາຍໜ້າ ເຊິ່ງແມ່ນຊາຍສະກັນຜູ້ໜຶ່ງ
ອາຍຸ 27 ປີ ເປັນນັກສຶກສາ ປັດຈຸບັນຢູ່ບ້ານໂພນສີນວນ ເມືອງສີສັດຕະນາກ ໄດ້ໃຫ້ການຮັບສາລະພາບວ່າ:
ຕົນເອງໄດ້ເປັນນາຍໜ້າຄ້າປະເວນີແທ້ມາແຕ່ປີ 2012 ຜ່ານມາ ໂດຍອາໄສເຮືອນເຊົ່າຢູ່ບ້ານໂພນສີນວນ
ແລ້ວຊອກເອົາຍິງສາວມາຈາກຕ່າງແຂວງເຂົ້າມາພັກເຊົາຢູ່ນຳ ແລະ ຕິດຕໍ່ຫາແຂກຜູ້ຕ້ອງການສາວບໍລິການ
(ຕ້ອງການຊື້ປະເວນີ) ຢູ່ຕາມໂຮງແຮມ, ເຮືອນພັກ ແລະ ສະຖານທີ່ບັນເທີງຕ່າງໆ
ແລ້ວກໍນຳເອົາສາຍບໍລິການດັ່ງ ກ່າວໄປສົ່ງເຖິງທີ່ ໃນລາຄາແຕ່
1.000-1.500 ບາດໄທຕາມຄວາມ ເໝາະສົມ, ສ່ວນນາຍໜ້າຈະຫັກເອົາຄ່າບໍລິການແຕ່
600- 800 ບາດ, ສ່ວນເຫລືອຈຶ່ງຈະແມ່ນພູດຂອງສາວບໍລິການ ເຊິ່ງມັນເປັນການຂູດຮີດແຮງງານອັນໂຫດ
ຮ້າຍສາມານຈາກກຸ່ມສາວບໍລິ ການ ເພື່ອນຳມາຄູນຮັ່ງຄູນມີໃຫ້ແກ່ພວກຄ້າມະນຸດດັ່ງກ່າວ.
ຫົວໜ້າພະແນກສະກັດກັ້ນ ແລະ ຕ້ານການຄ້າມະນຸດ
ປກສ ນະຄອນຫລວງວຽງຈັນ ເປີດເຜີຍວ່າ: ກ່ອນຈະມ້າງແກ໊ງຄ້າໂສເພ ນີດັ່ງກ່າວໄດ້
ກຳລັງເຈົ້າໜ້າທີ່ພວກເຮົາຕ້ອງເສຍເວລາຕິດຕາມການເຄື່ອນໄຫວຂອງພວກເຂົາ ເພື່ອຮູ້ການເຄື່ອນໄຫວຢ່າງເປີດແປນຂອງພວກເຍົາທີ່ຜິດຕໍ່ລະ
ບຽບກົດໝາຍ ແລະ ສ້າງຄວາມເສື່ອມເສຍທາງວັດທະນະທຳອັນດີງາມຂອງຊາດ, ເປັນການຈັດ
ຕັ້ງຄ້າຂາຍປະເວນີຢ່າງໂລດໂຜນ ເຮັດໃຫ້ສັງຄົມຂາດຄວາມເປັນລະບຽບຮຽບຮ້ອຍ ແລະ
ຈຳນວນສາວບໍລິການນັ້ນບາງຄົນກໍຖືກເຈົ້າໜ້າທີ່ນຳມາສຶກສາອົບຮົມຫລາຍເທື່ອແລ້ວແຕ່ບໍ່ເຄັດຫລາບ
ດັ່ງນັ້ນ ຄະດີດັ່ງກ່າວຈຶ່ງຈະໄດ້ນຳສົ່ງຟ້ອງໄອຍະການ ແລະສານ ຕັດສິນຕາມລະບຽບກົດໝາຍ.
No comments:
Post a Comment