ພິທີປະກາດເປີດບັ້ນການສຳຫລວດເສດຖະກິດທົ່ວປະເທດຄັ້ງ
ທີ II ໄດ້ຈັດຂຶ້ນໃນວັນທີ 2 ພຶດສະ ພາ 2013 ຢູ່ສູນການຄ້າລາວ-ໄອເຕັກ, ນະຄອນຫລວງວຽງຈັນ
ໂດຍການເຂົ້າຮ່ວມຂອງ ທ່ານ ສົມດີ ດວງດີ ລັດຖະມົນຕີວ່າ ການກະຊວງແຜນການ ແລະ ການລົງທຶນ
ຫົວໜ້າຄະນະຊີ້ນຳ ການສຳຫລວດເສດຖະກິດທົ່ວ ປະເທດ,ມີບັນດາລັດຖະມົນຕີວ່າການ, ຊ່ວຍວ່າການ,ບັນດາຄະນະຊີ້ນຳການສຳຫລວດຂັ້ນສູນກາງ
ແລະ ບັນດາແຂວງ ພ້ອມດ້ວຍພະນັກງານວິຊາການທີ່ກ່ຽວຂ້ອງຈຳນວນໜຶ່ງ.
ທ່ານ ສົມດີ ດວງດີ ໄດ້ຍົກໃຫ້ເຫັນຄວາມໝາຍຄວາມສຳ
ຄັນຂອງການເປີດບັ້ນການສຳຫລວດເສດຖະກິດທົ່ວປະເທດຄັ້ງ ທີ II ນີ້ວ່າ: ການປະກາດບັ້ນສຳຫລວດເສດຖະກິດທົ່ວປະເທດໃນຄັ້ງນີ້ແມ່ນໜຶ່ງໃນການສຳຫລວດ
ສະຖິຕິທີ່ສຳຄັນ ນອນໃນແຜນຍຸດທະສາດພັດທະນາລະບົບສະຖິຕິແຫ່ງຊາດຂອງລັດຖະບານ
ທີ່ໄດ້ບັນຢັດໄວ້ໃນກົດໝາຍວ່າດ້ວຍສະຖິຕິ ເຊິ່ງຈະປະຕິບັດໃນທຸກໆ 5 ປີໂດຍນຳໃຊ້ເຕັກນິກດ້ານວິຊາການທີ່ສາມາດສົມທຽບກັບສາ
ກົນ. ການສຳຫລວດເສດຖະກິດຄັ້ງນີ້ແມ່ນຄັ້ງທີ່ສອງຂອງປະເທດເຮົາເຊິ່ງຄັ້ງທຳອິດແມ່ນໄດ້ດຳເນີນການສຳຫລວດໃນປີ
2006 , ການສຳຫລວດໃນຄັ້ງນີ້ແມ່ນມີຄວາມໝາຍຄວາມສຳຄັນເພາະເປັນແຫລ່ງຂໍ້ມູນຂ່າວສານກ່ຽວກັບສະພາບການດຳເນີນ
ແລະ ການເຄື່ອນໄຫວຂອງຫົວ ໜ່ວຍທຸລະກິດເປັນຕົ້ນແມ່ນ ການ ຜະລິດ, ການລົງທຶນ, ລາຍຮັບ-ລາຍຈ່າຍ,
ລະບົບການນຳໃຊ້ເຕັກນິກ ແລະ ສະພາບການຈ້າງງານຂອງຜູ້ປະກອບການ, ເຊິ່ງ ຜົນຂອງການສຳຫລວດດັ່ງກ່າວຈະເປັນຂໍ້ມູນທີ່ສຳຄັນເພື່ອຕີລາ
ຄາແລະວັດແທກຜົນສຳເລັດຂອງການຈັດຕັ້ງປະຕິບັດແຜນຍຸດທະສາດພັດທະນາເສດຖະກິດ-
ສັງ ຄົມ ແລະ ເປັນໄມ້ຫລາວັດແທກສຳລັບການຫລຸດພົ້ນອອກຈາກປະເທດດ້ອຍພັດທະນາໃນປີ
2020 ກໍຄື ຫລຸດພົ້ນອອກຈາກຄວາມທຸກຍາກຕາມເປົ້າໝາຍສະຫັດສະວັດຂອງ
ລັດຖະບານແຫ່ງ
ສປປ.ລາວ ທີ່ໄດ້ວາງໄວ້ໃນປີ 2015 ເວົ້າລວມ, ເວົ້າສະເພາະ ແມ່ນຈະເປັນຂໍ້ມູນສະຖິຕິພື້ນຖານໃຫ້ແກ່ການຈັດຕັ້ງປະຕິ
ບັດທິດນຳສ້າງແຂວງເປັນຫົວ ໜ່ວຍຍຸດທະສາດ, ສ້າງເມືອງໃຫ້ເປັນຫົວໜ່ວຍເຂັ້ມແຂງຮອບ
ດ້ານ ແລະ ສ້າງບ້ານເປັນຫົວ ໜ່ວຍພັດທະນາ, ການສຳຫລວດຄັ້ງນີ້ຈະເປັນຂໍ້ມູນສະຖິຕິທາງການທີ່ເປັນບ່ອນອີງອັນໜັກແໜ້ນໃຫ້ແກ່ພັກ,
ໃຫ້ເເກ່ລັດຖະບານ ແລະ ບັນດາອົງການຈັດຕັ້ງສາ ກົນໃນການຕີລາຄາຜົນສຳເລັດ ແລະ
ປະເມີນຄວາມຄືບໜ້າການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ IX ຂອງພັກ,
ແຜນພັດທະນາເສດຖະກິດ-ສັງ ຄົມແຫ່ງຊາດ, ການບັນລຸເປົ້າໝາຍສະຫັດສະວັດໃນປີ
2015 ແລະ ການຫລຸດພົ້ນອອກຈາກປະເທດດ້ອຍພັດທະນາໃນປີ 2020 ພ້ອມນີ້ ທ່ານຍັງໄດ້ກ່າວຕື່ມອີກວ່າ:
ການສຳຫລວດຄັ້ງນີ້ຈະບໍ່ໄດ້ຮັບຜົນສຳເລັດຖ້າຫາກຂາດການຮ່ວມມື ແລະ ເປັນເຈົ້າການຂອງບັນດາການນຳ ອຳ ນາດການປົກຄອງທຸກຂັ້ນ ໂດຍສະເພາະແມ່ນບັນດາຄະນະຊີ້ນຳຂັ້ນນະ
ຄອນຫລວງ, ຂັ້ນແຂວງ, ຂັ້ນເມືອງ ແລະ ບຸກຄະລາກອນທີ່ເຂົ້າຮ່ວມດຳເນີນການສຳຫລວດນີ້ໃນຂອບເຂດທົ່ວປະເທດ
ແລະ ບໍ່ສາມາດເກີດຂຶ້ນໄດ້ຖ້າປາສະຈາກການໃຫ້ການຮ່ວມມືຂອງບັນດາຫົວໜ່ວຍທຸລະກິດ
ແລະ ຫ້າງຮ້ານໃນການອຳນວຍຄວາມສະດວກ ແລະ ຕອບສະ ໜອງຂໍ້ມູນດ້ວຍຄວາມຈິງໃຈ.
ໃນເຊົ້າຂອງວັນດຽວກັນ ນີ້ກໍໄດ້ມີກອງປະຊຸມຄະນະຊີ້ນຳສຳຫລວດທົ່ວປະເທດຄັ້ງທີ
II ເພື່ອປຶກສາຫາລື, ປະກອບຄຳຄິດເຫັນ
ແລະ ຮັບຟັງບົດລາຍງານ ຄວາມຄືບໜ້າ ຂອງການກະກຽມການສຳຫລວດເສດຖະກິດ ເປັນ
ຕົ້ນແມ່ນ ສະພາບການຈັດແບ່ງເຂດສຳຫລວດ,ສະພາບຫົວໜ່ວຍ ເສດຖະກິດຕ່າງປເທດ, ຄວາມພ້ອມດ້ານບຸກຄະລາກອນ
ແລະ ວຽກງານໂຄ ສະນາ, ວຽກງານໂຄສະນາ ແລະ ວຽກງານ ປກຊ- ປກສ, ຂັ້ນຕອນ ແລະ ການຈັດແບ່ງເຂດສຳຫລວດ,
ສະພາບຈັດແບ່ງເຂດສຳຫລວດກ່ຽວກັບເຂດເສດຖະກິດພິເສດ, ຄວາມເປັນມາ ແລະ ຄວາມຄືບໜ້າຂອງການສຳຫລວດເສດຖະກິດ, ການກະ
ກຽມ ແລະ ຄວາມພ້ອມໃຫ້ແກ່ການສຳຫລວດຂອງນະຄອນຫລວງ ແລະ ອື່ນໆ.
No comments:
Post a Comment