ພິທີສະເຫລີມສະຫລອງວັນສື່ມວນຊົນ
ແລະ ວັນການພິມຈຳໜ່າຍ 13 ສິງຫາ ຄົບຮອບ 63 ປີ (13/08/ 1950 - 13/08/2013) ໄດ້ຈັດຂຶ້ນຢ່າງຄຶກຄື້ນໃນວັນທີ
13 ສິງຫານີ້ ຢູ່ຫໍວັດທະນະທຳແຫ່ງຊາດ ໃນນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານ
ສຈ. ດຣ. ບໍ່ແສງຄຳ ວົງດາ ລາ ລັດຖະມົນຕີວ່າການກະຊວງຖະແຫລງຂ່າວ, ວັດທະນະທຳ ແລະ
ທ່ອງທ່ຽວ, ປະທານສະມາ ຄົມນັກຂ່າວ ແຫ່ງ ສປປ ລາວ ແລະ ນັກຮົບສື່ມວນຊົນເຂົ້າຮ່ວມເກືອບ
200 ຄົນ ເພື່ອພ້ອມກັນສະເຫລີມສະຫລອງວັນທີ່ມີຄວາມໝາຍສຳຄັນດັ່ງກ່າວຂອງວົງການສື່ມວນຊົນ
ແລະ ວົງການພິມຈຳໜ່າຍພວກເຮົາ ເພາະເປັນວັນທີ່ກົດໝາຍສື່ມວນຊົນ ແລະ ກົດ
ໝາຍວ່າດ້ວຍການພິມຈຳໜ່າຍໄດ້ກຳນົດເອົາວັນນີ້ເປັນວັນສື່ມວນຊົນແຫ່ງຊາດ
ແລະ ເປັນວັນການພິມຈຳໜ່າຍ ແລະ ການສະເຫລີມສະຫລອງເທື່ອນີ້ກໍເພື່ອຫວນຄືນມູນເຊື້ອແຫ່ງການກຳເນີດ,
ການເຕີບໃຫຍ່ຂະຫຍາຍຕົວ ແລະ ການກ້າວໄປຂ້າງໜ້າຂອງກຳລັງສື່ມວນຊົນ ແລະ ການພິມຈຳໜ່າຍຂອງພວກເຮົາ.
ໃນພິທີອັນຄຶກຄື້ນນີ້, ທ່ານ ສະຫວັນຄອນ
ຣາຊະມຸນຕຣີ ລັດ ຖະມົນຕີຊ່ວຍວ່າການກະຊວງຖະແຫລງຂ່າວ, ວັດທະ ນະທຳ ແລະ ທ່ອງທ່ຽວ
ກໍໄດ້ຂຶ້ນລາຍງານສະ ພາບການເຄື່ອນໄຫວຂອງວົງການສື່ມວນຊົນ ແລະ ການພິມຈຳໜ່າຍຂອງພວກເຮົາໃນຜ່ານມາ.
ສື່ມວນຊົນປະຕິວັດລາວນັບມື້ໄດ້ເຕີບໃຫຍ່ຂະຫຍາຍຕົວ ນັບທັງດ້ານຈຳນວນ ແລະ
ຄຸນນະພາບ, ມາຮອດ
ປັດຈຸບັນໄດ້ມີຄົບທຸກປະເພດສື່ ເປັນຕົ້ນສື່ສິ່ງພິມມີ
118 ສະບັບ ຈາກ 90 ສະບັບ ໃນປີ 2010, ໃນນັ້ນ ມີໜັງ ສືພິມລາຍວັນ 11 ສະບັບ, ວິທະຍຸກະຈາຍສຽງເພີ່ມຂຶ້ນຈາກ
43 ສະຖານີ ໃນປີ 2010 ມາເປັນ 53 ສະ ຖານີ, ໃນນັ້ນ ມີວິທະຍຸຊຸມຊົນເພື່ອການພັດທະນາ
4 ແຫ່ງ, ສະ ຖານີໂທລະພາບກໍເພີ່ມຂຶ້ນຈາກ 32 ສະຖານີ ໃນປີ 2010 ມາເປັນ 37 ສະຖານີໃນປັດຈຸບັນ.
ພ້ອມນັ້ນ ລະບົບຂ່າວສານຜ່ານອິນເຕີເນັດ, ຂໍ້ຄວາມສັ້ນຜ່ານໂທລະສັບມືຖື ແລະ ຜ່ານເວັບໄຊຕ່າງໆກໍໄດ້ຂະ
ຫຍາຍຕົວ. ບັນດາເນື້ອໃນ ແລະ ຮູບແບບຂອງສື່ມວນຊົນໄດ້ຮັບການພັດທະນາດ້ວຍຄຸນນະພາບໃໝ່
ສາມາດສ່ອງແສງເຫດການໄດ້ຢ່າງທັນການ, ຊັດເຈນ, ເລິກເຊິ່ງ, ກວ້າງຂວາງ, ຫລາຍຮູບຫລາຍສີທີ່ສາມາດດຶງດູດໄດ້ຜູ້ອ່ານ,ຜູ້ຟັງແລະຜູ້ຊົມນັບມື້ກວ້າງ
ຂວາງທົ່ວເຖິງທຸກເປົ້າໝາຍທັງພາຍໃນ ແລະ ຕ່າງປະເທດສາມາດປະກອບສ່ວນສຳຄັນເຂົ້າໃນພາລະກິດພັດທະນາສ້າງສາປະເທດຊາດ,
ເຂົ້າຮ່ວມສະກັດກັ້ນ ປາກົດການຫຍໍ້ທໍ້ດ້ານຕ່າງໆ, ຕອບຕ້ານຖອຍທຳນອງໃສ່ຮ້າຍປ້າຍສີຂອງອິດທິກຳລັງປໍລະປັກໄດ້ຢ່າງມີປະສິດທິຜົນ,
ສ່ວນວຽກງານພິມຈຳໜ່າຍເປັນວຽກໜຶ່ງທີ່ສຳຄັນຢູ່ໃນຊີວິດສັງຄົມ ເພາະເປັນວຽກສຶກສາອົບຮົມຄົນ
ເປັນການສ້າງຊັບພະຍາກອນມະນຸດ ນັບທັງທາງກົງ ແລະ ທາງອ້ອມ, ເວົ້າລວມແລ້ວວຽກງານນີ້ໄດ້ມີບາດກ້າວຂະຫຍາຍຕົວໃນຫລາຍດ້ານ,
ພື້ນຖານໂຄງລ່າງໄດ້ຮັບການພັດທະນາ, ບຸກຄະລາກອນໄດ້ຮັບການຍົກລະດັບ ແລະ ສາ
ມາດສົ່ງເສີມໃຫ້ປະຊາຊົນບັນດາເຜົ່າມີສ່ວນຮ່ວມໃນການປະຕິບັດວຽກງານພິມຈຳໜ່າຍຢ່າງຖືກຕ້ອງຕາມແນວທາງຂອງພັກ
ແລະ ລະບຽບກົດໝາຍຂອງລັດ.
ໃນໂອກາດອັນສະຫງ່າລາ ສີນີ້, ທ່ານ ສຈ.
ດຣ. ບໍ່ແສງຄຳ ວົງດາລາ ກໍໄດ້ມີຄຳປາໄສຕໍ່ພິທີສະເຫລີມສະຫລອງວັນປະຫວັດ
ສາດສຳຄັນນີ້ ໂດຍໄດ້ຫວນຄືນເຖິງມູນເຊື້ອ ແລະ ປະຫວັດການເຄື່ອນໄຫວຂອງກຳລັງສື່ມວນຊົນ
ແລະ ພິມຈຳໜ່າຍທີ່ໄດ້ປະກອບ ສ່ວນເຂົ້າໃນຂະບວນການປະຕິ ວັດລາວ, ໃນການປຸກລະດົມຂະບວນການຕໍ່ສູ້ຕ້ານຈັກກະ
ພັດຜູ້ຮຸກຮານ ຈົນສາມາດປົດປ່ອຍປະເທດຊາດໄດ້ຢ່າງສົມບູນໃນປີ 1975 ແລະ ຈາກນັ້ນມາ
ສື່ມວນຊົນ ແລະ ການພິມຈຳໜ່າຍກໍໄດ້ຕັ້ງໜ້າປະກອບສ່ວນເຂົ້າໃນພາ ລະກິດປົກປັກຮັກສາ
ແລະ ສ້າງ ສາປະເທດຊາດລາວນັບມື້ເຕີບໃຫຍ່ຂະຫຍາຍຕົວ.
ລັດຖະມົນຕີວ່າການ ໄດ້ກ່າວ ເນັ້ນວ່າ: ຖ້າທຽບໃສ່ເມື່ອກ່ອນ
ແນ່ນອນວ່າໃນປັດຈຸບັນນີ້ ສື່ມວນຊົນ ແລະ ການພິມຈຳໜ່າຍຂອງພວກເຮົາໄດ້ມີການເຕີບໃຫຍ່ຂະ
ຫຍາຍຕົວ ແລະ ພວມກ້າວໄປສູ່ຄວາມທັນສະໄໝເທື່ອລະກ້າວແລ້ວ ອັນນີ້ນັບວ່າເປັນຄວາມເອກ
ອ້າງທະນົງໃຈສຳລັບວົງການສື່ມວນຊົນ ແລະ ວົງການພິມຈຳ ໜ່າຍຂອງພວກເຮົາ.
ເຖິງຢ່າງໃດກໍຕາມ, ພັກ, ລັດຖະບານເຮົາ ກໍບໍ່ໄດ້ລົດລະໃນຄວາມພະຍາຍາມຊຸກຍູ້ສົ່ງເສີມໃຫ້ສື່ມວນຊົນ
ແລະ ການພິມຈຳໜ່າຍຂອງພວກເຮົາມີຄວາມເຕີບໃຫຍ່ເຂັ້ມແຂງຂຶ້ນໄປເລື້ອຍໆ ເພື່ອກ້າວໄປທັນຍຸກສະໄໝໄວຂຶ້ນກວ່າເກົ່າ.
ສຳລັບພວກເຮົາກໍຕ້ອງໄດ້ມີຄວາມຫ້າວຫັນ ບຸກບືນຂຶ້ນເທື່ອລະກ້າວໄປເຖິງເປົ້າໝາຍແຫ່ງຄວາມເຂັ້ມແຂງ
ແລະ ທັນສະໄໝທຽມທັນເປັນບາດກ້າວຂະຫຍາຍຕົວຂອງເຕັກໂນໂລຊີ ການສື່ສານໂທລະຄົມແຫ່ງໂລກ
ເຊິ່ງໃນປັດຈຸບັນນີ້ພວກເຮົາກໍພວມຕັ້ງໜ້າຫັນປ່ຽນລະບົບເຕັກນິກວິທະຍຸໂທລະພາບຈາກລະບົບອານາລົກໄປສູ່ລະບົບດີຈີຕອນໃຫ້ສຳເລັດຂັ້ນ
ພື້ນຖານໃນປີ 2015 ແລະ ສືບຕໍ່ປະຕິບັດໃຫ້ສົມ ບູນແບບ ແຕ່ປີ 2020 ເປັນຕົ້ນໄປ
ອັນຈະເຮັດໃຫ້ຄື້ນກະຈາຍ ສຽງ ແລະ ກະຈາຍພາບແຜ່ກວມທົ່ວແຜ່ນດິນລາວ. ພ້ອມກັນນີ້
ກໍຈະສືບຕໍ່ປັບປຸງພື້ນຖານວັດຖຸ-ເຕັກ ນິກການພິມ, ການ ຈຳໜ່າຍໃຫ້ທັນສະໄໝຍິ່ງຂຶ້ນ
ເພື່ອຈະໄດ້ນຳເອົາປຶ້ມ ແລະ ສື່ສິ່ງພິມລົງສູ່ຮາກຖານຢ່າງກວ້າງຂວາງ ແລະ
ວ່ອງໄວກວ່າເກົ່າ ເຊິ່ງທັງໝົດນີ້ເປັນພາລະໜ້າທີ່ອັນໜັກໜ່ວງຂອງພວກເຮົາທີ່ຈະໄດ້ພ້ອມຈິດພ້ອມໃຈກັນສືບຕໍ່ບຸກບືນ
ເຮັດໃຫ້ວົງການສື່ມວນຊົນ ກໍຄືວົງການພິມຈຳໜ່າຍຂອງພວກເຮົາມີຄວາມເຕີບໃຫຍ່ເຂັ້ມແຂງ,
ໜັກແໜ້ນແຫລມຄົມ ແລະ ທັນສະໄໝຂຶ້ນເລື້ອຍໆ.
No comments:
Post a Comment