ສື່ມວນຊົນກອງທັບລາວ- ຫວຽດນາມໄດ້ຮ່ວມກັນຈັດຊຸດສຳມະນາໃນຫົວຂໍ້
“ບົດບາດຂອງສື່ມວນຊົນກອງທັບລາວ- ຫວຽດນາມໃນການໂຄສະນາສຶກສາອົບຮົມມູນເຊື້ອ,
ບົດຮຽນ ແລະ ວິທີການ” ຂຶ້ນໃນວັນທີ 24 ກັນຍານີ້, ຢູ່ໂຮງແຮມລ້ານຊ້າງ, ນະຄອນຫລວງວຽງຈັນ
ໂດຍການເປັນປະທານຮ່ວມຂອງທ່ານ ພັນໂທ ຊົງເດດ ວົງພູທອນ ຫົວໜ້າບັນນາ ທິການໃຫຍ່ໜັງສືພີມກອງທັບປະຊາຊົນລາວ
ແລະ ທ່ານ ພົນຕີ ເລຟຸກຫງວຽນ ຫົວ ໜ້າບັນນາທິການໃຫຍ່ໜັງສືພິມກວັນໂດຍເຢີນເຢີນ,
ຫົວໜ້າຄະນະຜູ້ແທນສື່ມວນຊົນກອງທັບຫວຽດນາມ, ມີບັນດາຄະນະບັນນາທິການຈາກສື່ສິ່ງພິມຕ່າງໆຂອງລາວເຂົ້າຮ່ວມ.
ທ່ານ ພັນໂທ ຊົງເດດ ວົງພູທອນ ໄດ້ຍົກໃຫ້ເຫັນຄວາມໝາຍຄວາມສຳຄັນຂອງການຈັດ
ສຳມະນາຄັ້ງນີ້ ແມ່ນອີກວິທີການໜຶ່ງໃນການໂຄສະນາສຶກສາອົບ ຮົມມູນເຊື້ອໂດຍຜ່ານການແລກ
ປ່ຽນຄຳຄິດຄຳເຫັນ, ບົດຮຽນຕົວຈິງ ແລະ ວິທີ
ໃນການຈັດຕັ້ງປະ ຕິບັດ ແນໃສ່ພັດທະນາຮູບແບບການໂຄສະນາສຶກສາອົບຮົມມູນເຊື້ອໃຫ້ມີ
ຫລາຍຮູບຫລາຍສີ ແລະ ມີຜົນໄດ້ຮັບສູງ. ສື່ມວນຊົນສອງປະເທດ ກໍຄື ສື່ມວນຊົນກອງທັບລາວ-
ຫວຽດນາມ ຈະໄດ້ປະສານສົມ ທົບກັນໃນການໂຄສະ ນາ ແລະ ເຮັດໃຫ້ດີທີ່ສຸດ,ໃນໂອກາດມີເຫດ
ການໃຫຍ່ຂອງສອງຊາດເປັນຕົ້ນ ແມ່ນວັນສ້າງຕັ້ງກອງທັບປະຊາ ຊົນລາວຄົບ ຮອບ 65 ປີ,
20 ມັງ ກອນ 1949-20 ມັງ ກອນ 2014, ວັນສ້າງຕັ້ງກອງທັບປະຊາຊົນຫວຽດນາມຄົບຮອບ 70 ປີ
(22/ 12/1944 - 22/12/2014) ວັນໄຊ ຊະນະດຽນບຽນຝູຄົບຮອບ 60 ປີ
(7/5/1954-7/5/2014) ຍ້ອນແນວນັ້ນຫົວຂໍ້ສຳມະນາໃນເທື່ອນີ້ຈຶ່ງມີຄວາມໝາຍເລິກເຊິ່ງ
ແລະ ສອດ ຄ່ອງກັບລັກສະນະທີ່ທັນສະຖາ ນະການທີ່ສຸດສຳລັບອາຊີບສື່ມວນຊົນສອງປະເທດ.
ທ່ານ ພົນຕີ ເລຟຸກຫງວຽນ ກໍໄດ້ກ່າວວ່າ:
ການຈັດສຳມະນາໃນຄັ້ງນີ້ ແມ່ນເຫດການທີ່ມີຄວາມໝາຍຄວາມສຳຄັນ ເພື່ອການເຄື່ອນໄຫວຕາມບົດບັນທຶກຊ່ວຍຈຳລະຫວ່າງສື່ມວນຊົນກອງທັບສອງປະເທດ
ລາວ- ຫວຽດນາມ ພ້ອມດຽວກັນ ນັ້ນ ກໍເປັນການເຄື່ອນໄຫວຕົວຈິງ ແນໃສ່ປະກອບສ່ວນຜັນຂະຫຍາຍບັນດາແຜນການຮ່ວມມືຮອບ
ດ້ານ ລະຫວ່າງສອງກະຊວງປ້ອງກັນປະເທດ ສສ. ຫວຽດ ນາມ ແລະ ສປປ.ລາວ ໃນຂົງ ເຂດວຽກງານພັກ,
ວຽກງານການເມືອງແນວຄິດເປັນ ຕົ້ນແມ່ນການຮ່ວມມືກັນໃນວຽກງານສື່ມວນຊົນ,
ພ້ອມນີ້ ທ່ານຍັງໄດ້ຊີ້ໃຫ້ເຫັນບາງເນື້ອໃນທີ່ສຳຄັນ ເປັນຕົ້ນແມ່ນ ທີ່ຕັ້ງພາລະບົດ
ບາດຂອງສື່ມວນຊົນກອງທັບສອງປະເທດ ໃນວຽກງານໂຄສະ ນາສຶກສາອົບຮົມມູນເຊື້ອສາຍ
ພົວພັນ, ມິດຕະ ພາບ ຄວາມສາ ມັກຄີພິເສດ ແລະ ການຮ່ວມມື ຮອບດ້ານ ຫວຽດນາມ-ລາວ. ພິເສດ
ທ່ານໄດ້ເນັ້ນບົດບາດຂອງສື່ມວນຊົນດັ່ງເດີມໃນໄລຍະຍຸກຂໍ້ມູນຂ່າວສານຂະຫຍາຍຕົວແຂງແຮງ,
ການພັດທະນາຢ່າງແຂງແຮງຂອງພາຫະນະສື່ສານຍຸກຂໍ້ມູນຂ່າວສານທາງອິນເຕີເນັດ,
ຍົກໃຫ້ເຫັນດ້ານດີຂໍ້ສະດວກ ແລະ ສິ່ງທ້າທາຍໃນຂົງເຂດສື່ ສານມວນຊົນປະຈຸບັນ
ທັງການຕອບຕ້ານກົນອຸບາຍ ຂອງອິດທິ ກຳລັງປໍລະປັກໃນຂົງເຂດວຽກງານນີ້, ນັບທັງການປະຕິບັດໜ້າທີ່ໃນການຕອບໂຕ້ກົນອຸ
ບາຍ ດັ່ງ ກ່າວທາງສື່ມວນຊົນເວົ້າລວມ ເວົ້າສະເພາະແມ່ນສື່ມວນຊົນກອງທັບ, ຕາມບົດບາດໜ້າທີ່ຂອງອົງການສື່ມວນຊົນຂອງກອງທັບສອງປະເທດ
ມີການແລກປ່ຽນດ້ານເນື້ອໃນ, ຮູບແບບ, ວີທີການ, ບົດຮຽນໃນການໂຄສະນາສຶກສາອົບຮົມມູນເຊື້ອ
ຜ່ານພາຫະນະມວນຊົນຄືແນວໃດ, ຈາກນັ້ນອາດຈະນຳສະເໜີວິທີການແກ້ໄຂແນໃສ່ເຮັດໃຫ້ເຮັດໃຫ້ຄຸນນະພາບ
ວຽກງານນີ້ໄດ້ຮັບການຍົກລະດັບດີຂຶ້ນໃນຕໍ່ ໜ້າ, ນຳສະເໜີວິທີການປະຕິບັດທີ່ເໝາະສົມໃນການຜັນຂະຫຍາຍແຜນການຮ່ວມມືປະສານງານກັນໃນການໂຄສະນາລະຫວ່າງສື່ມວນຊົນກອງທັບສອງປະເທດໃນຊຸມປີຕໍ່ໜ້າ.
ພິເສດປີ 2014 ນີ້ເປັນປີທີ່ມີເຫດການປະຫວັດສາດໃຫຍ່ທີ່ຈະມີການສະເຫລີມສະ
ຫລອງໃຫຍ່ຂອງທັງສອງປະເທດ, ນອກຈາກການໂຄສະນາຂໍ້ມູນຂ່າວສານຜ່ານສື່ມວນຊົນແລ້ວ,
ອາດຈະຄົ້ນຄ້ວາການປະ ສານງານກັນຈັດຕັ້ງກິດຈະກຳເຄື່ອນໄຫວສັງຄົມຮ່ວມກັນ ລະ
ຫວ່າງ ອົງການສື່ມວນຊົນສອງປະເທດ.
No comments:
Post a Comment