ບັນດາປະເທດອາຊຽນຮ່ວມມືກັນສົ່ງເສີມວຽກງານວັດທະນະທຳ ແລະ ຖະແຫລງຂ່າວ

        ກອງປະຊຸມປະຈຳປີ ຂອງຄະນະກຳມະການວັດທະນະທຳ ແລະ ຖະແຫລງ ຂ່າວ ອາຊຽນ ຄັ້ງທີ 48(48th ASEAN-COCI Meeting) ໄດ້ຈັດຂຶ້ນໃນວັນທີ 18-22 ພະຈິກ 2013 ທີ່ນະຄອນ ຫລວງ ບັນດາເສຣີເບກາວານ ປະເທດ ບຣູນາຍ ດາຣຸດຊາລາມ ໂດຍການເປັນເຈົ້າພາບ ຂອງ ຄະ ນະກຳມະການແຫ່ງຊາດດ້ານວັດ ທະນະທຳ ແລະ ຖະແຫລງຂ່າວ ອາຊຽນ ຂອງ ປະເທດ ບຣູນາຍ ດາຣຸດຊາລາມ .            

           ເຂົ້າຮ່ວມກອງປະຊຸມໃນຄັ້ງນີ້ມີເຈົ້າໜ້າທີ່ຂັ້ນສູງທີ່ຮັບຜິດຊອບວຽກງານວັດທະນະທຳ ແລະ ຖະແຫລງຂ່າວຂອງບັນ ດາປະເທດສະມາຊິກອາຊຽນ ແລະ ກອງເລຂາອາຊຽນ. ທ່ານ ປິ່ນປາຖະໜາ ພັນທະມາລີ ຫົວໜ້າກົມສື່ມວນຊົນ, ຫົວໜ້າຄະ ນະກຳມະການ ແຫ່ງຊາດດ້ານວັດທະນະທຳ ແລະ ຖະແຫລງຂ່າວອາຊຽນ ແຫ່ງ ສປປ ລາວ ໄດ້ນຳພາຄະນະຜູ້ແທນລາວເຂົ້າ ຮ່ວມກອງປະຊຸມດັ່ງກ່າວ.           

            ກອງປະຊຸມໄດ້ຟັງລາຍ ງານວຽກງານລວມຂອງອາຊ ຽນ ແລະ ທົບທວນຄືນການປະຕິ ບັດໂຄງການດ້ານ ວັດທະ ນະທຳ ແລະ ຖະແຫລງຂ່າວນັບແຕ່ ປີ 2002-2013 ແລະ ພິຈາລະນາ ໂຄງການໃໝ່ຈຳນວນໜຶ່ງ. ພ້ອມນັ້ນ ກອງປະຊຸມ ຍັງໄດ້ທົບທວນຄືນການຮ່ວມມືກັບບັນດາປະເທດຄູ່ເຈລະຈາ ແລະ ໄດ້ເປັນເອ ກະພາບກັນສືບຕໍ່ອະນຸ ລັກຮັກສາ ແລະ ສົ່ງເສີມ ເອກະລັກວັດທະນະທຳອັນດີງາມ ຂອງບັນດາປະເທດສະມາຊິກ ພ້ອມທັງສືບຕໍ່ໂຄສະນາເຜີຍແຜ່ຜົນສຳເລັດການກໍ່ສ້າງປະຊາ ຄົມອາຊຽນ, ສ້າງຄວາມຮັບຮູ້ ແລະ ເຂົ້າໃຈຕໍ່ວຽກງານອາຊຽນໃຫ້ແກ່ປະຊາຊົນພາຍໃນບັນດາປະເທດສະມາຊິກ ແລະ ບັນດາ ປະເທດໃນໂລກ.           

          ນັບແຕ່ເປັນສະມາຊິກອາຊຽນ ຮອດປັດຈຸບັນ ໂດຍສະເພາະ ໃນປີ 2013, ສປປລາວ ໄດ້ເຄື່ອນໄຫວຢ່າງຕັ້ງໜ້າໃນຂົງເຂດວຽກ ງານວັດທະນະທຳ ແລະ ຖະແຫລງຂ່າວອາຊຽນ.  ໃນດ້ານວັດທະນະທຳ, ພວກເຮົາໄດ້ເຂົ້າຮ່ວມທຸກກິດຈະກຳທີ່ອາຊຽນໄດ້ກຳນົດໄວ້ ແລະ ໄດ້ສ້າງກິດຈະກຳດ້ານວັດທະນະທຳ ເຊັ່ນ: ການສະແດງດົນຕີອາຊຽນ, ຕັ້ງຮ້ານອາຫານອາຊຽນ, ສະຫລອງວັນສ້າງຕັ້ງອາຊຽນ ແລະ ວັນ ສປປ ລາວ ເຂົ້າອາຊຽນ. 

         ນອກຈາກນີ້ ພວກເຮົາຍັງ ໄດ້ສະເໜີໂຄງການທີ່ມີຊື່ວ່າ “ການຢ້ຽມຢາມຄົ້ນຄວ້າວັດຖຸບູ ຮານທົ່ງໄຫຫີນຂອງນັກວັດຖຸບູຮານ ໜຸ່ມ” ເຊິ່ງໄດ້ຖືກຮັບຮອງ ແລະ ຄາດວ່າ ຈະໄດ້ຈັດຕັ້ງປະຕິບັດໃນເດືອນກຸມພາ ປີ 2014 ນີ້. ສະເພາະໃນກອງປະຊຸມຄະນະກຳມະການວັດທະ ນະທຳ ແລະ ຖະແຫລງຂ່າວຄັ້ງທີ 48ຄັ້ງນີ້, ໂຄງການສະເໜີໂດຍ ສປປ ລາວ ໄດ້ຖືກຮັບຮອງໜຶ່ງໂຄງການ ເຊິ່ງມີຊື່ວ່າ  “ການສຳມະ ນາກ່ຽວກັບການປົກປັກຮັກສາໜັງສືໃບລານໃນອາຊຽນ”  ເຊິ່ງຈະໄດ້ຈັດຕັ້ງປະຕິບັດໃນປີ 2014 ຈະມາເຖິງ ນີ້ເຊັ່ນກັນ.         

           ໃນດ້ານຖະແຫລງຂ່າວ, ສປປ ລາວ ໄດ້ຈັດຕັ້ງການເຜີຍແຜ່ຄວາມຮູ້ກ່ຽວກັບການກໍ່ສ້າງປະຊາຄົມອາຊຽນ ແລະ ໂຄສະນາກິດຈະ ກຳອາຊຽນດ້ານຕ່າງໆໂດຍຜ່ານການສຳມະນາ ແລະ ຜ່ານຄໍລຳໃນໜັງສືພິມລາຍວັນເປັນພາສາລາວ ແລະ ພາສາຕ່າງປະເທດ, ລາຍການ ວິທະຍຸອາຊຽນຂອງວິທະຍຸກະຈາຍສຽງແຫ່ງຊາດ ແລະ ລາຍການໂທລະພາບອາຊຽນວັນນີ້ ຂອງໂທລະພາບແຫ່ງຊາດ. ພ້ອມນີ້ກໍ່ໄດ້ ຈັດລາຍການຖາມ- ຕອບຄວາມຮູ້ອາຊຽນ ແລະ ກິດຈະການໂຄສະນາອື່ນໆ.               

         ກອງປະຊຸມປະຈຳປີຂອງຄະນະກຳມະການວັດທະນະທຳ ແລະ ຖະແຫລງຂ່າວ ອາຊຽນ ຄັ້ງທີ 49 ຈະໄດ້ຈັດຂຶ້ນທີ່ ປະເທດ ກຳປູ ເຈຍ ໃນປີ 2014.           

          ຄະນະກຳມະການວັດທະນະທຳ ແລະ ຖະແຫລງຂ່າວອາຊຽນ (Committee of Culture and Information/COCI) ໄດ້ ຮັບການສ້າງຕັ້ງໃນປີ 1978 ເພື່ອແນໃສ່ອະນຸລັກ ແລະ ສົ່ງເສີມວັດທະນະທຳໃນບັນດາປະເທດອາຊຽນໃຫ້ຍືນຍົງຕະຫລອດໄປ.