ກົດຫມາຍທ່ອງທ່ຽວໄດ້ຮັບການປັບປຸງໃຫມ່ພາຍຫລັງນຳໃຊ້ມາ 9 ປີ

         ​ເຖິງ​ວ່າ​ນຳ​ໃຊ້​ມາ​ໄດ້ 9 ປີ​ແລ້ວ​ ສຳລັບ​ກົດໝາຍ​ວ່າ​ດ້ວຍ​ການທ່ອງທ່ຽວ, ​ແຕ່​ພາກ ສ່ວນ​ກ່ຽວຂ້ອງ​ຍັງ​ເຫັນ​ວ່າ​ບໍ່​ດີ​ພໍ​ກັບ​ເງື່ອນ​ໄຂ​ປັດຈຸບັນ ​ແລະ ​ໄດ້​ປັບປຸງ​ໃໝ່​ຫລາຍ​ຈຸດ ​ເພື່ອ​ເຮັດ​ໃຫ້​ກົດໝາຍ​ດັ່ງ ກ່າວ​ສາມາດ​ເປັນ​ແມ່​ແຮງ​ໃນ​ການ​ດຶງ​ດູດ​ສົ່ງ​ເສີມ ​ແລະ ສ້າງ​ຄວາມ​ເຊື່ອ​ໝັ້ນຕໍ່​ນັກ​ທ່ອງ​ທ່ຽວ ທັງ​ຮັບປະ ກັນ​ໃຫ້​ປະຊາຊົນ​ບັນດາ​ເຜົ່າ​ໄດ້​ຮັບ​ຜົນ​ປະ​ໂຫຍ​ດສູງ​ສຸດ​ຈາກ​ການທ່ອງທ່ຽວ​ເພື່ອ​ປະກອບສ່ວນ​ແກ້​ໄຂ​ຄວາມທຸກ​ຍາກ​ຕາມ​ເປົ້າໝາຍ​ທີ່​ລັດ​ວາງ​ໄວ້.

         ທ່ານ ສາ​ສະ​ດາ​ຈານ ດຣ. ບໍ່​ແສງ​ຄຳ ວົງ​ດາລາ ລັດຖະມົນຕີ​ວ່າການ​ກະຊວງ​ຖະ​ແຫລ​ງຂ່າວ, ວັດ ທະນະທຳ ​ແລະ ທ່ອງ​ທ່ຽວ​ ໄດ້​ຂຶ້ນສະ​ເໜີ​ຮ່າງ​ກົດ ໝາຍ​ວ່າ​ດ້ວຍ​ທ່ອງ​ທ່ຽວ​ສະບັບ​ປັບປຸງ​ໃໝ່​ຕໍ່​ກອງ​ປະ ຊຸມ​ສະ​ໄໝ​ສາມັນ​ເທື່ອ​ທີ 5 ຂອງ​ສະພາ​ແຫ່ງ​ຊາດ ຊຸດ​ທີ VII ​ໃນ​ວັນ​ທີ 24 ກໍລະກົດ​ນີ້ວ່າ: ນັບ​ແຕ່​ປີ 1990 ​ເຖິງ​ປີ 2012 ຈຳນວນ​ນັກ​ທ່ອງ​ທ່ຽວ​ທີ່​ເຂົ້າມາລາ​ວມີ​ອັດ ຕາ​ເພີ່ມ​ຂຶ້ນສະ​ເລ່ຍ 20,36% ຕໍ່​ປີ, ​ໃນ​ປີ 2012 ມີ​ນັກ​ທ່ອງ​ທ່ຽວ​ເຂົ້າມາ​ຈຳນວນ 3,3 ລ້ານ​ກວ່າ​ຄົນ, ສ້າງ​ລາຍ​ຮັບປະມານ 513 ລ້ານ​ກວ່າ​ໂດ​ລາ​ສະຫະລັດ, ຈຳ ນວນ​ບໍລິສັດ​ທ່ອງ​ທ່ຽວ​​ເພີ່ມ​ຂຶ້ນ​ເປັນ 275 ບໍລິສັດ, ​ໂຮງ​ແຮມ, ​ເຮືອນ​ພັກ​ກໍ​ມີ​ການ​ຂະຫຍາຍຕົວ​ເຊັ່ນ​ດຽວ​ກັນ ຄື​ຮອດ​ປີ 2012 ມີ 3.526 ​ແຫ່ງ, ຈຳນວນ​ຫ້ອງ​ນອນ​ມີ 35.857 ຫ້ອງ, ​ແຫ​ລ່ງ ທ່ອງ​ທ່ຽວ​ມີ 1.493 ​ແຫ່ງ. ນອກ ຈາກ​ນັ້ນ ກໍ​ມີ​ດ່ານ 21 ​ແຫ່ງ ທີ່​ສາມາດ​ເອົາ​ວິຊາ​ກັບ​ດ່ານ​ໄດ້.

ການບຸກລຸກຢູ່ເຂດປ່າສະຫງວນແຫ່ງຊາດນ້ຳກ່ານຍັງບໍ່ໄດ້ຮັບການແກ້ໄຂ

           ການຖາງປ່າເຮັດໄຮ່, ລັກລອບຕັດໄມ້ ແລະ ລ່າສັດຢ່າງຜິດກົດໝາຍຢູ່ ເຂດປ່າສະຫງວນແຫ່ງ ຊາດນ້ຳກ່ານເມືອງຫ້ວຍຊາຍ ແຂວງບໍ່ແກ້ວ ທີ່ຍືດເຍື້ອມາ ເປັນເວລາຫຼາຍເດືອນ ໂດຍປະຊາ ຊົນທີ່ອາໄສ ຢູ່ໃນເຂດບໍລິເວນດັ່ງ ກ່າວ ແລະ ຜູ້ຄົນທີ່ບໍ່ຫວັງດີຈົນກາຍເປັນທີ່ວິພາກວິຈານຈາກສັງຄົມແລ້ວນັ້ນມາ ເຖິງປັດຈຸບັນ ກໍຍັງບໍ່ໄດ້ຮັບການແກ້ໄຂຍ້ອນຂາດເຂີນບຸກຄະລາກອນ, ພາຫະນະ ແລະ ເຄື່ອງມື ທີ່ຈຳເປັນ ເຂົ້າໃນການປະຕິບັດໜ້າທີ່.

            ທ່ານ ຝຣັ່ງຊົວ ປະທານບໍລິສັດ ອະນຸລັກຊີວະນາໆພັນ (ເຈົ້າຂອງສະຖານທີ່ທ່ອງທ່ຽວອະນຸລັກ ທຳມະຊາດ) ຢູ່ເຂດປ່າສະຫງວນແຫ່ງຊາດນ້ຳກ່ານໃຫ້ຮູ້ ວ່າ: ເຖິງວ່າໄດ້ສະເໜີໃຫ້ພາກສ່ວນກ່ຽວຂ້ອງຊ້ຳ ແລ້ວຊ້ຳອີກກັບຫາ ແລະ ຄວາມສູນເສຍທີ່ເກີດຂຶ້ນກໍຕາມແຕ່ຈົນເຖິງປັດຈຸບັນນີ້ ກໍຍັງບໍ່ໄດ້ຮັບການແກ້ໄຂ ຫຼື ນຳຜູ້ກະທຳຜິດມາລົງໂທດຕາມລະ ບຽບກົດໝາຍແຕ່ຢ່າງໃດຈົນເຮັດໃຫ້ເນື້ອທີ່ປ່າໄມ້ຢູ່ເຂດປ່າ ສະຫງວນແຫ່ງຊາດດັ່ງກ່າວໄດ້ຮັບຄວາມສູນເສຍຈາກການ

ລາວ​ສ້າງຕົວ​ແທນ​ການບິນ​​ຢູ່​ຍີ່ປຸ່ນ

        ​ໃນ​ວັນ​ທີ 23 ກໍລະກົດ​ນີ້ ຢູ່​ນະຄອນຫລວງ​ວຽງ​ຈັນ, ລັດ​ວິ​ສາ​ຫະກິດ​ການບິນ​ລາວ ​ໄດ້​ເຊັນ​ສັນຍາ​ກັບ​ບໍລິສັດ ​ເອັສທີ​ເວີນ ກຣຸບ (ST WORLD GROUP) ​ໃນ​ການ​ແຕ່ງຕັ້ງຕົວ​ແທນ​ຈຳ ໜ່າຍປີ້ເຮືອບິນ​ຂອງ​ການບິນ​ລາວ​ຢູ່​ປະ​ເທດ​ຍີ່ປຸ່ນ ​ໄດ້​ມີ​ຂຶ້ນ ລະຫວ່າງ​ທ່ານ ​ແສງ​ປະ​ເສີດ ມະທຸ​ຈັນ ຮອງ​ອຳນວຍ​ການ​ລັດ​ວິ​ສາ​ຫະກິດ​ການບິນ​ລາວ ​ແລະ ທ່ານ ລຽວ ອິຈິ ຊູ​ຊູ​ກິ (Ryoichi  Zusuki) ອຳນວຍ​ການ​ບໍລິສັດ ST WORLD GROUP.

          ທ່ານ ຄຳ​ສະຫວ່າງ ມິ່ງ​ບຸບຜາ ຜູ້​ຈັດການ​ປະຈຳ​ລາວ​ຂອງ​ບໍລິສັດ ST WORLD ກ່າວ​ວ່າ: ການ​ເຊັນ​ສັນຍາ​ເທື່ອ​ນີ້​ແມ່ນ​ການ​ຮ່ວມ​ມື​ດ້ານ​ທຸລະ​ກິດ​ຂອງ​ສອງ​ບໍລິສັດ ​ເພື່ອ​ສົ່ງ​ເສີມ​ການ​ບໍລິການ​​ການ​ຂົນ​ສົ່ງ​ໂດຍສານ, ການທ່ອງທ່ຽວ ລະຫວ່າງ ລາວ ​ແລະ ຍີ່ປຸ່ນ ​ໂດຍ​ເບື້ອງຕົ້ນ ຈະ​ໃຫ້​ບໍລິການ​ແບບ​ເໝົາ​ລຳ ​ແລະ ຈະ​ຄ່ອຍໆ​ກ້າວ​ໄປ​ສູ່​ການບິນ​ປົກກະ ຕິ ​ແລະ ​ໃນ​ອະນາຄົດ​ຈະ​ມີ​ການ​ຮ່ວມ​ກັນ​ລະຫວ່າງ​ການບິນ​ລາວ ​ແລະ ສາຍ​ການບິນ ນິປອງ ​ແອ​ລາຍ. ນອກຈາກ​ນີ້ ທັງ​ສອງ​ຝ່າຍ​ຍັງ​ໄດ້​ຕົກລົງ​ໃຫ້​ມີ​ການ​ເຝິກອົບ ຮົມ​ດ້ານ​ການ​ຂາຍ​ປີ້​ແບບ​​ເອ​ເລັກ​ໂຕຣນິກ ​ແລະ ການ​ບໍລິການ​ອື່ນໆ​ນຳ​ດ້ວຍ.

ນ້ຳຖ້ວມທາງຍັງສືບຕໍ່ເປັນວົງກວ້າງ ຍ້ອນຮ່ອງລະບາຍນ້ຳອັດຕັນ

         ນັບແຕ່ເລີ່ມເຂົ້າສູ່ລະດູຝົນເປັນຕົ້ນມາ, ເສັ້ນທາງສາຍຫຼັກ ແລະ ທາງຮ່ອມຫຼາຍສາຍ ຢູ່ນະຄອນຫຼວງວຽງຈັນ ໄດ້ເກີດມີ ສະພາບນ້ຳຖ້ວມອັ່ງນັບມື້ຍິ່ງຂະຫຍາຍເປັນວົງກ້ວາງຂື້ນ ອັນໄດ້ສ້າງຄວາມຍຸງ ຍາກໃຫ້ແກ່ການສັນຈອນໄປມາ ແລະ ໄດ້ເກີດມີຫາງສຽງຈົມວ່າຈາກ ສັງຄົມຢ່າງແຜ່ຫຼາຍໂດຍສະເພາະແມ່ນຜູ້ທີ່ຕັ້ງເຮືອນຊານຕາມແຄມທາງທີ່ເກີດນ້ຳຖ້ວມໂ ດຍເຂົ້າເຈົ້າຂໍ ຮ້ອງໃຫ້ພາກສ່ວນກ່ຽວຂ້ອງຈົ່ງເພີ່ມທະວີການເອົາໃຈໃສ່ຕື່ມຕໍ່ການແກ້ໄຂບັນ ຫາດັ່ງກ່າວໂດຍສະເພາະແມ່ນຮ່ອງນ້ຳອັດຕັນທີ່ມີສິ່ງກໍ່ສ້າງໄປສະກັດກັ້ນການລະໄຫຼຂອງນ້ຳໃ ນຕົວເມືອງ.

        ຕໍ່ບັນຫາດັ່ງກ່າວນີ້, ຜ່ານມາສື່ຕ່າງໆກໍໄດ້ນຳສະເໜີອອກຂ່າວຫລາຍຮູບການເພື່ອຂໍ ຄວາມເຫັນໃຈ ຈາກພາກສ່ວນກ່ຽວ ຂ້ອງໃຫ້ພິຈາລະນາແກ້ໄຂ. ນອກຈາກຈະເຮັດໃຫ້ການ ສັນຈອນໄປມາພົບຄວາມຫຍຸ້ງ ຍາກແລ້ວ, ຍັງຈະປັນຕົ້ນເຫດເຮັດໃຫ້ ເສັ້ນທາງເປ່ເພໄວຂຶ້ນກວ່າປົກກະຕິ, ດັ່ງພວກເຮົາເຫັນໃນ ເວລາເກີດມີຝັນຕົກຍາມໃດເສັ້ນທາງເກືອບທຸກຈຸດທີ່ຕ່ຳຢູ່ນະຄອນ ຫຼວງເກີດມີສະພາບນ້ຳຖ້ວມຫົ້ງນັບມື້ຮ້າຍແຮງຂຶ້ນໂດຍ ສະເພາະໃນວັນທີ 24 ກໍລະກົດ, ໄດ້ເກີດຝົນຕົກແຮງ, ຖະໜົນຫຼາຍ ສາຍເຊັ່ນ:ຖະໜົນເສດຖາທິລາດເສັ້ນທາງຮ່ອມຫໍວັດ

ປກສ ​ເມືອງ ສີ​ສັດຕະ​ນາກ​ມອບ​ເຄື່ອງ​ເສຍ​​ຄືນໃຫ້​ເຈົ້າ​ຂອງ

         ໃນ​ວັນ​ທີ 24 ກໍລະກົດນີ້, ປກສ ​ເມືອງສີ​ສັດຕະ​ນາກ ນະຄອນຫຼວງວຽງຈັນ ໄດ້​ມອບສາຍ​ຄໍ​ຄຳ,​ແຫວນ ແລະ ປະຫລັກ​ແຂນ ລວມນ້ຳໜັກ 3 ບາດ ​ຄືນ​​ໃຫ້​ເຈົ້າ​ຂອງ​ເດີມຄືນາງ ພຸດ​ດາ​ວັນ ຢູ່​ບ້ານນາ​ສ້າງ​ໄພ່ ເມືອງສີ​ໂຄດ​ຕະບອງ ນະຄອນຫຼວງ ວຽງຈັນພາຍ ຫຼັງ​ເຈົ້າໜ້າທີ່​ເກັບ​ກູ້​ຊັບ​ດັ່ງກ່າວ​ຄືນ​ໄດ້ຈາກ​ທ້າວ ​ໄພສິດ ​ໄຊ​ຍະ​ວົງ ຢູ່​ບ້ານອຸບ​ມຸງ ​ເມືອງສີ​ໂຄດ​ຕະບອງ ນະຄອນຫຼວງວຽງຈັນ ຜູ້​ຕ້ອງ​ຫາ​ໃນ​ຄະດີ​ລັກ​ຊັບ​ພົນລະ​ເມືອງ.

          ​ເຈົ້າໜ້າທີ່ ​ປກສ ​ເມືອງສີ​ສັດຕະ​ນາກ ກ່າວ​ວ່າ: ຜ່ານ​ການ​ສືບສວນ-ສອບ​ສວນ, ຜູ້​ຕ້ອງ​ຫາ​ຮັບ​ສາ ລະພາບ​ວ່າ: ​ ​ໃນ​ວັນ​ທີ 10 ເມສາ  ຕົນ​ເອງ​ໄດ້​ໄປຫຼິ້ນ​ເກ​ມຢູ່​ເຂດ​ບ້ານທາດຫຼວງ ຮອດ​ຕອນ​ບ່າຍພໍດີ​ເງິນ ໝົດ ຈຶ່ງ​ໄດ້​ຢືມ​ເອົາ​ລົດ​ເວ​ບໝູ່​ເພື່ອ​ຈະ​ກັບ​ມາ​ເອົາ​ເງິນ ຫຼັງ​ໄດ້​ລົດ​​ແລ້ວ​ກໍ​ຂີ່​ອອກ​ມາ​ທາງ​ຕະຫຼາດຫົວ​ຂົວ ​​ໄດ້​ພົບ​ເຫັນ​ແມ່ຍິງ​ລົງ​

ໄຂ້ເລືອດອອກສືບຕໍ່ແຜ່ລະບາດຢູ່ຫລາຍເມືອງເຂດຊົນນະບົດ

       ຫ້ອງການ​ສາທາລະນະ​ສຸກ​ເມືອງ ​ແລະ ​ແຂວງ​ສາລະ​ວັນ ລາຍ​ງານ​ໃຫ້​ຮູ້​ວ່າ: ປັດຈຸບັນ, ສະພາບ​ໄຂ້​ເລືອດ​ອອກ​ໄດ້​ສືບຕໍ່​ແຜ່​ລະບາດ​ອອກ​ສູ່​ຫລາຍ​ບ້ານ​ໃນ​ເມືອງ​ຂອງ​ຕົນ ຄື​ບ້ານ​ບຶງ​ຂາມ, ໜອງ​ໃສ, ກະ​ຊະ ​ແລະ ສອງ​ຄອນ​ຕື່ມ​ອີກ​ແລ້ວ ຈາກ 8 ບ້ານ​ໃນ​ເທສະ​ບານ​ເມືອງ​ທີ່​ມີ​ການລະບາດ​ມາ​ກ່ອນ​ແລ້ວ ຄື​ບ້ານ​ກົກ​ໂພ,ນາ​ຫລັກ, ວັດ​ກາງ, ​ໂພນ​ຈັກ, ​ໂພນ​ແກ້ວ, ນາບ​ອງ ​ແລະ ຫລັກ​ສອງ ​ໄດ້​ເຮັດ​ໃຫ້​ຈຳ ນວນ​ໂຕ​ເລກ​ຜູ້​ຕິດ​ເຊື້ອ​ເພີ່ມ​ຂຶ້ນ​ເປັນ 900 ກວ່າ​ຄົນ​ແລ້ວ, ​ເຖິງ​ວ່າ​​ສາທາລະນະ​ສຸກ​​ເມືອງ ​ແລະ ອຳນາດ​ການ​ປົກຄອງ​ທ້ອງ​ຖິ່ນ​ໄດ້​ສຸມ​ໃສ່​​ປິ່ນປົວ ແລະ ​ໂຄສະນາ​ປຸກລະດົມ​ມວນ​ຊົນ​ເຮັດ​ວຽກ​ງານ​ອະນາ​ໄມ​ສິ່ງ​ແວດ​ລ້ອມ, ບ້ານ​ເຮືອນ, ທຳລາຍ​ແຫ​ລ່ງ​ແຜ່​ພັນ​ຂອງ​ຍຸງ​ລາຍ ​ເຊິ່ງ​ແມ່ນ​​ໂຕນຳ​ເຊື້ອຂອງ​ພະຍາດ​ດັ່ງກ່າວໂດຍ​ການ​ເອົາ​ໃຈ​ໃສ່​ປະ ຕິບັດ​ຄຳ​ຂວັນ 5ປ ​ໃຫ້​ເປັນ​ປົກກະ ຕິຄື​ໜຶ່ງ​ແມ່ນ​ເອົາ​ໃຈ​ໃສ່​ປິດ​ພາ ຊະນະ​ເກັບ​ນ້ຳ​ໃນ​ເຮືອນ ຫລື ນອກ​ເຮືອນ ​ເພື່ອ​ບໍ່​ໃຫ້​ຍຸງ​ລາຍ​ໄຂ່​ໃສ່, ສອງ​ເອົາ​ໃຈ​ໃສ່​ປ່ຽນ​ນ້ຳ​ໃນ​ພາຊະນະ​ເຊັ່ນ: ​ເຕົ້າດອກ​ໄມ້, ນ້ຳ ຮອງ​ຕີນ​ຕູ້, ຖ້ານ​ຮອງ​ຈານ​ນ້ຳ ​ແລະ ອື່ນໆ, ສາມ​ແມ່ນ​ປຸກລະດົມ​ປ່ອຍ​ປາ​ຫາງ​ນົກ​ຍຸງ ​ເພື່ອ​ກິນ​ໜອນ​ນ້ຳ,ສີ່​ແມ່ນ​ປັບປຸງ​ອະນາ​ໄມ​ສິ່ງ​ແວດ​ລ້ອມອ້ອມ​ເຮືອນ​ບໍ່​ໃຫ້​ມີ​ກະ​ໂປະ,ກະປ໋ອງ,ຢາງ​ຕີນລົດ​ເກົ່າ​ທີ່​

ການພັດທະນາຄອບຄົວ ( ຄໍລຳ ແລກປ່ຽນຄຳເຫັນ )

     ຄອບຄົວຈະຈະເລີນກ້າວໜ້າ ມີຄວາມສຸກຄວາມສຳເລັດໄດ້ນັ້ນ ຈະຕ້ອງເປັນຄອບຄົວທີ່ໄດ້ຮັບການ ພັດທະນາຕາມຫລັກ ການ ແລະ ຮູບແບບຕ່າງໆທີ່ຂາດບໍ່ໄດ້ ຄື 1. ມີສັດທາສະເໝີກັນ, ມີຄວາມເຊື່ອໝັ້ນ ເຊິ່ງກັນ ແລະ ກັນ ແລະ ມີເປົ້າໝາຍຂອງ ຊີວິດເປັນ ໄປໃນແນວທາງດຽວກັນ. 2. ມີ ຄວາມປະພຶດ, ມີລະ ບຽບວິໄນ, ມີຄວາມຊື່ສັດສຸດຈະລິດ ແລະ ມີ ຈັນຍາມາລະ ຍາດ. 3. ມີຄວາມເສຍສະລະ ຮູ້ຈັກເອື້ອເຟື້ອ ເພື່ອແຜ່ຊ່ວຍເຫລືອບໍ່ເຫັນແກ່ຕົວມີໃຈບຸນໃຈກຸສົນກວ້າງຂວາງ. 4. ມີປັນຍາ ວຸດທິການສຶກສາບໍ່ແຕກ ຕ່າງກັນ, ມີວິຊາຄວາມຮູ້ສະຫລາດສະຫລຽວ ແລະ ມີຄວາມຄິດສ້າງສັນນຳກັນ.

    ນອກຈາກຫລັກ 4 ປະການທີ່ໄດ້ກ່າວມາແລ້ວນັ້ນ ເຊິ່ງເປັນແຕ່ ພຽງຫລັກການເບື້ອງຕົ້ນ, ແຕ່ສຳລັບຄູ່ ສົມຣົດ ຫລື ຄູ່ຜົວ ເມຍຈະຕ້ອງໄດ້ສຶກສາ ແລະ ປະຕິບັດຕື່ມນັ້ນ ຄືຫລັກຂອງການປະຕິບັດຕໍ່ ກັນມີ 4 ປະການຄື 1. ຈິງໃຈ ຄືຊື່ສັດຕໍ່ກັນ ແລະ ກັນ. 2. ເຝິກຕົນ ຄື ຮູ້ຈັກຂົ່ມຈິດໃຈຕົນເອງຄວບຄຸມໃຈຕົນ ເອງ, ຮູ້ແກ້ໄຂຂໍ້ບົກຜ່ອງຂໍ້ຂັດແຍ່ງຕ່າງໆເຂົ້າຫາກັນ. 3. ອົດທົນ ຄືມີນ້ຳໃຈເຂັ້ມແຂງໜັກແໜ້ນ ແລະ ຄວາມ ອົດທົນພະຍາຍາມໃນທຸກວຽກງານ, ຮູ້ຜ່ານຜ່າອຸປະສັກເພື່ອສ້າງຄວາມເປັນປຶກ ແຜ່ນປອງດອງໃຫ້ແກ່ ຄອບຄົວດ້ວຍກັນ. 4. ເສຍສະລະຄືມີນ້ຳໃຈເສຍສະລະຄວາມສຸກສຳລານຄວາມພໍໃຈສ່ວນຕົວເພື່ອຄູ່ ຄອງ, ມີຈິດໃຈເອື້ອເຟື້ອໂອບອ້ອມ ແລະ ມີຈິດໃຈກວ້າງຂວາງ.

ສ້າງຂະບວນການທຳລາຍແຫລ່ງແຜ່ພັນຍຸງລາຍຢູ່ເມືອງສີສັດຕະນາກ

      ການ​ປຸກລະດົມ​ໃຫ້​ປະຊາຊົນ​ໃນ​ກຸ່ມ​ບ້ານ ​ແລະ ຊຸມ​ຊົນ​ ເຂົ້າຮ່ວມ​ຂະ​ບວນ ການທຳລາຍແຫ​ລ່ງແຜ່​ພັນ​ຂອງ​ຍຸງ​ລາຍຢ່າງ​ເປັນ​ຂະ​ບວນການ​ກວ້າງຂວາງເປັນ​ມາດ​ຕະການ​ທີ່​ໄດ້​ຮັບ​ຜົນ​ທີ່​ສຸດ​ໃນ​ການ​ປ້ອງ​ກັນ ​ແລະ ຄວບ​ຄຸມ​ການລະບາດ​ຂອງ​ພະຍາດ​ໄຂ້​ເລືອດ​ອອກ​ໃນ​ປັດຈຸ​ບັນດັ່ງນັ້ນ ວັນ​ທີ 24 ກໍລະກົດ 2013 ນີ້ ກະ ຊວງ​ສາທາລະ ນະ​ສຸກ, ພະ​ແນ​ກ ສາທາລະນະ​ສຸກ​ນະຄອນຫຼວງ​ວຽງ​ຈັນ ​ແລະ ຫ້ອງການສາທາ ລະນະ​ສຸກ​ເມືອງ​ສີ​ສັດຕະ​ນາກ ພ້ອມ​ດ້ວຍ​ນັກ​ສຶກສາ ປີທີີ 5 ຂອງ​ມະຫາວິທະຍາ​ໄລ​ວິທະຍາສາດ​ສຸຂະພາບຈຳ ນວນ 31 ຄົນ ​ໄດ້​ລົງ​ເຄື່ອນ​ໄຫວ​ສ້າງ​ຂະ​ບວນການ ປຸກລະດົມ​ໃຫ້​ປະຊາຊົນ ​ໃນ​ກຸ່ມ​ບ້ານ ​ແລະ ຊຸມ​ຊົນ​ ເຂົ້າຮ່ວມ​ຂະ​ບວນການທຳລາຍ​ແຫ​ລ່ງ​ແຜ່​ພັນ​ຂອງ​ຍຸງ​ລາຍ ​ຢູ່ສາມ​ບ້ານທີ່​ຂຶ້ນກັບ​ເມືອງ​ສີ​ສັດຕະ​ນາກ ​ຄື ບ້ານ​ເພຍ​ວັດ, ສີ​ເມືອງ ​ແລະ ເກົ້າຍອດ ​ໂດຍ​ມີ​ອຳນາດ​ການ​ປົຄອງ​ບ້ານ ພ້ອມ​ດ້ວຍ​ພໍ່​ແມ່​ປະຊາຊົນ​ເຂົ້າ ຮ່ວມ​ຢ່າງ​ຫລວງຫລາຍ.

ລາງວັນຮູບຖ່າຍກ່ຽວກັບສິ່ງແວດລ້ອມ

          ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່​ງແວດ​ລ້ອມ ໄດ້​ມອບ​ລາງວັນ​ການປະກວດ ຮູບ​ຖ່າຍ​ກ່ຽວ​ກັບ​ສິ່ງ​ແວດ​ລ້ອມ​ໃຫ້​ຜູ້​ຊະນະ​ເລີດ ​ໃນ​ໂຄງການ​ສົ່ງ​ເສີມ​ການ​ສຶກສາ​ສິ່ງ​ແວດ​ລ້ອມ​ ແລະ ການ​ປ່ຽນ​ແປງ​ດິນ​ຟ້າ​ອາກາດໃນ​ວັນ​ທີ 24 ກໍລະກົດ 2013 ຢູ່ໂຮງ​ແຮມ​ເສດ​ຖາປາລັດ ນະ ຄອນຫລວງວຽງຈັນ.

          ໂຄງການ​ນີ້​ ໄດ້​​ເລີ່​ມຄັດ​ເລືອກ​ຮູບ​ພາບ​ມາ​ແຕ່​ວັນ​ທີ 29 ມີນາ 2013 ຊຶ່ງມີຜູ້​​ສົ່ງ​ຮູບ​ພາບ ເຂົ້າ​ປະ​ກວດ​ທັງ​ໝົດ 80 ຮູບ ແລະ ​ຜ່ານ​ການ​ຄັດ​ເລືອກໄດ້ 10 ຮູບ. ຜູ້ທີ່​ໄດ້​ຮັບ​​ລາງວັນຊະນະ​ເລີດ​ ແມ່ນທ້າວ ວິລະ​ສັກ ສຸດ​ທິສານ ໄດ້​ຮັບ​ເງິນ​ຈຳນວນ 3.000.000 ກີບ, ຮູບ​ພາບ​ດັ່ງກ່າວ​ໄດ້​ສະ​ແດງ​ເຖິງ​ທຳ​ມະ​ຊາດ​ທີ່​ຖືກ​ທຳລາຍ. “ໄຮ່ນາ​ແມ່ນ​ໄດ້​ຖືກ​ໄຟໄໝ້​ໃນ​ການ​ກະກຽມ​ສຳລັບ​ລະດູ​ການ​ປູກ​ເຂົ້າ” ຢູ່​ແຂວງ​ສາລະ​ວັນ, ລາງວັນ​ທີ 2 ຄື: ທ້າວ ​ໄຕ​ແກ້ວ ພໍ​ລະ​ສີນ ​ໄດ້​ຮັບ​ລາງວັນ 2.500.000 ກີບ ຮູບ​ພາບ​ໄດ້​ສະ​ແດງ​ເຖິງ “ ​​ຝາຍ​ຫົວ​ນ້ຳ​