ໂດຍຕອບສະໜອງຕາມານ ເຊີນຂອງ ສະຫາຍ ລິ ເຄິ້ ສຽງ,
ນາຍົກລັດຖະມົນ ຕີ ແຫ່ງ ສປ ຈີນ, ສະຫາຍ ທອງສິງ
ທຳ ມະວົງ, ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະໄດ້ເດີນທາງຢ້ຽມຢາມ ສປ ຈີນ
ຢ່າງເປັນທາງການແຕ່ວັນທີ 8-12 ເມສາ 2014 ແລະ ເປັນການ ຢ້ຽມຢາມ ສປ ຈີນ ເປັນຄັ້ງທໍາ ອິດຂອງສະ ຫາຍນາຍົກລັດຖະມົນຕີແຫ່ງ
ສປປ ລາວ.
ໃນຕອນບ່າຍຂອງວັນທີ 8 ເມສາຜ່ານມານີ້ ສະຫາຍນາຍົກລັດຖະມົນຕີພ້ອມ ດ້ວຍຄະນະໄດ້ເດີນທາງໂດຍເຮືອບີນພິ
ເສດເຖິງສະຫນາມບິນສາກົນຊານຢາແຂວງຫາຍໜານ ສປ ຈີນ, ເຊິ່ງໃນເວລາ 16: 30 ຕາມເວລາທ້ອງຖ່ິນສະຫາຍ
ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ ແລະ ຄະນະໄດ້ຖືກ ຕ້ອນຮັບ ຢ່າງສົມກຽດ ແລະ
ເຕັມໄປດ້ວຍບັນຍາກາດ ແຫ່ງໄມຕີຈິດ, ມິດຕະພາບອັນອົບອຸ່ນ ຈາກສະຫາຍ ລິ ເຄິ້ ສຽງ ນາຍົກລັດຖະ ມົນຕີແຫ່ງ
ສປ ຈີນ .
ຫລັງຈາກສຳເລັດພິທີຕ້ອນຮັບທັງສອງຝ່າຍໄດ້ມີການພົບປະສຸດຍອດຢ່າງເປັນທາງການ,
ເຊິ່ງສະຫາຍນາຍົກລັດຖະມົນ ຕີ ທັງສອງຕ່າງກໍໄດ້ແຈ້ງສະພາບການພັດທະນາເສດຖະກິດຂອງປະເທດຂອງຕົນໃຫ້ກັນຊາບ
ແລະ ແລກປ່ຽນຄວາມຄິດ ເຫັນ ນຳກັນຢ່າງເລິກເຊິ່ງ ແລະ ມີຄວາມເປັນເອກກະພາບຢ່າງກວ້າງຂວາງກ່ຽວກັບການເສີມຂະຫຍາຍສາຍພົວພັນແບບຄູ່
ຮ່ວມມື ຍຸດທະສາດຮອບດ້ານລະ ຫວ່າງ ສປປ ລາວ ແລະ ສປ ຈີນ, ເຊິ່ງປັດຈຸບັນນີ້ ສປ ຈີນ ຢືນຢູ່ອັນ
ດັບ 1 ໃນການລົງ ທຶນຢູ່ລາວ, ລວມມູນຄ່າຫລາຍກວ່າ 6 ຕື້ໂດ ລາສະຫະລັດ, ມີ 749 ໂຄງການ ໃນຫລາຍຂະແໜງ
ເຊັ່ນ: ບໍ່ແຮ່, ພະລັງງານ ໄຟຟ້າ, ກະສີກໍາ, ອຸດສະຫະກໍາປຸງແຕ່ງ, ການບໍລິການ ແລະ ອື່ນໆ.
ເຊິ່ງມີມູນຄ່າການ ແລກປ່ຽນສິນຄ້ານຳກັນບັນລຸເຖີງ 2,7 ຕື້ໂດລາສະ ຫະລັດໃນປີ 2013 ແລະ ໂອກາດນີ້
ຝ່າຍລາວສະເໜີໃຫ້ຝ່າຍຈີນສືບຕໍ່ໃນການ ລົງທຶນໃນຂະແໜງພະລັງງານ ໄຟຟ້າດ້ວຍ ແຮງນ້ຳ ແລະ ຖ່ານຫີນ,
ກ່ຽວກັບບັນຫາທາງລົດໄຟນາຍົກທັງສອງຍັງຍືນຢັນຢ່າງ ໜັກແຫ້ນວ່າຈະສືບຕໍ່ໃຫ້ການ ສະໜັບສະ ໜູນໂຄງການລົດໄຟ
ລາວ-ຈີນ ແລະ ໃຫ້ສອງຝ່າຍຮີບ ຮ້ອນເຈລະຈາ ແລະ ຊອກຫາຮູບ ແບບການຮ່ວມມືທ່ີ ມີປະສິດທິຜົນ ຕ່າງຝ່າຍຕ່າງມີຜົນປະໂຫຍດ,
ຂະແໜງກະສີກຳຝ່າຍລາວສະເໜີໃຫ້ລັດຖະບານຈີນສືບຕໍ່ສະໜັບ ສະໜູນ ເງິນກູ້ເພື່ອໃຊ້ເຂົ້າ ໃນການພັດທະນາລະບົບຊົນລະປະທານ
ຢູ່ 2 ແຂວງພາກກາງຂອງລາວ ເພື່ອຄຳ້ປະກັນຄວາມໝັ້ນ ຄົງ ດ້ານສະບຽງອາຫານ ນອກນີ້ ທັງ 2 ຝ່າຍຍັງຈະສືບຕໍ່ຮ່ວມມືໃນຂົງເຂດເຕັກໂນໂລຊີ
ເຊິ່ງຝ່າຍລາວສະເໜີໃຫ້ຈີນຮ່ວມມືດ້ານ ໂຈລະກຳທາງອິນເຕີ ເນັດ ແລະ ໂຄງການບໍລິຫານລັດດ້ວຍລະບົບອິເລັກໂຕຣນິກ (E-Govern ment) ສຳລັບຂະແໜງ ປ້ອງກັນຄວາມສະຫງົບ ທັງສອງຝ່າຍເປັນເອກະພາບສືບຕໍ່ຍົກລະດັບໃນການຮັກສາຄວາມສະຫງົບຕາມລຳນຳ້ຂອງ
ແລະ ອາສະຍາກຳຂ້າມຊາດທຸກ ຮູບແບບ, ຂົງເຂດສຶກສາ ແລະ ວັດທະນະທຳ, ຝ່າຍລາວສະເໜີໃຫ້ຝ່າຍຈີນໃຫ້ທຶນແກ່ນັກ ສຶກສາລາວໃຫ້ຫລາຍຂຶ້ນ.
ໃນໂອກາດດຽວກັນນິ້ຜູ້ນຳທັງສອງຝ່າຍຍັງໄດ້ເປັນສັກຂີພິຍານການລົງນາມໃນເອກກະສານຮ່ວມມືລະຫວ່າງສອງປະ
ເທດຄືສານແລກປ່ຽນວ່າດ້ວຍລັດຖະບານຈີນໃຫ້ການຊ່ວຍເຫລືອລັດຖະບານລາວເພື່ອປະຕິບັດໂຄງການລະບົບສຳລະບັດ
ອັດຕະໂນມັດຂອງທະນາຄານເປັນຕົ້ນ.
ໃນໄລຍະການຢ້ຽມຢາມ ສປ ຈີນ ຄັ້ງນີ້ ສະຫາຍ ນາຍົກ
ລັດຖະມົນຕີ ທອງສິງ ທຳມະວົງ ພ້ອມດ້ວຍຄະນະຍັງໄດ້ໄປ ຢ້ຽມຊົມພື້ນຖານການຜະລິດກະສິກຳ ແລະ
ສະຖານທ່ີທ່ອງທ່ຽວທ່ີສຳຄັນຂອງແຂວງຫາຍໜານພ້ອມຈະໄດ້ເຂົ້າຮ່ວມກອງ ປະຊຸມປະຈຳປີປົວອ້າວ
2014 ກ່ຽວກັບເວທີສົນທະນາພາກພື້ນອີກດ້ວຍ.
No comments:
Post a Comment