ຢັ້ງຢືນຄືນຄຸນນະພາບ 5 ດາວ ໃຫ້ໂຮງແຮມດອນຈັນພາເລດ

     ໃນວັນທີ 2 ພຶດສະພາຜ່ານ ມານີ້, ທ່ານ ບຸນມາ ເພັດວົງສາ ຮອງຫົວໜ້າກົມ ຄຸ້ມຄອງການ ທ່ອງທ່ຽວກະຊວງຖະແຫລງ ຂ່າວ, ວັດທະນະທຳ ແລະ ທ່ອງ ທ່ຽວ ໄດ້ມອບໃບຢັ້ງຢືນຄືນຄຸນ ນະພາບ 5 ດາວ ໃຫ້ໂຮງແຮມດອນຈັນພາເລດ.

     ທ່ານຮອງຫົວໜ້າກົມຄຸ້ມ ຄອງການທ່ອງທ່ຽວ ກ່າວວ່າ: ໂຮງແຮມດອນຈັນພາ ເລດ ໄດ້ຮັບຢັ້ງຢືນໃຫ້ເປັນໂຮງແຮມລະ ດັບ 5 ດາວໃນປີ 2009 ແລະ ອີງຕາມ ກົດໝາຍການທ່ອງທ່ຽວ ໂຮງແຮມ-ເຮືອນພັກຢູ່ລາວຕ້ອງ ໄດ້ກວດກາຄຸນນະພາບ ການບໍລິການຄືນໃນທຸກ 3 ປີ ຫລື ຊ້າສຸດບໍ່ກາຍ 5 ປີ. ໃນປີ 2014 ກົມ ຄຸ້ມຄອງການທ່ອງທ່ຽວໄດ້ກວດກາຄືນໂຮງແຮມ ດອນຈັນພາເລດ ແລະ ເຫັນວ່າຍັງຮັກສາໄດ້ຄຸນນະພາບການບໍລິການລະດັບ 5 ດາວໄວ້ຄືເກົ່າ.

     ທ່ານ ຢາງ ຟູ ນິງ ຜູ້ຈັດການ ໂຮງແຮມດອນຈັນພາເລດ ກ່າວ ວ່າ: ພວກເຮົາຈະພັດທະນາ ແລະ ປັບປຸງໃຫ້ໂຮງແຮມ ແຫ່ງ ນີ້ມີຄຸນນະພາບ ແລະ ບໍລິການດີຂຶ້ນໄປ ເລື້ອຍໆເພື່ອສ້າງຄວາມປະທັບ ໃຈ ແລະ ຄວາມສະດວກສະບາຍໃຫ້ກັບ ລູກຄ້າ, ແຂກພາຍໃນ ແລະ ຕ່າງປະເທດ. ໃນໄລຍະຜ່ານມາໂຮງແຮມແຫ່ງນີ້ໄດ້ປະກອບສ່ວນຮັບໃຊ້ກອງປະຊຸມ ແລະ ງານສຳຄັນ ຕ່າງໆທີ່ ສປປ ລາວໄດ້ຮັບກຽດເປັນເຈົ້າພາບ ເຊັ່ນ: ມະຫະກຳກິລາຊີເກມ ຄັ້ງທີ 25, ກອງປະຊຸມສຸດຍອດອາຊີ- ເອີຣົບຄັ້ງທີ 9, ກອງປະຊຸມທ່ອງ ທ່ຽວອາຊຽນ ແລະ ອື່ນໆ.

     ທ່ານຮອງຫົວໜ້າກົມຄຸ້ມ ຄອງການທ່ອງທ່ຽວ ກ່າວວ່າ: ປັດຈຸບັນ, ອຸດສາຫະກຳທ່ອງ ທ່ຽວໄດ້ມີການຂະຫຍາຍຕົວ ຢ່າງໄວວາ, ຫລາຍປະເທດໄດ້ ຖືເອົາການທ່ອງທ່ຽວເປັນທ່າແຮງໃນການພັດທະນາປະເທດ ຂອງຕົນ. ສປປ ລາວ ກໍເຊັ່ນ ດຽວກັນແມ່ນໄດ້ຖືເອົາການ ທ່ອງທ່ຽວເປັນ 1 ໃນ 11 ແຜນງານບູລິມະສິດຂອງລັດຖະບານ ໂດຍໄດ້ເອົາໃຈໃສ່ປັບປຸງ ກໍ່ສ້າງພື້ນຖານໂຄງລ່າງເພື່ອຮັບໃຊ້ໃຫ້ອຸດສາຫະກຳການທ່ອງທ່ຽວ, ສ້າງສິ່ງເອື້ອອຳນວຍໃຫ້ແກ່ນັກທ່ອງທ່ຽວ ໂດຍສະ ເພາະໄດ້ຍົກ ເວັ້ນ ວີຊາໃນບັນດາປະເທດອາຊຽນ ແລະ ຍົກເວັ້ນວີຊາຝ່າຍດຽວກັບຫລາຍປະເທດເຊັ່ນ: ສ.ເກົາຫລີ, ຍີ່ປຸ່ນ, ລຸກຊຳບວກ ແລະ ປະເທດອື່ນໆ. ໃນປີ 2013 ມີນັກທ່ອງທ່ຽວເຂົ້າມາລາວ 3,78 ລ້ານກວ່າຄົນ ເພີ່ມຂຶ້ນ 13%, ສ້າງລາຍ ຮັບເຖິງ 600 ລ້ານ ໂດລາສະຫະລັດ ເຊິ່ງຖືວ່າ ຂະແໜງທ່ອງທ່ຽວໄດ້ປະກອບສ່ວນສຳຄັນເຂົ້າໃນໂຄງປະກອບ ເສດຖະກິດ ຂອງປະເທດເຮົາໄດ້ ເປັນຢ່າງດີ.