ວາງສີລາລຶກກໍ່ສ້າງເຂື່ອນໄຟຟ້ານ້ຳຈຽນ

      ໃນວັນທີ 3 ພຶດສະພານີ້, ແຂວງຊຽງຂວາງໄດ້ຈັດພິທີວາງສີລາ ລືກສ້າງ ເຂື່ອນໄຟຟ້າ ນ້ຳຈຽນຂຶ້ນ ໂດຍການເຂົ້າຮ່ວມ ທ່ານສົມສະຫວາດ ເລັ່ງສະຫວັດ, ຮອງນາຍົກລັດຖະມົນຕີ, ຜູ້ຊີ້ນຳວຽກເສດຖະກິດ, ທ່ານ ສົມກົດມັງໜໍ່ເມກ ເຈົ້າແຂວງ ຊຽງຂວາງ, ທ່ານ ສົມບັດ ເຢຍລີ ເຮີ ເຈົ້າແຂວງໄຊສົມບູນ, ທ່ານ ສຸລິວົງ ດາຣາວົງ ລັດຖະມົນ ຕີວ່າການກະຊວງພະລັງງານ ແລະ ບໍ່ແຮ່, ທ່ານ ອູຈື້ອູ ອຸປະ ທູດ ຈີນປະຈຳລາວເຂົ້າຮ່ວມນຳ ດ້ວຍ.   

        ໂຄງການກໍ່ສ້າງເຂື່ອນໄຟ ຟ້ານ້ຳຈຽນຕັ້ງຢູ່ບ້ານແກ່ວແສດ ເມືອງຄູນ ແຂວງຊຽງຂວາງ ແລະ ບ້ານຊຳກໍທອງ ເມືອງ ທ່າ ໂທມ ແຂວງໄຊສົມບູນ, ເປັນໂຄງການລົງທຶນຂອງລັດຖະບານລາວໂດຍມອບໃຫ້ລັດວິສາຫະກິດໄຟຟ້າລາວເປັນຜູ້ຈັດຕັ້ງ ປະ ຕິບັດໃນນາມເຈົ້າຂອງໂຄງ ການ ແລະ ບໍລິສັດ CGGC (China Gezhouba Group Inter national Engi neering Compa ny Ltd.) ເປັນຜູ້ຮັບເໝົາກໍ່ສ້າງໃຫ້ສຳເລັດພາຍໃນໄລຍະເວລາ 56 ເດືອນ. ໂຄງການດັ່ງກ່າວ ມີກຳລັງຕິດຕັ້ງ104 MW ແລະ ສາມາດຜະລິດພະລັງງານໄຟຟ້າໄດ້ປະມານ 451 ລ້ານກິໂລວັດ ໂມງຕໍ່ປີໂດຍ ໄດ້ນຳ ໃຊ້ເງິນກູ້ຢືມຈາກທະນາຄານ EXIM Bank ຂອງຈີນ 95% ແລະ ທຶນສົມທົບຈາກ ຟຟລ 5% ລວມມີມູນຄ່າ ການກໍ່ສ້າງປະມານ 25 ລ້ານໂດລາສະ ຫະລັດ.