ສະມາຄົມອະດີດນັກສຶກສາລາວຈາກປະເທດຍີ່ປຸ່ນຕ້ອນຮັບສະມາຊິກໃຫມ່ທີ່ຮຽນຈົບມາຈາກປະເທດຍີ່ປຸ່ນ

      ສະມາຄົມອະດີດນັກສຶກສາລາວຈາກປະເທດຍີ່ປຸ່ນ ໄດ້ຈັດງານພົບປະປະຈຳປີຄັ້ງທີ 13 ແລະ ຕ້ອນຮັບສະ ມາ ຊິກໃໝ່ທີ່ ຮຽນຈົບມາຈາກປະເທດຍີ່ປຸ່ນ ໃນວັນທີ 26 ເມສາຜ່ານມານີ້ ທີ່ ໂຮງແຮມລັດສະໝີ ໂດຍມີທ່ານ ດຣ. ປອນເມກ ດາລາ ລອຍ ປະທານສະມາຄົມມິດຕະພາບ ລາວ- ຍີ່ປຸ່ນຂັ້ນສູນກາງ, ທ່ານ Ryotaro Suzuki ອຸປະທູດຍີ່ປຸ່ນປະຈຳ ລາວ, ມີຜູ້ຕາງໜ້າ ອົງການໄຈກາ ປະຈຳລາວ, ບັນດາຜູ້ປະກອບການວິສາຫະກິດຍີ່ປຸ່ນຢູ່ລາວ, ບັນດາອົງການຈັດຕັ້ງຍີ່ປຸ່ນປະ ຈຳລາວ ພ້ອມບັນ ດາສະມາຊິກ ສະມາຄົມ ແລະ ແຂກຖືກເຊີນເຂົ້າຮ່ວມ.

     ການຈັດງານຄັ້ງນີ້ ເພື່ອສະຫລຸບຜົນການເຄື່ອນໄຫວຂອງສະ ມາຄົມໃນໜຶ່ງປີຜ່ານມາ ທັງເປັນການພົບປະແລກປ່ຽນ ຄຳຄິດຄຳເຫັນ ແລະ ເສີມສ້າງຄວາມສາ ມັກຄີພາຍໃນ. ໃນໄລຍະໜຶ່ງປີ ສະມາຄົມໄດ້ດຳເນີນ ແລະ ຈັດ ຕັ້ງປະຕິບັດຫລາຍ ກິດຈະກຳ ເຊັ່ນ: ການເສີມສ້າງຄວາມສາ ມັກຄີພາຍໃນ ໄດ້ຈັດງານພົບປະ ປະຈຳປີ, ການແຂ່ງຂັນກິລາພາຍ ໃນ ແລະ ອື່ນໆ; ການສົ່ງເສີມ ສາຍພົວພັນມິດຕະພາບ ລາວ-ຍີ່ ປຸ່ນ ໄດ້ຈັດການແຂ່ງຂັນກິລາມິດ ຕະພາບ ລາວ-ຍີ່ປຸ່ນ, ເຂົ້າຮ່ວມ ເປັນຄະນະ ຈັດງານບຸນມະໂຫ ລານຍີ່ປຸ່ນ (Japan Festival); ຄັດ ເລືອກ ແລະ ສົ່ງນັກຮຽນລະດັບ ມັດທະຍົມຕົ້ນໄປທັດສະນະສຶກ ສາ ແລະ ແລກປ່ຽນວັດທະນະທຳ ໄລຍະສັ້ນຢູ່ປະເທດຍີ່ປຸ່ນ, ຄັດ ເລືອກ ແລະ ສົ່ງສະມາຊິກສະມາຄົມເຂົ້າແຂ່ງຂັນຊີງທຶນ ໄປຮຽນຕໍ່ປະລິນຍາໂທທີ່ປະເທດຍີ່ປຸ່ນ; ການຊ່ວຍເຫລືອສັງຄົມໄດ້ຈັດກິດຈະກຳບໍລິຈາກເລືອດ, ການລະດົມທຶນຊ່ວຍ ເຫລືອຜູ້ປະສົບອຸທົກກະໄພຢູ່ແຂວງພາກເໜືອ, ພາກໃຕ້ ແລະ ອື່ນໆ.

     ສະມາຄົມອະດີດນັກສຶກສາ ລາວຈາກຍີ່ປຸ່ນຂໍສະແດງຄວາມ ຂອບໃຈ ແລະ ຮູ້ບຸນຄຸນເປັນຢ່າງ ສູງມາຍັງລັດຖະບານລາວ ແລະ ລັດຖະບານຍີ່ປຸ່ນເວົ້າລວມ, ເວົ້າ ສະເພາະສະມາຄົມມິດຕະພາບ ລາວ-ຍີ່ປຸ່ນ, ສະຖານທູດຍີ່ປຸ່ນປະຈຳລາວ ທີ່ໄດ້ໃຫ້ ການຊີ້ນຳຊ່ວຍ ເຫລືອ ແລະ ສະໜັບສະໜູນການ ເຄື່ອນໄຫວຂອງສະມາຄົມດ້ວຍດີຕະຫລອດມາ. ສະມາຄົມຈະສຸມໃສ່ ຈັດຕັ້ງປະຕິບັດບັນດາກິດຈະກຳຂອງສະມາຄົມໃຫ້ແທດເໝາະຕາມແນວທາງຂອງພັກ ແລະ ປະກອບສ່ວນເຂົ້າໃນການເສີມ ສ້າງສາຍພົວພັນມິດຕະພາບ ລາວ-ຍີ່ ປຸ່ນໃຫ້ນັບມື້ດີຂຶ້ນ.