ໃນວັນທີ 2 ພຶດສະພານີ້,ໄດ້ມີພິທີເຊື່ອມຕໍ່ຂົວຂ້າມນ້ຳງື່ມລະ
ຫວ່າງບ້ານເມືອງເກົ່າ-ປາກກະຍຸງ ເມືອງວຽງຄຳ ແຂວງວຽງຈັນ, ໂດຍການເຂົ້າຮ່ວມຂອງ
ທ່ານ ຮອງ ນາຍົກລັດຖະມົນຕີ ສົມສະຫວາດ ເລັ່ງສະຫວັດ. ຄາດວ່າຈະເລີ່ມທົດລອງນຳໃຊ້ ໃນ ທ້າຍເດືອນພຶດສະພານີ້.
ທ່ານປະທານກຸ່ມບໍລິສັດມາລິນີຈຳກັດກ່າວວ່າ:
ໂຄງການກໍ່ ສ້າງຂົວແຫ່ງນີ້, ແມ່ນກຸ່ມບໍລິສັດ ມາລິນີ ເປັນຜູ້ລົງທຶນກໍ່ສ້າງໃນມູນຄ່າ
17,8 ລ້ານໂດລາສະຫະ ລັດ. ໃນຮູບແບບສຳປະທານພາຍໃນເວລາ 38 ປີ ດ້ວຍການ ເກັບຄ່າຜ່ານຂົວດັ່ງກ່າວ
ແລ້ວ ຈາກນັ້ນຈະໂອນຄືນໃຫ້ລັດຖະ ບານຄຸ້ມຄອງ. ຂົວດັ່ງແຫ່ງນີ້ຄວາມຍາວ 274 ແມັດ,
ກວ້າງ 8 ແມັດ, ທາງຍ່າງເບື້ອງ ລະ 1,25 ແມັດ, ມີທາງເຂົ້າຂົວຍາວ 990 ແມັດ, ກວ້າງ
12 ແມັດ, ສຳລັບການກໍ່ສ້າງມາຮອດປັດຈຸບັນໜ້າ ວຽກທີ່ຍັງເຫລືອແມ່ນເສັ້ນທາງເຂົ້າເບື້ອງບ້ານເມືອງ
ເກົ່າປະ
ມານ 90 ແມັດ, ຕິດຕັ້ງລະບົບໄຟເຍືອງທາງ, ທາງຍ່າງສອງຟາກຂ້າງຂົວ ແລະ ຕິດຕັ້ງອຸປະກອນເກັບເງິນ,
ຄາດວ່າທ້າຍເດືອນ ພຶດສະພານີ້ຈະທົດລອງໃຫ້ບໍລິ ການນຳໃຊ້ໂດຍບໍ່ເສຍຄ່າເປັນເວລາ
15 ວັນ, ຂົວ ແຫ່ງນີ້, ຈະ ຊ່ວຍໃຫ້ການຄົມ ມານາຄົມຂົນ ສົ່ງ ແລະ ການໄປມາຫາສູ່ລະ ຫວ່າງພາກເໜືອ
ແລະ ພາກໃຕ້ໂດຍບໍ່ຜ່ານນະຄອນຫລວງວຽງຈັນມີໄລຍະທາງ ສັ້ນເຂົ້າປະມານ 45 ກິໂລແມັດ ແລະ ສິ່ງສຳຄັນໄປກວ່ານັ້ນແມ່ນຈະໃຫ້ການໄປມາຄ້າຂາຍຂອງປະຊາຊົນພາຍໃນແຂວງ ວຽງຈັນມີຄວາມສະດວກສະບາຍຫລາຍຂຶ້ນກວ່າເກົ່າ. 
No comments:
Post a Comment