ໃນວັນທີ
1 ພຶດສະພານີ້, ຊື່ງ ເປັນວັນກຳມະກອນສາກົນສູນກາງສະຫະພັນກຳມະບານລາວ ໄດ້ຈັດໃຫ້ມີການຍ່າງເພື່ອ
ສຸຂະພາບຢູ່ນະຄອນຫລວງວຽງຈັນ, ໂດຍເລີ່ມແຕ່ ປະຕູໄຊ ຫາ ຫໍຄຳ ກັບຄືນສູ່ປະຕູໄຊ, ເພື່ອລະນຶກເຖິງວັນແຫ່ງໄຊຊະ ນະຂອງຊາວຜູ້ອອກແຮງງານ,
ທັງເປັນສັນຍາລັກຂອງກຳມະກອນ ແລະ ຊາວ ຜູ້ ອອກແຮງງານໃນການຕໍ່ສູ້ທວງເອົາສິດໃນການອອກແຮງງານ.
ທ່ານ ວັນນາ ດວງພະຈັນ ຮອງປະທານກຳມະບານລາວກ່າວໃນພິທີວ່າ:
ຕາງ ໜ້າຄະນະບໍລິຫານງານສູນກາງສະຫະພັນກຳມະບານລາວຂໍຮຽກຮ້ອງມາຍັງການຈັດຕັ້ງພັກ-ລັດ,
ກຳມະ ບານແຕ່ລະຂັ້ນ, ຫົວໜ່ວຍແຮງງານ ແລະ ສັງຄົມ ຈົ່ງເພີ່ມທະ ວີຄວາມຮັບຜິດຊອບຂອງຕົນ
ຕໍ່ການສຶກສາອົບຮົມ, ຊ່ວຍເຫລືອ, ກໍ່ສ້າງ ແລະ ພັດທະນາຊົນຊັ້ນກຳມະກອນລາວໃຫ້ເຕີບໃຫຍ່ເຂັ້ມແຂງນັບທັງດ້ານຈຳນວນ
ແລະ
ຄຸນນະພາບ ສົມຄູ່ກັບຄວາມຮຽກຮ້ອງຕ້ອງການໃນ ການເຊື່ອມໂຍງສາກົນໃນໄລ ຍະໃໝ່,
ພວກເຮົາ ຈົ່ງພ້ອມກັນເຫັນຄຸນຄ່າຂອງແຮງງານກຳມະ ກອນ ແລະ ປົກປ້ອງສິດຜົນປະໂຫຍດອັນຊອບທຳຂອງເຂົາເຈົ້າ;
ຮຽກຮ້ອງມາຍັງກຳມະ ກອນ ແລະ ຜູ້ອອກແຮງງານລາວຈົ່ງສາມັກຄີປຸ້ມ ລຸມກັນຢູ່ອ້ອມຂ້າງພັກ-ລັດຖະບານ,
ສືບຕໍ່ຝືກຝົນຫລໍ່ຫລອມຕົນເອງ, ເສີມຂະຫຍາຍຄຸນລັກສະນະອັນດີເລີດ, ທາດແທ້ມູນເຊື້ອອັນດີງານຂອງຊົນຊັ້ນກຳມະກອນລາວ
ແລະ ກາຍເປັນກຳລັງຫລັກແຫລ່ງໃນຂະບວນການສ້າງສາພັດທະນາເສດຖະກິດ-ສັງຄົມຂອງປະເທດຊາດໃຫ້ນັບມື້ເຕີບໃຫຍ່
ຂະຫຍາຍຕົວ. 
No comments:
Post a Comment