laophatthananewspaper: ພິທີຊາປະນະກິດສົບການນຳທີ່ເສຍຊີວິດຈາກອຸບັດເຫດເຮືອບິນຕົກຈັດຂຶ້ນຢ່າງສົມກຽດ

ເວລາ 13 ໂມງ 00 ນາທີ ຂອງວັນທີ 19 ພຶດສະພາ 2014 ນີ້ ນະຄອນຫລວງວຽງຈັນ ໄດ້ມີພິທີຊາປະນະກິດສົບຢ່າງສົມກຽດໃຫ່ແກ່ບັນດາສະຫາຍການນຳ ທີ່ເສຍຊີວິດຈາກອຸບັດເຫດເຮືອບິນຕົກໃນວັນທີ 17 ພຶດສະພາ 2014 ທີ່ແຂວງຊຽງ ຂວາງ ໃນລະຫວ່າງການໄປປະຕິບັດໜ້າທີ່ ຊຶ່ງປະກອບມີສະຫາຍ ພົນໂທ ດວງໃຈ ພິຈິດ ອະດີດກຳມະການກົມການເມືອງສູນກາງພັກ, ອະດີດຮອງນາຍົກລັດຖະ ມົນຕີ ອະດີດລັດຖະມົນ ຕີວ່າການກະຊວງປ້ອງກັນປະເທດ; ສະຫາຍ ດຣ. ທອງບັນ ແສງອາ ພອນ ອະດີດເລຂາທິການສູນກາງພັກ, ອະດີດລັດຖະມົນຕີວ່າການ ກະຊວງປ້ອງກັນຄວາມສະຫງົບ; ສະຫາຍ ສຸກັນ ມະຫາລາດ ອະດີດເລຂາທິການສູນກາງພັກ, ອະດີດເຈົ້າຄອງນະຄອນ ຫລວງວຽງຈັນ ແລະ ສະຫາຍ ເຈືອງ ສົມບູນຂັນ ອະດີດເລ ຂາທິການສູນກາງພັກ, ອະດີດຫົວໜ້າຄະນະໂຄສະນາອົບຮົມ ສູນກາງພັກ.

ສຳລັບພິທີຊາປະນະກິດສົບຂອງສະຫາຍ ພົນໂທ ດວງໃຈ ພິຈິດ ແລະ ພັນລະຍາ ທ່ານ ພັນໂທ ນາງ ທັນດາ ພິຈິດ ໄດ້ຈັດ ຂຶ້ນທີ່ເດີ່ນສະໜາມຫລວງໂດຍມີ ສະຫາຍ ຈູມມາລີ ໄຊຍະສອນ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານ ປະເທດ ແຫ່ງ ສປປ ລາວ, ສະຫາຍ ບຸນຍັງ ວໍລະຈິດ ຜູ້ປະຈຳການຄະນະເລຂາທິການສູນກາງພັກ ຮອງປະທານ ປະເທດ,

ສະຫາຍນາງປານີ ຢາທໍ່ຕູ້ ກຳມະການກົມການເມືອງສູນກາງພັກ, ປະທານສະພາແຫ່ງຊາດ, ສະຫາຍ ທອງສິງ ທຳມະວົງ ກຳ ມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ.ລາວ, ມີບັນດາສະຫາຍກົມການເມືອງສູນກາງພັກ, ກຳ ມະການສູນກາງພັກ, ມີບັນດາການນຳ ພັກ-ລັດ, ນາຍ ແລະ ພົນທະຫານ, ນາຍ ແລະ ພົນຕຳຫລວດ ພ້ອມດ້ວຍຄອບຄົວ ແລະ ຍາດຕິພ່ີນ້ອງເຂົ້າຮ່ວມ.

ສ່ວນພິທີຊາປະນະກິດສົບຂອງ ສະຫາຍ ດຣ ທອງບັນ ແສງອາພອນ ແລະ ສະຫາຍ ສຸກັນ ມະຫາລາດ ໄດ້ຈັດຂຶ້ນທ່ີວັດເທບນີມິດ (ທາດຝຸ່ນ) ໂດຍມີສະຫາຍ ບຸນຍັງ ວໍລະຈິດ ຜູ້ປະຈຳການຄະນະເລຂາທິການສູນກາງພັກ, ຮອງປະທານປະ ເທດ, ສະຫາຍອາຊາງ ລາວລີ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ, ສະຫາຍ ທອງລຸນ ສີສຸລິດ ກຳມະ ການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີວ່າການກະຊວງການຕ່າງປະເທດ, ສະຫາຍ ບຸນທອງ ຈິດມະນີ ກຳມະການກົມການເມືອງສູນ ກາງພັກ ປະທານຄະນະກວດກາສູນກາງພັກ, ສະຫາຍ ດຣ. ບຸນປອນ ບຸດຕະນະວົງ ກຳມະການກົມການ ເມືອງສູນກາງພັກ ຫົວໜ້າຫ້ອງວ່າການສູນກາງພັກ, ມີບັນດາການນຳ ພັກ-ລັດ, ນາຍ ແລະ ພົນທະ ຫານ, ນາຍ ແລະ ພົນຕຳຫລວດ ພ້ອມດ້ວຍຄອບຄົວ ແລະ ຍາດຕິພີ່ນ້ອງເຂົ້າຮ່ວມ.

ສະເພາະພິທີຊາປະນະກິດສົບ ສະຫາຍ ເຈືອງ ສົມບູນຂັນ ໄດ້ຈັດຂຶ້ນທີ່ວັດບ້ານຕານມີໄຊ ໂດຍມີສະ ຫາຍ ຈູມມາລີ ໄຊຍະສອນ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ, ສະຫາຍ ສົມສະຫວາດ ເລັ່ງສະຫວັດ ກຳມະການກົມການເມືອງສູນກາງພັກຮອງນາຍົກລັດຖະມົນຕີ, ສະຫາຍ ດຣ. ພັນຄຳ ວິພາວັນ ກຳມະການກົມ ການເມືອງສູນກາງພັກ ລັດຖະມົນຕີວ່າການກະຊວງສຶກສາທິການ ແລະ ກິລາ, ມີບັນດາກຳມະການສູນກາງພັກ, ບັນດາການ ນຳພັກ-ລັດ, ບັນດານາຍ ແລະ ພົນທະຫານ, ນາຍ ແລະ ພົນຕຳຫລວດ ພ້ອມດ້ວຍຄອບຄົວ ແລະ ຍາດຕິພີ່ນ້ອງເຂົ້າຮ່ວມ.