ຈັບໄວໜຸ່ມໃຊ້ປືນຍິງຂົ່ມຂູ່ສັງຄົມມາດຳເນີນຄະດີ

    ເຈົ້າໜ້າທີ່ ປກສ ແຂວງ ຈຳປາສັກໃຫ້ຮູ້ວ່າ: ເມື່ອບໍ່ດົນມານີ້, ກຳລັງເຈົ້າໜ້າທີ່ ຂອງຕົນ ໄດ້ຈັບຕົວໄວໜຸ່ມຄື: ທ້າວ ຈັນ ທະວີພອນ, ທ້າວ ທິບພະຈັນ ແລະ ທ້າວ ສອນເພັດ ຢູ່ເມືອງ ປາກເຊ ແຂວງຈຳປາສັກ ມາ ດຳເນີນຄະດີຕາມລະບຽບກົດ ໝາຍ, ພາຍຫລັງທ້າວ ຈັນທະວີພອນ, ໄດ້ລັກເອົາປືນອາກາ 1 ກະບອກບໍ່ມີລູກ ປືນຂອງນ້າບ່າວແລ້ວໄປຂາຍໃຫ້ທ້າວທິບພະ ຈັນ,ສ່ວນທ້າວສອນເພັດ, ໄດ້ລັກ ເອົາລູກປືນອາກາເຕັມຟັກຂອງແມ່ໄປໃຫ້ທ້າວທິບພະຈັນ ປະກອບໃສ່, ຫລັງ ຈາກນັ້ນທັງ ສອງໄດ້ຂີ່ລົດຈັກເຄື່ອນໄຫວ ເລາະຕາມຕົວເມືອງປາກເຊ ໂດຍໃຊ້ປືນ ດັ່ງກ່າວຍິງຂຶ້ນຟ້າຢູ່ຕໍ່ໜ້າປ້ອມຕຳຫລວດ ແລະ ສະ ຖານທີ່ຊຸມຊົນຫລາຍແຫ່ງເພື່ອຂົ່ມຂູ່ສັງຄົມມີຄວາມແຕກຕື່ນຢ້ານກົວ, ທັງເປັນການປະພຶດຕົວເປັນນັກເລງອັນຕະພານສ້າງ ຄວາມບໍ່ສະຫງົບໃຫ້ບ້ານເມືອງ, ຈຶ່ງຖືກເຈົ້າໜ້າທີ່ຈັບຕົວມາດຳເນີນຄະດີ ຕາມລະບຽບກົດໝາຍ.