ຕະຫລອດໄລຍະການດຳເນີນທຸລະກິດຈຳໜ່າຍລົດ
ແລະ ຜະ ລິດຕະພັນຂອງບໍລິສັດ ລາວ ຟອດ ຊີຕີ ຢູ່ລາວ, ສິ່ງໜຶ່ງທີ່ບໍ ລິສັດດັ່ງກ່າວໄດ້ຄຳນຶງເຖິງ
ແມ່ນການປົກປັກຮັກສາສິ່ງແວດລ້ອມ, ສະນັ້ນໃນວັນທີ 9 ກັນຍາຂອງທຸກປີຕົວແທນຈຳ ໜ່າຍລົດຟອດໃນທົ່ວໂລກລວມເຖິງຢູ່ລາວໄດ້ພ້ອມກັນຈັດກິດຈະກຳເພື່ອຮັກສາສິ່ງແວດລ້ອມນີ້ຂຶ້ນ
ກໍດັ່ງໃນວັນທີ 9 ກັນຍານີ້, ຄະນະຜູ້ບໍລິຫານພ້ອມດ້ວຍພະນັກ ງານຂອງບໍລິສັດ ລາວຟອດ
ຊີຕີ, ກໍໄດ້ຮ່ວມຈັດຕັ້ງເຮັດອານາໄມແຄມທາງອ້ອມຮອບໂຮງໝໍມະໂຫສົດ, ນະຄອນຫລວງວຽງຈັນ,
ຢ່າງເປັນຂະບວນຟົດຟື້ນ, ເພື່ອແນ່ໃສ່ໃຫ້ເສັ້ນທາງຈຸດດັ່ງກ່າວມີຄວາມສະອາດສວຍງາມຫລາຍຂຶ້ນ.
ທ່ານຫົວໜ້າຝ່າຍການຕະຫລາດບໍລິສັດ ລາວຟອດ
ຊິຕີ ກ່າວວ່າ: ການຈັດຕັ້ງກິດຈະກຳອະນາໄມຄັ້ງນີ້ແມ່ນນອນໃນແຜນງານປົກປັກຮັກສາສິ່ງແວດ
ລ້ອມໄປຄຽງຄູ່ກັບການພັດທະ ນາທຸລະກິດ, ເຊິ່ງມັນເປັນພັນທະ ຂອງບໍລິສັດຕ້ອງໄດ້ປະ
ກອບ ສ່ວນຊ່ວຍເຫລືອສັງຄົມໃນດ້ານຕ່າງໆ ເຊັ່ນ: ອະນາໄມສວນສາ ທາລະນະ, ຈັດກິດຈະກຳຊ່ວຍເຫລືອເດັກດ້ອຍໂອ
ກາດ ແລະ ອື່ນໆ, ເຊິ່ງໃນວັນທີ 9 ກັນຍາຂອງທຸກປີບັນດາຕົວແທນຈຳ ໜ່າຍລົດຟອດຫລາຍກວ່າ
80 ແຫ່ງທົ່ວໂລກ, ໄດ້ພ້ອມກັນຈັດກິດຈະກຳດ້ານສິ່ງແວດລ້ອມຂຶ້ນ ເພື່ອແນໃສ່ປູກຈິດສຳນຶກໃຫ້ສັງ
ຄົມມີຄວາມຕື່ນຕົວໃນການປົກປັກຮັກສາສິ່ງແວດລ້ອມ ແລະ ສ້າງສະພາບແວດລ້ອມທີ່ດີໃນສັງຄົມ,
ສຳລັບຢູ່ລາວແມ່ນຈັດຂຶ້ນເປັນປີທີ 7 ແລ້ວ ແລະ ເຫັນວ່າໄດ້ຮັບການຮ່ວມມືເປັນຢ່າງດີຈາກຫລາຍພາກສ່ວນ,
ພະນັກ ງານພາຍຂອງບໍລິສັດ ແລະ ສັງ ຄົມກໍໃຫ້ຄວາມຍ້ອງຍໍຊົມເຊີຍຕໍ່ການຈັດກິດຈະກຳທີ່ດີດັ່ງກ່າວ,
ພ້ອມນີ້ບໍລິສັດກໍໄດ້ໃຫ້ຄຳໝັ້ນ ສັນຍາວ່າຈະສືບຕໍ່ຈັດກິດຈະກຳດັ່ງກ່າວໄປເລື້ອຍໆ
ເພື່ອເຮັດໃຫ້ຕົວເມືອງມີຄວາມເປັນລະບຽບຈົບງາມ ແລະ ປະກອບສ່ວນເຮັດໃຫ້ນະໂຍບາຍ
6 ສ ຂອງນະ ຄອນຫລວງວຽງຈັນ ປາກົດຜົນ ເປັນຈິງເທື່ອລະກ້າວ.
No comments:
Post a Comment