ໃນວັນທີ 23 ທັນວານີ້, ຢູ່ສູນການຄ້າລາວ-ໄອເຕັກ
ນະຄອນ ຫລວງວຽງຈັນ, ທ່ານ ພັນ ວິໄລສົມ ວ່າການຫົວໜ້າກົມສົ່ງເສີມ ແລະ ພັດທະນາສິນຄ້າ
ກະຊວງອຸດສາຫະກຳ ແລະ ການຄ້າ ໄດ້ຖະແຫລງຕໍ່ສື່ມວນຊົນກ່ຽວກັບງານວາງສະແດງຜະລິດຕະພັນ
(ເຟີນີເຈີ) ໄມ້ລາວ ຄັ້ງທີ 1 ວ່າ: ງານດັ່ງກ່າວຈະມີຂຶ້ນໃນວັນທີ 5-11 ມັງກອນ
2015 ຢູ່ສູນການຄ້າລາວ-ໄອເຕັກ ນະຄອນຫລວງວຽງຈັນ ເພື່ອສົ່ງເສີມການຜະ ລິດເຄື່ອງເຟີນີເຈີຈາກໄມ້ລາວ,
ເປັນການໂຄສະນາເຜີຍແຜ່ໃຫ້ສັງຄົມຮັບຮູ້ຜະລິດຕະພັນເຟີນີເຈີລາວຫລາຍຂຶ້ນ,
ໃຫ້ຜູ້ຜະລິດສາ ມາດເຂົ້າຫາຕະຫລາດ ແລະ ຈຳ ໜ່າຍສິນຄ້າໄດ້ທັງພາຍໃນ ແລະ ຕ່າງປະເທດ
ແລະ ກ້າວເຂົ້າສູ່ການສ້າງຕາໜ່າງການວາງສະແດງ-ຂາຍສິນຄ້າເຟີນີເຈີກັບພາກພື້ນ
ແລະ ສາກົນໃນອະ ນາຄົດ ເພື່ອຮອງຮັບການກຽມຄວາມພ້ອມສູ່ປະຊາຄົມເສດຖະ ກິດອາຊຽນ
(AEC) ໃນປີ 2015.
ງານດັ່ງກ່າວຈະມີຜູ້ປະກອບການເຟີນີເຈີນຳຜະລິດຕະພັນເຂົ້າ
ຮ່ວມວາງສະແດງທີ່ຫລາກຫລາຍເຊັ່ນ: ຜະລິດຕະພັນເຄື່ອງເຟີນີເຈີທີ່ຜະລິດດ້ວຍໄມ້,
ຫວາຍ, ໄມ້ປ່ອງ ແລະ ຈາກວັດສະດຸເສດເຫລືອຕ່າງໆທີ່ເຮັດເປັນເຄື່ອງເຟີນີເຈີ,
ຜະລິດຕະພັນຫັດຖະກຳ ແກະສະຫລັກຕ່າງທ, ເຄື່ອງຫັດ ຖະກຳອື່ນໆ, ຜະລິດຕະພັນເບ້ຍໄມ້ຕ່າງໆ
ແລະ ອຸປະກອນປະ ກອບຮັບໃຊ້, ເຄື່ອງມື ແລະ ເຄື່ອງຈັກຕ່າງໆທີ່ກ່ຽວກັບການຜະລິດເຄື່ອງເຟີນີເຈີໄມ້.
ງານວາງສະແດງດັ່ງກ່າວຈັດໂດຍສະມາຄົມເຟີນີເຈີລາວ
ແລະ ສະພາການຄ້າອຸດສາຫະກຳແຫ່ງຊາດ.
No comments:
Post a Comment