ກະຊວງກະສິກຳ ແລະ ປ່າໄມ້ໃຫ້ຮູ້ວ່າ:ປັດ ຈຸບັນສູນຄົ້ນຄ້ວາກະ ສິກຳຂອງລາວເຮົາຫຼາຍ ແຫ່ງໄດ້ມີຄວາມກ້າວໜ້າແລະປະກອບສ່ວນເຂົ້າ ໃນວຽກງານກະສິກຳໄດ້ເປັນຢ່າງດີ ແລະ ໜຶ່ງໃນນັ້ນກໍແມ່ນສູນຄົ້ນຄວ້າ ກະສິກຳນາພອກທີ່ສ້າງຕັ້ງຂຶ້ນໃນປີ
1983
ພາຍໃຕ້ໂຄງການຄົ້ນຄວ້າກະ ສິກຳແບບປະສົມປະສານ, ຕັ້ງຢູ່ເຂດບ້ານດົງບັງ, ເມືອງໄຊທານີ, ນະ ຄອນຫຼວງວຽງຈັນ, ມີເນື້ອທີ່ທັງໝົດ 185 ເຮັກຕາ,ໃນເບື່ອງຕົ້ນມີຊື່ວ່າ ສູນ ຄົ້ນຄວ້າກະສິກຳທ່າດອກຄຳ,
ປີ 1989 ໄດ້ປ່ຽນຊື່ມາເປັນ ສູນຄົ້ນຄວ້າກະສິກຳແຫ່ງຊາດ
ເຊິ່ງຂຶ້ນກັບກົມປູກຝັງ ແລະ ສົ່ງເສີມການກະເສດ, ໃນປີ 1999
ໄດ້ສ້າງຕັ້ງສະຖາບັນຄົ້ນຄວ້າກະສິກຳ ແລະ ປ່າໄມ້, ປີ 2008 ປ່ຽນຊື່ມາເປັນ
ສູນຄົ້ນຄວ້າເຂົ້າ ແລະ ພືດເສດຖະກິດ
ແລະ ປີ 2013 ປ່ຽນຊື່ມາເປັນ ສູນຄົ້ນຄວ້າກະສິກຳ ນາພອກ
ຈົນມາຮອດປັດຈຸບັນ,ໂດຍມີບົດ
ກະຊວງດັ່ງກ່າວໃຫ້ຮູ້ວ່າ:ຜ່ານການຈັດຕັ້ງປະຕິບັດວຽກງານແຕ່ປີ
1999-2014
ສູນແຫ່ງນີ້ສາມາດຍາດແຍ່ງໄດ້ຜົນງານໃນແຕ່ລະດ້ານດັ່ງນີ້:ສາມາດເຕົ້າໂຮມແນວພັນເຂົ້າໄດ້
14,238 ຕົວຢ່າງ, ສາລີ 55 ຕົວຢ່າງ, ມັນຕົ້ນ 108 ຕົວ ຢ່າງ, ມັນດ້າງ 22 ຕົວຢ່າງ,
ຖົ່ວ 88 ຕົວຢ່າງ, ເຂົ້າຝ້າງ 105 ຕົວຢ່າງ ແລະ ອ້ອຍປ່າ (ໃນນັ້ນລວມທັງເລົາ) 87
ຕົວຢ່າງ. ໂດຍສະເພາະແນວພັນເຂົ້າພື້ນເມືອງລາວສາມາດຄັດໄດ້ 12 ແນວພັນຄື:
ເຂົ້າຫອມນາງນວນ, ໄກ່ນ້ອຍເຫຼືອງ, ເຂົ້າຈ້າວ 5 ແນວພັນ, ເຂົ້າກໍ່າໜຽວຫອມ 2
ແນວພັນ, ເຂົ້າກໍ່າຈ້າວຫອມ 2 ແນວພັນ ແລະ ເຂົ້າກໍ່າຈ້າວ 1 ແນວພັນ.
ຄຽງຄູ່ກັນນັ້ນຍັງໄດ້ຄົ້ນຄວ້າເຂົ້າພື້ນເມືອງ 10 ແນວພັນ
ທີ່ທົນທານຕໍ່ພະຍາດໃບໄໝ້, ມີ 2 ແນວພັນທີ່ທົນທານຕໍ່ການແຫ້ງແລ້ງ ແລະ
ຄັດເລືອກເຂົ້າຈ້າວຫອມພື້ນເມືອງໄດ້ 3 ແນວພັນ
ທັງໝົດເປັນທ່າແຮງນຳໃຊ້ເຂົ້າໃນການປັບປຸງແນວພັນເຂົ້າຂອງລາວເຮົາ,ນອກຈາກນັ້ນຍັງສຳເລັດການສ້າງແນວພັນເຂົ້າໃໝ່ໄດ້
12 ແນວພັນຄື: ທ່າດອກຄຳ 5, ທ່າດອກຄໍ່າ 6 ແລະ ທ່າດອກຄຳ 9, ທ່າດອກຄໍາ 10,
ທ່າດອກຄໍາ 11, ທ່າດອກຄຳ 12, ວຽງຈັນ 450-1, ວຽງຈັນ 450-2, ທ່າດອກຄໍາ 1
ທົນທານນໍ້າຖ້ວມ ແລະ ທ່າດອກຄຳ 13
ໄດ້ນຳສົ່ງອອກສູ່ການຜະລິດໃນຂອບເຂດທົ່ວປະເທດ.
ພ້ອມກັນນີ້ຍັງຄົ້ນຄວ້າໄດ້ສາຍພັນດີເດັ່ນເຂົ້າໜຽວຫອມ ແລະ ຈ້າວຫອມ
ໂດຍການນຳໃຊ້ຊີວະເຕັກໂນໂລຊີເຂົ້າຊ່ວຍໃນການຄັດເລືອກ,
ແນວພັນດັ່ງກ່າວແມ່ນເປັນທ່າແຮງໃນການຜະລິດເປັນສິນຄ້າ ແລະ
ກຽມສົ່ງອອກໃນຊຸມປີຕໍ່ໄປ,ສາມາດຄົ້ນຄວ້າໄດ້ແນວພັນສາລີລູກປະສົມວຽງຈັນ 450
ແລະ ໄດ້ນຳສົ່ງອອກສູ່ການຜະລິດໃນຂອບເຂດທົ່ວປະເທດ
ຄຽງຄູ່ກັນນັ້ນຍັງສາມາດຄັດເລືອກຄູ່ລູກປະສົມດີເດັ່ນ F1, 8 ຄູ່ ແລະ
ກຳລັງກະກຽມຜະລິດເມັດພັນ F1 ເອົາອອກສູ່ການຜະລິດໃນຊຸມປີຕໍ່ໄປ,ສາມາດ
ຄົ້ນຄວ້າໄດ້ແນວພັນຖົ່ວເຫຼືອງ ສຄກ 1
ແລະ ສຄກ 2, ຖົ່ວຂຽວ ສຄກ 1 ແລະ ຖົ່ວຂຽວ
ສຄກ 2, ແນວພັນຖົ່ວດຳ 2 ແນວພັນ ແລະ ຖົ່ວງອກ 1
ແນວພັນ.,ສາມາດຄັດເລືອກໄດ້ແນວພັນມັນຕົ້ນດີເດັ່ນ 6 ສາຍພັນ ຈາກ 300 ສາຍພັນ
ຂອງ 12 ຄູ່ປະສົມ ແນວພັນດັ່ງກ່າວແມ່ນເໝາະສົມສຳລັບປູກ ແລະ ຂະຫຍາຍທ່ອນພັນໄດ້ຢູ່ເຂດພູດອຍ,
ຄັດໄດ້ 2 ແນວພັນຈາກການເຕົ້າໂຮມແນວພັນ: NARC48, NARC61 ແນວພັນນຳເຂົ້າ ແລະ
ທົດສອບປັບຕົວໄດ້ດີໃນສະພາບຂອງລາວ KU50 ແລະ RY72,
ຄັດເລືອກໄດ້ຕື່ມອີກ 1 ແນວພັນ KM140 ໄດ້ຂະຫຍາຍທ່ອນພັນທີ່ສູນຄົ້ນຄວ້າກະສິກຳນາພອກ ແລະ
ໃນປະຈຸບັນມີສາຍພັນປັບປຸງທີ່ປັບຕົວໄດ້ດີໃນເຂດພາກເໜືອ ແລະ ພາກໃຕ້.
ໃນຊ່ວງປີ 2000-2014 ສູນດັ່ງກ່າວຍັງສາມາດຜະລິດເມັດພັນເຂົ້າລຸ້ນ 1
ໄດ້ປີລະ 45-50 ໂຕນ, ລຸ້ນ 2 ໄດ້ 220-250 ໂຕນ ແລະ ລຸ້ນ 3 ຈຳນວນໜຶ່ງ.
ພິເສດປີ 2012 ໄດ້ຈັດຕັ້ງປະຕິບັດໂຄງການຄົນຄວ້າ ແລະ
ຜະລິດແນວພັນເຂົ້າໃນຂອບເຂດທົ່ວປະເທດ,
ຊຶ່ງໄດ້ທຶນສະໜັບສະໜູນຈາກລັດຖະບານ,
ໄດ້ສ້າງຕາໜ່າງການຂະຫຍາຍເມັດພັນໃນຂອບເຂດທົ່ວປະເທດ
ສາມາດສັງລວມໄດ້ທັງໝົດແຕ່ປີ 2012-2013 ເຂົ້າລຸ້ນ 1 ໄດ້ 90 ໂຕນ, ລຸ້ນ 2
ໄດ້ 1.052 ໂຕນແລະ ລຸ້ນ 3 ໄດ້ 2.960 ໂຕນ ແລະ ໂຄງ ການຍັງໄດ້ສັງລວມການຜະລິດແນວພັນເຂົ້າທັງໝົດທົ່ວປະເທດ
ນັບທັງຜູ້ປະກອບການ ແລະ ໂຄງການສາກົນທີ່ຜະລິດແນວພັນໄດ້ທັງໝົດ 7.642 ໂຕນ
ໃນປີ 2013. ເມັດພັນດັ່ງກ່າວແມ່ນໄດ້ແຈກຢາຍໃນຂອບເຂດທົ່ວປະເທດ
ໂດຍຜ່ານສູນ/ສະຖານີເຄືອຂ່າຍ, ໂຄງການສາກົນທີ່ດຳເນີນໂຄງການຢູ່ລາວ ແລະ
ບໍລິສັດຕ່າງໆນຳເອົາໄປຜະລິດເປັນລຸ້ນຕໍ່ໄປ,ຊຶ່ງນອກຈາກຜົນງານດັ່ງກ່າວແລ້ວສູນແຫ່ງນີ້ຍັງສາມາຍາດແຍ່ງທືນຮອນທັງ
ພາຍໃນແລະຕ່າງປະເທດໄດ້ເປັນຈຳນວນຫຼາຍເພື່ອຮັບໃຊ້ວຽກງານກະສິກຳ.ັ
No comments:
Post a Comment