ສປປ ລາວ ແລະ ຍີ່ປຸ່ນຈະເລີ່ມຍົກເວັ້ນວີຊາສຳລັບຜູ້ຖືໜັງສືຜ່ານແດນລັດຖະການນັບແຕ່ວັນທີ 1 ເມສາເປັນ ຕົ້ນໄປ, ພາຍຫລັງເມື່ອວັນທີ 02 ມີນາ 2015 ທີ່ນະຄອນຫລວງວຽງຈັນ, ລັດຖະບານລາວ ແລະ ລັດຖະບານຍີ່ປຸ່ນ ໄດ້ແລກປ່ຽນຈົດໝາຍວ່າດ້ວຍການຍົກເວັ້ນວີຊາສໍາລັບຜູ້ຖືໜັງສືຜ່ານແດນລັດຖະການເຊິ່ງຈະມີຜົນບັງຄັບໃຊ້ນັບແຕ່ວັນທີ 1 ເມສາ 2015 ເປັນຕົ້ນໄປ. ມີເນື້ອໃນສຳຄັນດັ່ງລຸ່ມນີ້:
ພົນລະເມືອງຍີ່ປຸ່ນທີ່ຖືໜັງສືຜ່ານແດນລັດຖະການທີ່ມາປະ ຕິບັດ ໜ້າທີ່ທາງການຢູ່ສະຖານທູດ,
ສະຖານກົງສຸນຫລືໂຄງການຕ່າງໆຢູ່ ສປປ ລາວ ກໍຄືສະມາຊິກຄອບຄົວຂອງເຂົາເຈົ້າສາມາດເດີນທາງເຂົ້າອອກ, ຜ່ານ ແລະ ພັກເຊົາຢູ່ໃນດິນແດນຂອງ ສປປ ລາວ ໄດ້ຕະຫລອດໄລຍະປະຈຳການ.
ພົນລະເມືອງຍີ່ປຸ່ນທີ່ຖືໜັງສືຜ່ານແດນລັດຖະການທີ່ມີອາຍຸການນຳໃຊ້ອອກໃຫ້ໂດຍກະຊວງການຕ່າງປະເທດທີ່ເດີນ
ທາງເຂົ້າມາ ສປປ ລາວ ( ນອກຈາກທີ່ກ່າວມາໃນຂໍ້ 1 ) ຈະໄດ້ຮັບການຍົກເວັ້ນວິຊາພາຍໃນໄລຍະເວລາບໍ່ເກີນເກົ້າສິບ (
90 ) ວັນ. ພົນລະເມືອງລາວທີ່ຖືໜັງສືຜ່ານແດນລັດຖະການທີ່ເດີນທາງໄປປະຕິບັດໜ້າທີ່ທາງລັດຖະການຢູ່ສະຖານທູດ,
ສະຖານກົງສຸນທີ່ປະເທດຍີ່ປຸ່ນກໍຄືສະມາຊິກຄອບຄົວຂອງເຂົາເຈົ້າສາມາດເດີນທາງເຂົ້າອອກ, ຜ່ານ ແລະ ພັກເຊົາຢູ່ໃນດິນແດນຂອງຍີ່ປຸ່ນໄດ້ຕະຫລອດໄລຍະປະຈຳການ.
ພົນລະເມືອງລາວທີ່ຖືໜັງສືຜ່ານແດນລັດຖະການທີ່ມີອາຍຸການນຳໃຊ້ອອກໃຫ້ໂດຍກະຊວງການຕ່າງປະເທດທີ່ເດີນ
ທາງໄປປະເທດຍີ່ປຸ່ນ ( ນອກຈາກທີກ່າວມາໃນຂໍ້ 3 ) ຈະໄດ້ຮັບການຍົກເວັ້ນວິຊາພາຍໃນໄລຍະເວລາບໍ່ເກີນເກົ້າສິບ (
90 ) ວັນ,
ໂດຍມີເງື່ອນໄຂຕ້ອງມີໜັງສືເຊີນຫລືເອກະສານທີ່ກ່ຽວຂ້ອງຂອງໂຄງການເພື່ອແຈ້ງຕໍ່ເຈົ້າໜ້າທີ່ກວດຄົນເຂົ້າອອກເມືອງຂອງຍີ່ປຸ່ນໃນເວລາເດີນທາງເຂົ້າຍີ່ປຸ່ນ.
ພົນລະເມືອງລາວຜູ້ຖືໜັງສືຜ່ານແດນລັດຖະການທີ່ໄປເຝິກອົບຮົມໃນໂຄງການຂອງອົງການໄຈກາ
(JICATrainees) ຢູ່ຍີ່ປຸ່ນຕ້ອງໄດ້ຂໍວີຊານຳສະຖານທູດຍີ່ປຸ່ນ.
No comments:
Post a Comment