ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ນັບແຕ່ວັນທີ
22-25 ເມສານີ້, ບໍລິເວນຄວາມກົດດັນສູງຂອງອາກາດເຢັນ ຈະມີກຳລັງປານກາງແຜ່ລົງປົກຄຸມຢູ່ທົ່ວທຸກພາກຂອງລາວ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ເຮັດໃຫ້ອຸນຫະພູມອາກາດເຢັນລົງ 1-2 ອົງສາ
ຢູ່ໃນແຕ່ລະພາກ, ຈາກນັ້ນ ນັບແຕ່ວັນທີ 26-28
ເມສາເປັນຕົ້ນໄປ ບໍລິເວນຄວາມກົດດັນອາກາດຕ່ຳຂອງອາກາດຮ້ອນຈະແຜ່ປົກຄຸມຢູ່ທົ່ວທຸກພາກ, ເຮັດໃຫ້ອຸນຫະພູມອາ ກາດສູງຂຶ້ນຕື່ມອີກ ໃນຕອນກາງເວັນພ້ອມມີໝອກແຫ້ງປົກຫຸ້ມຢູ່ທົ່ວໄປ ແລະ
ຈະມີຝົນຕົກຟ້າຄະນອງກະຈາຍພ້ອມມີລົມພັດແຮງ, ຢູ່ບາງທ້ອງຖິ່ນໃນແຕ່ລະພາກເປັນບາງໂອກາດ, ນັບທັງນະຄອນຫລວງວຽງຈັນ.
ໃນໄລຍະນີ້, ສະພາບອຸນຫະພູມອາກາດຍັງຈະເຢັນໃນຕອນກາງຄືນຫາຕອນເຊົ້າ, ຈາກນັ້ນທ້າຍອາທິດນີ້ຫາຕົ້ນອາ ທິດໜ້າອຸນຫະພູມອາກາດໂດຍທົ່ວໄປຈະຮ້ອນຫາຮ້ອນເອົ້າໃນຕອນກາງເວັນ ພ້ອມມີໝອກແຫ້ງປົກຫຸ້ມເປັນສ່ວນຫລາຍ. ນັບແຕ່ວັນທີ 22-26
ເມສານີ້, ຈະມີຝົນຕົກຟ້າຄະນອງ ພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ ແລະ
ຈະເບົາບາງລົງຕາມລຳດັບໃນອາທິດຕໍ່ໜ້າ.
ແຈ້ງເຕືອນ: ເນື່ອງຈາກວ່າບໍລິເວນຄວາມກົດດັນສູງຂອງອາກາດເຢັນຍັງຈະມີກຳລັງປານກາງແຜ່ລົງມາປົກຄຸມຢູ່ທົ່ວທຸກພາກຂອງລາວ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ ພັດປົກຄຸມເປັນສ່ວນໃຫຍ່, ເຮັດໃຫ້ມີຝົນ ຕົກຟ້າຄະນອງ
ພ້ອມມີລົມພັດແຮງ ເກີດຂຶ້ນຢູ່ຫລາຍທ້ອງຖິ່ນໃນແຕ່ລະພາກ. ດັ່ງນັ້ນ ຈຶ່ງແຈ້ງເຕືອນເຖິງປະຊາຊົນ
ຈົ່ງມີສະຕິລະມັດລະວັງຕໍ່ສະພາບຝົນຟ້າຄະນອງ, ລົມພັດແຮງໃນອາທິດຕໍ່ໜ້າ ແລະ ໃຫ້ຕິດຕາມຂ່າວພະຍາກອນອາກາດເປັນປະຈຳ.
No comments:
Post a Comment