ໃນວັນທີ 21 ຕຸລາ 2015 ນີ້
ຢູ່ໂຮງແຮມຣັດສະຫມີ
ພລາຊາ ນະຄອນຫລວງວຽງຈັນ ໄດ້ຈັດງານ Lao IT
Vevelopment Convention ປະຈຳປີ 2015 ໂດຍບໍລິສັດ ລາວໄອທີພັດທະນາ
ຈຳກັດ ຫລື LaoITDev ບໍລິສັດຜູ້ນຳດ້ານພັດທະນາຊອບແວ ແລະ
ບໍລິການໄອທີຄົບວົງຈອນໃນປະເທດລາວ
ໂດຍການເປັນປະທານຂອງທ່ານ
ທະນົງສັກ
ສຸກສະຫວັດ ປະທານບໍລິສັດ
ພາຍໃຕ້ຄຳຂວັນທີ່ວ່າ : “ ພວກເຮົາພ້ອມແລ້ວທີ່ຈະບໍລິການທ່ານໃນຍຸກ AEC ” ໂດຍໄດ້ເຊີນເອົາໂຕແທນຈາກກະຊວງຕ່າງໆຂອງພາກລັດ, ບໍລິສັດ, ຫ້າງຮ້ານເຂົ້າຮ່ວມຮັບຟັງເປັນຈຳນວນຫລາຍ.
ປະທານ ບໍລິສັດ ລາວໄອທີພັດທະນາ ໄດ້ກ່າວຈຸດປະສົງວ່າ : ພວກເຮົາໄດ້ຕັ້ງຫນ້າສຶກສາຄົ້ນຄວ້າໂດຍໄດ້ຍຶດເອົາ 14 ບຸກທະລຸ ແລະ 3 ສ້າງ
ຂອງພັກເປັນບ່ອນອີງໃນການສຶກສາຄົ້ນຄວ້າເພື່ອກຽມພ້ອມທີ່ຈະຮັບໃຊ້ວຽກງານໃນດ້ານໄອທີຂອງພາກລັດ ແລະ ເອກະຊົນ ໃຫ້ມີຄວາມພ້ອມການເຊື່ອມໂຍງພາຍໃນປະເທດ
ຕົ້ນຕໍແມ່ນເຂົ້າປະຊາຄົມອາຊຽນໃນທ້າຍປີ
2015 ນີ້ ເພື່ອໃຫ້ການຮ່ວມມືທັງໃນ ແລະ
ພາກພື້ນ ເພື່ອເອົາສິ່ງທີ່ດີທີ່ສຸດມາສູ່ສັງຄົມລາວ. ວຽກງານໄອທີຖືວ່າເປັນວຽກງານທີ່ມີຄວາມສຳຄັນ ເຊິ່ງຕິດພັນກັບການພັດທະນາ
ສາມາດສ້າງຄວາມສະດວກສະບາຍ
ຄວາມວ່ອງໄວ ໃຫ້ມີປະສິດທິພາບໃຫ້ແກ່ວຽກງານນັ້ນໆ
ສິ່ງທີ່ສຳຄັນທີ່ສຸດໃນວຽກງານໄອທີ
ທຸກໆສິ່ງລ້ວນແຕ່ຖືກພັດທະນາຂຶ້ນເພື່ອແກ້ໄຂບັນຫາຕ່າງໆໂດຍນຳໃຊ້ເຕັກໂນໂລຊີທີ່ທັນສະໄຫມເຂົ້າມາຊ່ວຍໃຫ້ສຳເລັດ.
ບໍລິສັດ ຍັງໄດ້ນຳສະເຫນີບໍລິການດ້ານໄອທີທີ່ຫລາກຫລາຍ
ພ້ອມກັບຄູ່ຮ່ວມງານທັງຈາກພາຍໃນ ແລະ
ຕ່າງປະເທດ ເພື່ອຮອງຮັບການແຂ່ງຂັນທີ່ສູງຂຶ້ນ ແລະ
ໄດ້ນຳເອົານະວັດຕະກຳໃຫມ່ມາໃຫ້ບໍລິການແກ່ສັງຄົມ
ທັງ ຊອບແວ ແລະ
ຮາດແວ ເຊ່ັນ : ລະບົບຄຸ້ມຄອງບໍລິຫານເອກະສານ (
e-Document System ); ບໍລິການລະບົບຄວາມປອດໄພທາງດ້ານຂໍ້ມູນຂ່າວສານ ແລະ ເຄືອຂ່າຍ ( Information and Network Security ); ບໍລິການພັດທະນາເວັບໄຊ ( Website
Development ); ບໍລິການຕະຫລາດອອນໄລ ( Online
Marketing ); ບໍລິການພັດທະນາແອັບພລີເຄຊັນມືຖື ( Mobile
Application Development ); ບໍລິການດ້ານອຸປະກອນໄອທີ ( Hardware
Solution ); ບໍລິການເຝິກຮົມໄລຍະສັ້ນ ( IT Course
and Semina ); ບໍລິການລະບົບບໍລິຫານອິນເຕີເນັດ ( BlueBox
Internet Manaement System ) ແລະ ເຕັກໂນໂລຊີ RFID ( RFID
Solution ).
ສຳລັບບໍລິສັດ
ລາວໄອທີພັດທະນາ
ຈຳກັດ ເຄີຍໄດ້ຮັບລາງວັນ ASEAN ICT
AWARD ປະຈຳປີ 2012 ແລະ
ຖືກສະເຫນີຊື່ເປັນໂຕແທນປະເທດລາວເຂົ້າຮ່ວມງານປະກວດລາງວັນ World
Submit Award ປະຈຳປີ 2013 ແລະ 2015 ຂອງອົງການສະຫະປະຊາຊາດ.
No comments:
Post a Comment