ກອງປະຊຸມປືກສາຫລືລະຫວ່າງພາກລັດ, ຄູ່ຮ່ວມພັດທະນາ ແລະ ພາກເອກະຊົນກ່ຽວກັບວຽກງານການຄ້າໄດ້ຈັດຂຶ້ນໃນວັນທີ 21 ຕຸລານີ້, ທີ່ນະຄອນ ຫລວງວຽງຈັນ, ໂດຍການເປັນປະທານຂອງທ່ານລັດຖະມົນຕີວ່າການກະຊວງອຸດສະຫະກໍາ ແລະ
ການຄ້ານາງ
ເຂັມມະນີ ພົນເສນາເພື່ອລາຍງານ ແລະ ປຶກສາຫາລືບັນຫາທີ່ສົ່ງຜົນກະທົບຕໍ່ການພັດທະນາຂະແໜງການຄ້າຂອງພາກເອກະຊົນໃນລາວ.
ທ່ານລັດຖະມົນຕີວ່າການກະຊວງອຸດສາຫະກໍາ ແລະ ການຄ້າກ່າວວ່າ: ສປປ ລາວ, ສາມາດຍາດໄດ້ຄວາມຄືບໜ້າທີ່ເພີງພໍໃຈໃນການເຊື່ອມໂຍງເສດຖະກິດພາກພື້ນ ແລະ ສາກົນເປັນຕົ້ນແມ່ນແຜນງານຂອງປະຊາຄົມເສດຖະ ກິດອາຊຽນ ແລະ ອົງການການຄ້າໂລກ(WTO),
ຂະນະທີ່ແຜນງານດ້ານກົດໝາຍ ແລະ ລະບຽບການໃໝ່ຂອງ WTO ແລະ ASAEN ກໍໄດ້ຮັບການສ້າງຕັ້ງຂຶ້ນ, ເຊິ່ງລວມມີການເຂົ້າເຖິງຕະຫລາດ, ການອໍານວຍຄວາມສະດວກດ້ານການຄ້າ, ສຸຂະອະນາໄມ
ແລະ ສຸຂະອະນາໄມພືດ, ສິ່ງກີດຂວາງດ້ານການຄ້າ ແລະ ອື່ນໆ, ແນວໃດກໍຕາມການຈັດຕັ້ງປະຕິບັດບັນດາກົດໝາຍ ແລະ ລະບຽບການດ້ານທຸລະກິດຢ່າງເຕັມຮູບແບບໃນໄລຍະຜ່ານມາເຫັນວ່າຍັງມີສີ່ງທ້າທາຍຫລາຍຢ່າງ, ເຊິ່ງ
ແມ່ນບັນຫາຕົ້ນຕໍທີ່ຂັດຕໍ່ຄວາມອາດສາມາດໃນການແຂ່ງຂັນ, ໂດຍສະເພາະແມ່ນການຂາດແຄນແຮງງານທີ່ມີສີມື, ມີຄວາມຮູ້ຄວາມສາມາດ, ປະລິມານການຜະລິດທີ່ຍັງມີຄຸນະພາບຕໍ່າຂອງໂຮງງານ ແລະ ຄວາມແຕກໂຕນກັນລະຫວ່າງແຜນງານດ້ານກົດໝາຍທີ່ທັນສະໄໝ
ແລະ ການຈັດຕັ້ງປະຕິບັດຕົວຈິງລວມທັງການບັງຄັບໃຊ້ກົດໝາຍໃນສັງຄົມ.
ທ່ານ ມີແຊນ ໂກຟິນ ອຸປະທູດສະຫະພາບເອີຣົບປະຈໍາລາວ ກ່າວວ່າ: ຜົນສໍາເລັດອັນໜຶ່ງຂອງລັດຖະບານລາວ, ແມ່ນການຈະໄດ້ເຮັດໜ້າທີ່ເປັນປະທານອາຊຽນໃນປີ
2016 ແລະ ອີຢູຈະເພີ່ມການສະໜັບສະໜູນທີ່ຈໍາເປັນແກ່ ສປປ ລາວ ໃນການປະຕິບັດໜ້າທີ່ເປັນປະທານອາຊຽນ, ໂດຍສະເພາະການນໍາໜ້າໃນການປຶກສາຫາລືທີ່ປິ່ນອ້ອມສາມຂົງເຂດຕົ້ນຕໍພາຍໃຕ້ເສົາຄໍ້າຂອງປະຊາຄົມອາຊຽນລວມມີວຽກງານການເຊື່ອມໂຍງ, ການຄ້າ ແລະ ການພັດ ທະນາທຸລະກິດຂະໜາດນ້ອຍ ແລະ ກາງ(SME), ເຊິ່ງການສະໜັບສະໜູນອາດຈະຜ່ານໂຄງການພາກພື້ນທີ່ມີຢູ່ໃນປັດຈຸບັນຂອງອີຢູກ່ຽວກັບການສະໜັບສະໜູນການເຊື່ອມໂຍງພາກພື້ນອາຊຽນ.
No comments:
Post a Comment