ທ່ານ
ດຣ
ຄຳມະນີ ອິນທິລາດ ລັດຖະມົນຕີວ່າການກະຊວງພະລັງານ ແລະ ບໍ່ແຮ່ລາຍງານຕໍ່ກອງປະຊຸມໃຫຍ່ຄັ້ງທີ
x ຂອງພັກວ່າ: ການພັດທະນາອຸດສາຫະກຳພະລັງງານໄຟຟ້າຂອງປະເທດໃນໄລຍະ 5 ປີຜ່ານມາມີອັນພົ້ນເດັ່ນຫຼາຍດ້ານເຊັ່ນ: ການພັດທະນາເຂື່ອນໄຟຟ້າສຳເລັດ ແລະ ສາມາດຜະລິດໄຟຟ້າໄດ້ແລ້ວ 38 ແຫ່ງ, ລວມມີກຳລັງການຜະລິດຫຼາຍກວ່າ 6.000 ເມກາວັດ, ເພີ່ມຂຶ້ນ 26 ແຫ່ງຖ້າທຽບໃສ່ 5 ປີກ່ອນສາມາດ ຕອບສະໜອງໄດ້ 148 ເມືອງທົ່ວປະເທດແມ່ນໄດ້ຊົມໃຊ້ໄຟຟ້າຖາວອນແລ້ວ 100% , ໃນນັ້ນມີ 85,54% ຂອງຈຳນວນບ້ານ ແລະ 89,78 % ຂອງຄອບຄົວໃນທົ່ວປະເທດມີໄຟຟ້າຊົມໃຊ້ຖາວອນລື່ນ 200 ເທົ່າ, ເມື່ອທຽບກັບປີ
1975 ແລະ ລື່ນແຜນການທີ່ວາງໄວ້ 9,78 % , ພ້ອມກັນນັ້ນການພັດທະນາພະລັງງານທາງເລືອກໃໝ່ເຊັ່ນ: ພະລັງງານແສງຕາເວັນຢູ່ເຂດຫ່າງໄກສອກຫຼີກກໍໄດ້ຮັບການພັດທະນາເຊັ່ນດຽວກັນ, ມາຮອດກາງປີ
2015 ການຊົມໃຊ້ພະລັງງານແສງຕາເວັນມີ 14.327
ຄອບຄົວ, ເທົ່າກັບ 1,27 % ຂອງຄອບຄົວທົ່ວປະເທດ, ສ່ວນພະລັງງ ານລົມ, ຊີວະພາບ, ຊີວະມວນ ແລະ ພະລັງງານອື່ນໆກໍໄດ້ມີການກະກຽມພັດທະນາໃຫ້ຕໍ່ເນື່ອງຢູ່ບາງທ້ອງຖິ່ນທີ່ມີເງື່ອນໄຂ, ສຳລັບການຂະຍຫາຍໄຟຟ້າໃຫ້ແກ່ຄອບຄົວທຸກຍາກຢູ່ຊົນນະບົດຫ່າງໄກສອກ ຫຼີກ, ທາງຂະແໜງໄຟຟ້າກໍໄດ້ມີນະໂຍບາຍຕິດຕັ້ງໄຟຟ້າໃຫ້ກ່ອນແລ້ວຈຶ່ງຊຳລະແບບຜ່ອນຜັກນຕາມຫຼັງ, ດ້ວຍການຄິດໄລ່ເຂົ້າໃນການຊົມໃຊ້ໄຟຟ້າໃນແຕ່ລະເດືອນອັນໄດ້ເຮັດໃຫ້ປະຊາຊົນມີຄວາມພືງພໍໃຈ ແລະ ເຮັດໃຫ້ເຂົາເຈົ້າມີເງື່ອນໄຂພັດທະນາຊີວິດການເປັນຢູ່ຂອງຕົນດີຂື້ນເປັນລຳດັບ.
ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ໃຫ້ຮູ້ອີກວ່າ: ນອກຈາກການຜະລິດແລ້ວໃນໄລຍະ 5 ປີຜ່ານມາລາວເຮົາສາມາດຈຳໜ່າຍໄຟຟ້າອອກໄປຕ່າງປະເທດເຊັ່ນ: ໄທ , ຫວຽດນາມ, ກຳປູເຈຍໄດ້ເພີ່ມຂື້ນເຖິງ 4 ເທົ່າຖ້າທຽບໃສ່ປີ 2010 ແລະ ຄາດວ່າໃນປີ
2016 ນີ້ຈະເລີ່ມຂາຍໄຟຟ້າໄປມຽນມ້າ ແລະ ຈະສາມາດສ້າງລາຍຮັບສະເລ່ຍໄດ້ຫຼາຍກວ່າ 300 ລ້ານໂດລາສະຫາລັດຕໍ່ປີ
ແລະ ມີທ່າອຽງຈະເພີ່ມຂຶ້ນໃນແຕ່ລະປີອີກດ້ວຍ.
No comments:
Post a Comment