ກົມອຸຕຸນິຍົມ ແລະ
ອຸທົກກະສາດ
ໃຫ້ຮູ້ວ່າ: 2 ມື້ຜ່ານມານີ້, ຢູຫລາຍແຂວງພາກເໜືອ ມີສະພາບອາກາດໜາວແຮງຢ່າງຜິດປົກກະຕິ, ບາງບ່ອນມີອຸນຫະພູມຫລຸດລົງຕ່ຳກວ່າ 0 ອົງສາ, ພາໃຫ້ເກີດມີນ້ຳກ້າມຕາມສະຖານທີ່ຕ່າງໆເຕັມ. ດັ່ງນັ້ນ ກົມອຸຕຸນິຍົມ ແລະ
ອຸທົກກະສາດ ຈຶ່ງໄດ້ອອກມາເຕືອນວ່າ: ມວນອາກາດໜາວທີ່ປົກຄຸມຢູ່ທົ່ວທຸກພາກຂອງລາວ ຍັງປົກຄຸມດ້ວຍກຳລັງແຮງປານກາງ ແລະ ກະແສລົມຕາເວັນອອກ-ຕາເວັນອອກສ່ຽງເໜືອພັດປົກຄຸມ, ເຊິ່ງລັກສະນະເຊັ່ນນີ້ ຈະເຮັດໃຫ້ອາກາດໂດຍທົ່ວໄປຍັງຈະເຢັນ ແລະ ໜາວແຮງໃນແຕ່ລະພາກ ແລະ ຈະມີຝົນຕົກໃນລະດັບຄ່ອຍຢູ່ບາງເຂດ ສ່ວນພາກເໜືອດ້ານຕາເວັນອອກ, ເຂດພູສູງ, ພູດອຍ ອາກາດຍັງຈະໜາວເຢັນຫລາຍຕື່ມອີກ ແລະ ມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ ແລະ ຈະມີຝົນຕົກໃນລະດັບຄ່ອຍຢູ່ແຂວງຜົ້ງສາລີ, ອຸນຫະພູມຕ່ຳສຸດ 2-4 ອົງສາ ແລະ ສູງສຸດ 20-22 ອົງສາ, ພາກເໜືອດ້ານຕາເວັນຕົກ: ມີເມກປົກຄຸມເປັນບາງສ່ວນ, ອາກາດໜາວເຢັນ, ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງຫລວງພະບາງ ແລະ ແຂວງໄຊຍະບູລີ ອຸນຫະພູມຕ່ຳສຸດ 8-10 ອົງສາ ແລະ ສູງສຸດ 28-30 ອົງສາ,
ນະຄອນຫລວງວຽງຈັນ: ມີເມກປົກຄຸມເປັນບາງສ່ວນ, ອາກາດໜາວເຢັນ ແລະ ຈະມີຝົນຕົກໃນລະດັບຄ່ອຍຢູ່ບາງບໍລິເວນ. ອຸນຫະພູມຕ່ຳສຸດ 13-15 ອົງສາ ແລະ ສູງສຸດ 27-29 ອົງສາ, ພາກກາງ: ມີເມກປົກຄຸມເປັນບາງສ່ວນ, ອາກາດສືບຕໍ່ໜາວເຢັນຕື່ມອີກ ແລະ ຈະມີຝົນຕົກໃນລະດັບຄ່ອຍ ຫາ
ປານກາງ ຢູ່ບາງທ້ອງຖິ່ນເປັນຕົ້ນ ແຂວງວຽງຈັນ, ບໍລິຄຳໄຊ ພ້ອມມີລົມພັດແຮງເປັນບາງໂອກາດ. ອຸນຫະພູມຕໍ່າສຸດ 13-15 ອົງສາ ແລະ ສູງສຸດ 28-30 ອົງສາ, ແຂວງໄຊສົມບູນ ແລະ ຫລັກຊາວ: ອາກາດຍັງໜາວເຢັນຫລາຍ ແລະ ຈະມີຝົນຕົກໃນລະດັບຄ່ອຍ. ອຸນຫະພູມຕ່ຳສຸດ 6-8 ອົງສາ ແລະ ສູງສຸດ 18-20 ອົງສາ ແລະ ພາກໃຕ້: ມີເມກປົກຄຸມເປັນບາງສ່ວນ, ອາກາດເຢັນຫລາຍ ພ້ອມມີຝົນຕົກກະຈາຍເລັກນ້ອຍຢູ່ບາງທ້ອງຖິ່ນເປັນຕົ້ນແຂວງສາລະວັນ ແລະ ເຊກອງ. ອຸນຫະພູມຕ່ຳສຸດ 17-18 ອົງສາ ແລະ ສູງສຸດ 30-32 ອົງສາ, ສ່ວນເຂດພູພຽງບໍລະເວນປາກຊ່ອງ: ອາກາດໜາວ ແລະ ມີລົມພັດແຮງເປັນບາງໂອກາດ. ອຸນຫະພູມຕ່ຳສຸດ 6-8 ອົງສາ ແລະ ສູງສຸດ 23-25 ອົງສາ. ດັ່ງນັ້ນ ຈຶ່ງເຕືອນເຖິງປະຊາຊົນຜູ້ທີ່ອາໃສຢູ່ໃນເຂດດັ່ງກ່າວ, ຈົ່ງມີສະຕິຮັກສາສຸຂະພາບ ແລະ ກະກຽມເຄື່ອງນຸ່ງຮົ່ມໃຫ້ຮ່າງກາຍອົບອຸ່ນຢູ່ສະເໝີໂດຍສະເພາະເດັກນ້ອຍ ແລະ ຜູ້ສູງອາຍຸ, ລວມໄປເຖິງສັດລ້ຽງຕ່າງໆ ເພື່ອປ້ອງກັນພະຍາດທີ່ມາກັບອາກາດໜາວ ແລະ ອື່ນໆ ແລະ ຮຽກຮ້ອງໃຫ້ທຸກຄົນຈົ່ງຕິດ ຕາມພະຍາກອນອາກາດຈາກກົມອຸຕຸນິຍົມ ແລະ
ອຸທົກກະສາດເປັນປະຈຳ ໃນແຕ່ລະວັນ ເພື່ອມີສະຕິກຽມພ້ອມຮັບມືກັນການປ່ຽນແປງຂອງສະພາບອາກາດດັ່ງກ່າວ.
No comments:
Post a Comment