ໃນໂອກາດນີ້ ສະຫາຍ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ເລຂາຄະນະພັກ, ເຈົ້າຂອງນະຄອນຫລວງວຽງຈັນ ໄດ້ກ່າວສູນທອນພົດຕໍ່ງານໂຮມຊຸມນຸມໃຫຍ່ດັ່ງກ່າວວ່າ: ກອງປະຊຸມໃຫຍ່ຜູ້ແທນທົ່ວປະເທດຂອງພັກປະຊາຊົນປະຕິວັດລາວໃນຄັ້ງນີ້ ແມ່ນເຫດການ-ການເມືອງທີ່ສຳຄັນ ແລະ ເປັນປະຫວັດສາດໃນຂະບວນວິວັດແຫ່ງການກຳເນີດ, ເຕີບໃຫຍ່ ແລະ ຂະ ຫຍາຍຕົວຂອງພັກເຮົາ
ຕະຫລອດໄລຍະ 60 ປີຜ່ານມາ, ທັງເປັນບາດລ້ຽວສຳຄັນແຫ່ງການກ້າວເດີນຂອງປະເທດຊາດ ແລະ ປະຊາຊົນລາວເຮົາໃນໄລຍະໃໝ່, ເຊິ່ງກອງປະຊຸມໃຫຍ່ ໄດ້ຕີລາຄາຢ່າງພາ ວະວິໄສ
ເຖິງການຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ IX ຂອງພັກ, ໃນຕະຫລອດໄລຍະ 5 ປີຜ່ານມາ ສາມາດຍາດໄດ້ຜົນສຳເລັດທີ່ໜ້າພາກພູມໃຈໃນຫລາຍດ້ານ ແລະ ອັນເປັນພື້ນຖານ ແມ່ນອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຊາດ ໄດ້ຮັບການປົກປັກຮັກສາໄວ້ໄດ້ຢ່າງໝັ້ນຄົງ, ສະຖຽນລະພາບທາງດ້ານການເມືອງມີຄວາມໜັກແໜ້ນ, ສັງຄົມມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍໂດຍພື້ນຖານ, ເສດຖະກິດຂະຫຍາຍຕົວຈັງຫວະໄວຕໍ່ເນື່ອງ ແລະ ໝັ້ນທ່ຽງ ສະເລ່ຍບັນລຸໄດ້
7,9% ລາຍໄດ້ສະເລ່ຍຕໍ່ຫົວຄົນບັນລຸ 1.970 ໂດລາສະຫະລັດ, ສາມາດບັນລຸແກ້ໄຂຄວາມທຸກຍາກຂອງປະຊາຊົນຫລຸດລົງ ຍັງເຫລືອພຽງແຕ່ 5% ກວ່າເທົ່ານັ້ນ. ພັກເຮົາຢຶດໝັ້ນການພັດທະນາເສດຖະກິດເປັນໃຈກາງ, ຕິດພັນກັບການພັດທະນາສັງຄົມ ແລ ການປົກປັກຮັກສາສິ່ງແວດລ້ອມໄປຕາມທິດພັດທະນາແບບຍືນຍົງ, ດຳເນີນນະໂຍບາຍສົ່ງເສີມກຳລັງແຮງຂອງທຸກພາກສ່ວນເສດຖະກິດ ເຂົ້າໃນການພັດທະນາເສດຖະກິດ-ສັງຄົມຢ່າງແຂງແຮງ, ການຫັນເປັນອຸດສາຫະກຳ ແລະ
ທັນສະໄໝເປັນຕົ້ນ ແມ່ນໂຄງການພັດທະນາດ້ານໄຟຟ້າພະລັງນ້ຳ, ບໍ່ແຮ່, ຄົມມະນາຄົມ, ອຸດສາຫະກຳປຸງແຕ່ງ, ໄດ້ເປັນຕົນເປັນຕົວຂຶ້ນ, ພ້ອມກັນນັ້ນ ຂົງເຂດວຽກງານການເງິນ-ທະນາຄານ, ໂທລະຄົມມະນາຄົມ, ເຂດເສດຖະກິດພິເສດ, ເຂດເສດຖະກິດສະເພາະ
ແລະ ຕະຫລາດຫລັກຊັບ ໄດ້ຮັບການຊຸກຍູ້ໃຫ້ມີການຂະຫຍາຍຕົວໄວໄປຕາມທິດທັນສະໄໝ,
ເຊິ່ງໄດ້ປະ ກອບສ່ວນສຳຄັນເຂົ້າໃນການຫັນປ່ຽນໂຄງປະກອບເສດຖະກິດ ແລະ ຊ່ວຍຊຸກຍູ້ຈັງຫວະການເຕີບໂຕເສດຖະກິດຂອງຊາດຢ່າງຕໍ່ເນື່ອງ.
ຜົນສຳເລັດດັ່ງກ່າວ, ບັນຫາສຳຄັນແມ່ນຍ້ອນພັກເຮົາ ບໍ່ພຽງແຕ່ວາງແນວທາງທີ່ຖືກຕ້ອງເທົ່ານັ້ນ, ຫາກຍັງໄດ້ຊີ້ບອກເຖິງຄວາມສາມາດຊີ້ນຳ-ນຳພາໃນການຈັດຕັ້ງປະຕິບັດແນວທາງ, ແຜນນະໂຍບາຍຕ່າງໆດ້ວຍການປະສານສົມທົບຢ່າງກົມກຽວ ລະຫວ່າງການພັດທະນາເສດຖະກິດ-ສັງຄົມ ກັບວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ການຕ່າງປະເທດ, ເຊິ່ງສ້າງສະພາບແວດລ້ອມທີ່ເອື້ອອຳນວຍ ໃຫ້ແກ່ການທຳມາຫາກິນຂອງປະຊາຊົນລາວບັນດາເຜົ່າ, ສ້າງຄວາມເຊື່ອໝັ້ນໃຫ້ນັກລົງທຶນ, ຜູ້ປະກອບການທັງພາຍໃນ
ແລະ ຕ່າງປະເທດ, ຮັບປະກັນໃຫ້ການຈັດຕັ້ງປະຕິບັດແນວທາງປ່ຽນແປງໃໝ່ ກໍຄືການເຊື່ອມໂຍງກັບພາກພື້ນ ແລະ ສາກົນໄດ້ຢ່າງເປັນເຈົ້າການ.
ຂ່າວໃຫ້ຮູ້ວ່າ: ໃນຕອນເຊົ້າຂອງວັນດຽວກັນ ຄະນະບໍລິຫານງານສູນກາງພັກສະໄໝທີ
X ເຊິ່ງນຳໂດຍສະຫາຍ ເລຂາທິການໃຫຍ່ ບຸນຍັງ ວໍລະຈິດ ໄດ້ເຂົ້າວາງກະຕ່າດອກໄມ້ທີ່ອານຸສອນສະຖານປະທານ ໄກສອນ ພົມວິຫານ
ເພື່ອສະແດງຄວາມເຄົາລົບຊາດຍາດເອົາເອກກະລາດ ແລະ ຄວາມເປັນເອກກະພາບມາໃຫ້ປະເທດຊາດ, ສ້າງເງື່ອນໄຂໃຫ້ປວງຊົນລາວທັງຊາດ ໄດ້ເສີມຂະຫຍາຍເຫື່ອແຮງສະຕິປັນຍາຂອງຕົນ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີຍຮຸ່ງເຮືອງສີວິໄລຍິ່ງໆຂຶ້ນ.
No comments:
Post a Comment