ທ່ານ
ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະ ກິລາ
ນະຄອນຫຼວງວຽງຈັນໃຫ້ຮູ້ວ່າ: ການສອບເສັງນັກຮຽນເກັ່ງຂັ້ນເມືອງສົກ 2015-2016 ນະຄອນຫຼວງຈະຈັດຂຶ້ນ. ໃນທ້າຍເດືອນກຸມພານີ້, ໂດຍໄດ້ມອບໃຫ້ແຕ່ລະເມືອງເປັນຜູ້ຈັດຕັ້ງປະຕິບັດຄື:
ກ່ອນໜ້ານີ້ກໍໄດ້ມອບໝາຍໃຫ້ຄູອາຈານແຕ່ລະໂຮງຮຽນມີການທົບຄືນບົດຮຽນໃຫ້ແກ່ນັກຮຽນເປັນເລວາ
1 ເດືອນກ່ອນການສອບເສັງນັກຮຽນເກັ່ງ, ໂດຍສະເພາະແມ່ນນັກຮຽນພອນສະຫວັນ, ນັກຮຽນເກັ່ງທີ່ຈະເຂົ້າຮ່ວມສອບເສັງໃນຄັ້ງນີ້ໃຫ້ມີຄວາມພ້ອມກ່ອນການສອບເສັງ ແລະ ສຳລັບການສອບເສັງນັກຮຽນເກັ່ງປີນີ້ກໍຄືກັບປີຜ່ານມາຄື:
ຊັ້ນ
ປະຖົມຈະເສັງ 3 ວິຊາຄື:
ພາສາລາວ, ຄະນິດສາດ ແລະ ໂລກອ້ອມຕົວ, ສ່ວນ ຊັ້ນມັດທະຍົມຕົ້ນ ແລະ ມັດທະຍົມປາຍຈະເສັງ 4 ວິຊາຄື:
ພາສາລາວ, ຄະນິດສາດ , ເຄມີ ແລະ ຟີຊິກສາດ.
ທ່ານຫົວໜ້າພະແນກດັ່ງກ່າວໃຫ້ຮູ້ອີກວ່າ: ການສອບເສັງນັກຮຽນເກັ່ງນອກຈາກຈະເປັນການສົ່ງເສີມນັກຮຽນພອນສະຫວັນ ແລະ ນັກຮຽນເກັ່ງແລ້ວ, ຍັງເປັນການວັດແທດຄວາມຮັບຮຽນ ແລະ ຄວາມຮູ້ຄວາມສາມາດຕ່າງໆທີ່ນັກຮຽນໄດ້ຮຽນມາ, ຊຶ່ງມັນຈະກ່ຽວຍົງເຖິງການສິດສອນກໍຄືການສົ່ງຄວາມຮູູ້ຂອງຄູອາຈານຂອງແຕ່ລະໂຮງຮຽນໃຫ້ແກ່ນັກຮຽນຕົ້ນ, ເຖິງຢ່າງໃດກໍດີພາຍຫຼັງສຳເລັດການສອບເສັງນັກຮຽນເກັ່ງຂັ້ນເມືອງແລ້ວ ກໍຈະມີການຈັດສອບເສັງນັກຮຽນເກັ່ງຂັ້ນແຂວງ ແລະ ນະຄອນຫຼວງທີ່ຈະຈັດຂື້ນໃນເດືອນມີນາທີ່ຈະມາເຖິງ, ກ່ອນທີ່ຈະມີການສອບເສັງນັກຮຽນເກັ່ງທົ່ວປະເທດໃນຕໍ່ໆໄປ.
No comments:
Post a Comment