ບໍລິສັດ
ພູເບ້ຍ ມາຍນິງ ຈຳກັດ
(PBM), ໄດ້ໃຫ້ຮູ້ເມື່ອບໍ່ດົນມານີ້ວ່າ: ບໍລິສັດ ໄດ້ບັນລຸສະຖິຕິການຜະລິດທອງໃນແຮ່ເຂັ້ມຂຸ້ນ, ໃນລະຫວ່າງໄຕມາດທີສີ່ (ເດືອນກັນຍາ ຫາ
ເດືອນທັນ ວາ ປີ
2015) ໂຮງງານຂຸດຄົ້ນ-ປຸງແຕ່ງທອງ ແລະ ຄຳ
ພູຄຳ ສາມາດຜະລິດທອງໃນແຮ່ເຂັ້ມຂຸ້ນໄດ້ 21.861 ໂຕນ, ເຊິ່ງເປັນການປະກອບໃສ່ການຜະລິດທອງໃນແຮ່ເຂັ້ມຂຸ້ນຈຳນວນທັງໝົດ 78.449 ໂຕນ ໃນປີ
2015 ແລະ ຕົວເລກນີ້ແມ່ນລື່ນເປົ້າໝາຍວາງໄວ້ປະມານ 74-76.000 ໂຕນ ຕົວເລກການຜະລິດຂອງໄຕມາດັ່ງກ່າວມາເຖິງປັດຈຸບັນ ໄດ້ປະກອບສ່ວນເຂົ້າໃນການຜະລິດທອງໃນແຮ່ເຂັ້ມຂຸ້ນທັງໝົດຫລາຍກວ່າ 460.000 ໂຕນ
ນັບຕັ້ງແຕ່ເລີ່ມຕົ້ນການຜະລິດຂອງໂຮງງານ ພູຄຳ
ໃນປີ
2008.
ປະລິມານຂຸດຄົ້ນທັງໝົດ ຢູ່ໂຮງງານ ພູຄຳ
ໃນລະຫວ່າງໄຕມາດເດືອນທັນວາ ໄດ້ທັງໝົດ 15,6 ລ້ານໂຕນ (Mt) ລວມທັງປະລິມານການຜະລິດ-ປຸງແຕ່ງສິນແຮ່ຈຳນວນ 4,9 ໂຕນ, ສະເລ່ຍການສະກັດແຮ່ທອງທັງໝົດມີຫລາຍກວ່າ 80% ແລະ ຄຸນນະພາບແຮ່ທອງສະເລ່ຍ ແມ່ນ 0,56% ແລະ ການລົງທຶນຈຳນວນ 200 ລ້ານໂດລາສະຫະລັດ ເຂົ້າໃນໂຄງການຈົນສາມາດເພີ່ມປະສິດທິພາບໃນການຜະລິດສະກັດແຮ່ໄດ້ສູງຂຶ້ນ.
ການປະຕິບັດວຽກງານດ້ານການຜະລິດ ແລະ ການປະຢັດຄ່າໃຊ້ຈ່າຍກໍສາມາດປະຕິບັດໄດ້ຕາມແຜນວາງໄວ້, ການປະຕິບັດດ້ານຄ່າໃຊ້ຈ່າຍແມ່ນໄດ້ຮັບໝາກຜົນດີ ເນື່ອງຈາກການຜະລິດທີ່ໄດ້ສູງຂຶ້ນ, ຕົ້ນທຶນການຜະລິດ-ປຸງແຕ່ງທີ່ຕ່ຳລົງ, ຕົ້ນທຶນການຄຸ້ມຄອງບໍລິຫານພາກສະໜາມທີ່ຕ່ຳລົງ ແລະ ການຂາຍໂລຫະມີຄ່າໄດ້ສູງຂຶ້ນ.
ທ່ານ ຈັນເພັງ ບຸນນະຜົນ ປະທານບໍລິສັດ ພູເບ້ຍ ມາຍນິງ ກ່າວວ່າ: ບໍລິສັດ ແມ່ນຜູ້ຜະລິດທອງລາວໃຫຍ່ໃນປະເທດລາວ, ເຖິງວ່າສະພາບລາຄາໂລຫະທາດຕົກຕ່ຳກໍຕາມ ແຕ່ບໍລິສັດ ຍັງສາມາດບັນລຸຜົນການຜະລິດທອງ ແລະ ການປະຢັດຕົ້ນທຶນໄດ້ຢ່າງດີເລີດ, ພວກເຮົາຂໍສະແດງຄວາມຂອບໃຈໄປຍັງພະນັກງານຂອງບໍລິສັດ ພູເບ້ຍ ມາຍນິງ ທຸກຄົນ ສຳລັບການເຮັດວຽກຢ່າງບໍ່ຮູ້ອິດຮູ້ເມື່ອຍຂອງພວກເຂົາເຈົາ ແລະ ບໍລິສັດຄາດວ່າການຜະລິດທອງຈະເພີ່ມຂຶ້ນອີກໃນປີ
2016.
No comments:
Post a Comment