ວັນທີ 5 ກຸມພານີ້, ຄະນະກຳມະການຕ້ານ ແລະ ຄວບຄຸມພະຍາດຕິດຕໍ່ນະຄອນຫຼວງວຽງຈັນໄດ້ຮ່ວມກັບພະແນກສາທາລະນະສຸກນະຄອນຫຼວງວຽງຈັນຈັດກອງປະຊຸມປຶກສາຫາລືຖອດຖອນບົດຮຽນການເຝົ້າລະວັງພະຍາດໄຂ້ເລືອດອອກໃນປີຜ່ານມາ ແລະ ວາງມາດຕະການປ້ອງກັນປະຈຳປີ 2016 ຂຶ້ນ, ຢູ່ຫ້ອງວ່າການນະຄອນຫຼວງວຽງຈັນ, ໂດຍການເປັນປະທານຂອງທ່ານ ສາຍທອງ ແກ້ວດວງດີ , ຮອງເຈົ້າຄອງນະຄອນຫຼວງວຽງຈັນ, ທັງເປັນປະທານຄະນະກຳມະການຕ້ານ
ແລະ ຄວບຄຸມພະຍາດຕິດຕໍ່ນະຄອນຫຼວງວຽງຈັນ, ມີຫົວໜ້າກົມຄອບຄຸມພະຍາດຕິດຕໍ່, ຫົວໜ້າພະແນກສາທາລະນະສຸກ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມເປັນຈຳນວນຫຼາຍ.
ທ່ານປະທານກອງປະຊຸມກ່າວວ່າ: ຜ່ານມາປະເທດເຮົາກໍເປັນປະເທດໜຶ່ງທີ່ມີການລະບາດຂອງພະຍາດໄຂ້ເລືອດອອກຄື: ໃນປີ
2010 ແລະ 2013 ເຊິ່ງມີຜູ້ຕິດເຊື້ອພະຍາດດັ່ງກ່າວຫຼາຍກ່າວ 1 ແສນຄົນ ແລະ ກໍ່ມີຫຼາຍພາກສ່ວນເຂົ້າມາມີບົດບາດໃນການປ້ອງກັນ ແລະ ຄວບຄຸມພະຍາດດັ່ງກ່າວເຊັ່ນ: ອຳນາດການປ້ອງຄອງຂັ້ນບ້ານ, ຂັ້ນເມືອງ, ວັດ, ນັກຮຽນ, ນັກສຶກສາ ໂດຍສະເພາະນັກສຶກສາແພດສາດກໍໄດ້ລົງມາຊ່ວຍຕ້ານ ແລະ ຄວບຄຸມພະຍາດດັ່ງກ່າວໃນປີ
2013 ທີ່ມີການລະບາດໃຫຍ່ໃນນັ້ນກໍໄດ້ນຳໃຊ້ງົບປະມານຈາກພາກລັດ ແລະ ເອກະຊົນ ຈົນຮອດການຊ່ວຍເຫຼືອຈາກສາກົນ ເປັນຈຳນວນຫຼວງຫຼາຍ ແລະ ເຫັນໄດ້ພາຍຫຼັງມີການລະບາດສິ້ນສຸດລົງ ປະຊາຊົນກໍ່ຄືອຳນາດການປົກຄອງມີຄວາມຕື່ມຕົວ ແລະ ເປັນເຈົ້າການໃນການເຝົ້າລະວັງຍັງບໍ່ຕໍ່ເນື່ອງ ແລະ ຂາດຄວາມຍືນຍົງໃນການເຝົ້າລະວັງພະຍາດໄຂ້ຍຸງລາຍດ້ວຍຕົວເຂົາເຈົ້າເອງ ເນື່ອງຈາກຍັງຂາດຜູ້ທີ່ຈະເປັນຫຼັກໃນການນຳພາຂັ້ນບ້ານ ແລະ ຄວາມຮູ້ໃນການປ້ອງກັນພະຍາດໄຂ້ຍຸງລາຍຍັງບໍ່ທັນສູງ, ສະນັ້ນໃນປີ
2016 ເຊິ່ງເປັນປີທີ່ຄົບຮອບວຽນຂອງການລະ ບາດຂອງພະຍາດດັ່ງກ່າວ ເຊິ່ງ 2-3 ປີໃດຈະມີການລະບາດກັບຄືນມາ, ຕາມປົກກະຕິແລ້ວໃນລະຫວ່າງເດືອນ ຕຸລາ ຫາ
ທັນວາ ກໍມັກຈະມີການລະບາດຂອງໄຂ້ເລືອດອອກຄື: ປີ
2015 ຜ່ານມາແມ່ນມີການລາຍງານສູງຢູ່, ດັ່ງນັ້ນເພື່ອເປັນການກຽມພ້ອມໃນງານກອງປະຊຸມສຳຄັນລະດັບຊາດທີ່ຈະຈັດໃນນະຄອນຫຼວງວຽງຈັນ, ຈຶ່ງມີຄວາມຈຳເປັນຕ້ອງໄດ້ວາງມາດຕະການແຕ່ຫົວທີ,
ໂດຍອິງຕາມກອງປະຊຸມໄຂ້ຍຸງລາຍປະຈຳປີ
2015 ຜ່ານມາ ແລະ ທິດຊີ້ນຳຂອງຫົວໜ້າກົມຄຸມຄອງພະຍາດຕິດຕໍ່ກະຊວງສາທາລະນະສຸກທີ່ໄດ້ມີທິດ ເພື່ອປຶກສາຫາລືຮ່ວມກັບຄະນະກຳມະທິການຄວບຄຸມພະຍາດຕິດຕໍ່ຂັ້ນນະຄອນຫຼວງວຽງຈັນ, ຊຶ່ງມີຈຸດປະສົງເພື່ອຮັບຟັງການລາຍງານຂອງການກະກຽມຄວາມພ້ອມໃນການປ້ອງກັນການລະບາດຂອງພະຍາດໄຂ້ຍຸງລາຍໃນປີ
2016 ພ້ອມທັງແຜນການຫັນເອົາພະນັກງານສາທາລະນະສຸກລົງຕິດຕາມ ແລະ ຊຸກຍູ້ຢ່າງໃກ້ສິດຢູ່ໃນແຕ່ລະເມືອງໃນນະຄອນຫຼວງ ເພື່ອເປັນກຳລັງແຮງຊ່ວຍໃນການປ້ອງກັນພະຍາດໄຂ້ຍຸງລາຍບໍ່ໃຫ້ມີການລະບາດເກີດຂຶ້ນ.
No comments:
Post a Comment