ກອງປະຊຸມຄັ້ງທີ
20 ຂອງຄະນະກຳມາທິການລະວຫ່າງລັດຖະບານອາຊຽນວ່າດ້ວຍສິດທິມະນຸດໄຂຂື້ນໃນລະຫວ່າງວັນທີ
4 – 5 ກຸມພານີ້, ຢູ່ນະຄອນຫຼວງວຽງຈັນ, ໂດຍການເປັນປະທານຂອງທ່ານ ພູໂຂງ ສີສຸລິດ ຫົວໜ້າກົມສົນ ທິສັນຍາ ແລະ ກົດໝາຍ, ກະຊວງການຕ່າງປະເທດ, ເປັນຕົວແທນໃຫ້ລັດຖະບານລາວ, ທັງເປັນຄະນະກຳມາທິການລະຫວ່າງລັດຖະບານອາຊຽນວ່າດ້ວຍສິດທິມະນຸດ, ມີຕົວແທນລັດຖະບານບັນດາປະເທດອາຊຽນ, ພ້ອມດ້ວຍຮອງເລຂາທິການໃຫຍ່ອາຊຽນເຂົ້າຮ່ວມນຳດ້ວຍ.
ທ່ານ
ປະທານກອງປະຊຸມກ່າວວ່າ: ນີ້ເປັນກອງປະຊຸມສະໄໝສາມັນຄັ້ງທຳອິດຂອງຄະນະກຳມາທິການລະຫ່ວາງລັດຖະບານອາຊຽນວ່າດ້ວຍສິດທິມະນຸດໃນປີ
2016, ກອງປະຊຸມຈະໄດ້ປຶກສາຫາລືແລກປ່ຽນບົດຮຽນກ່ຽວກັບການຈັດຕັ້ງປະຕິບັດວຽກສິດທິມະນຸດໃນໄລຍະຜ່ານມາຂອງປັນດາປະເທດອາຊຽນດ້ວຍກັນ, ພ້ອມທັງກະກຽມການຈັດຕັ້ງປະຕິບັດແຜນວຽກ 5 ປີຕໍ່ໜ້າ (2016-2020,) ໂດຍສະເພາະແມ່ນບັນດາໜ້າວຽກບູລິມະສິດໃນປີ
2016 ຂອງຄະນະກຳມາທິການລະຫ່ວາງລັດຖະບານອາຊຽນວ່າດ້ວຍສິດທິມະນຸດ, ຊຶ່ງເປັນຂໍລິເລີ່ມຂອງບັນດາປະເທດສະມາຊິກໃນການຈັດສຳມະນາ
ແລະ ເຮັດບົດສຶກສາຄົ້ນຄ້ວາກ່ຽວກັບສິດໃນການສຶສາ, ສິດໃນການມີຊີວິດ, ລະບົບຍຸຕິທຳສຳລັບເດັກ, ສິດທິມະນຸດ ແລະ ການຕ້ານການຄ້າມະນຸດຢູ່ອາຊຽນ, ຄວາມຮັບຜິດຊອບຂອງບໍລິສັດຕໍ່ສັງຄົມ, ສື່ມວນຊົນ ແລະ ຫົວຂໍ້ອື່ນໆ. ພ້ອມນັ້ນກອງປະຊຸມຍັງຈະໄດ້ປຶກສາຫາລືການກະກຽມແຜນບູຸລີມະສິດສຳລັບປີ
2017 ແລະ ບົດລາຍງານປະຈຳປີ 2016 ຂອງຄະນະກຳມາທິການລະຫ່ວາງລັດຖະບານອາຊຽນວ່າດ້ວຍສິດທິມະນຸດ, ເພື່ອນຳສະເໜີກອງປະຊຸມລັດຖະມົນຕີຕ່າງປະເທດອາຊຽນຄັ້ງທີ່ 49 ຊຶ່ງຈະຈັດຂື້ນໃນໄວໆນີ້, ພ້ອມວາງທິດທາງໃນອະນາຄົດກ່ຽວກັບວຽກງານສິດທິມະນຸດດັ່ງກ່າວ.
ທ່ານປະທານກອງປະຊຸມໃຫ້ຮູ້ວ່າ:
ຄະນະກຳມາທິການລະຫ່ວາງຖະບານອາຊຽນວ່າດ້ວຍສິດທິມະນຸດ ໄດ້ສ້າງຕັ້ງຂຶ້ນໃນປີ
2009 ຕາມກົດບັດອາຊຽນ, ຊຶ່ງແຕ່ລະປະເທດອາຊຽນຈະຕ້ອງໄດ້ແຕ່ງຕັ້ງຜູ້ຕາງໜ້າຂອງຕົນໄປປະຈຳຢູ່ຄະນະກຳມາທິການດັ່ງກ່າວ, ຊຶ່ງເປັນອົງການຫຼັກຂອງອາຊຽນໃນການສົ່ງເສີມການຮ່ວມມືດ້ານສິດທິມະນຸດໃນການສ້າງປະຊາຄົມອາຊຽນບົນພື້ນຖານຈຸດພິເສດຂອງພາກພື້ນ ແລະ ຂອງແຕ່ລະປະເທດ.
No comments:
Post a Comment