ກົມອຸຕຸນິຍົມ ແລະ ອຸທົກກະສາດ
ໃຫ້ຮູ້ວ່າ: ລະຫວ່າງວັນທີ
24-26 ກຸມພານີ້, ມວນອາກາດໜາວເຢັນຈາກປະເທດຈີນ ຈະເພີ່ມກຳລັງແຮງຂຶ້ນຕື່ມອີກເທື່ອໃໝ່, ຊຶ່ງຈະແຜ່ລົງມາປົກຄຸມຢູ່ທົ່ວທຸກພາກຂອງລາວ ໂດຍສົມທົບກັບກະແສລົມຕາເວັນອອກ-ຕາເວັນອອກສ່ຽງເໜືອພັດປົກຄຸມ, ເຊິ່ງຈະເຮັດໃຫ້ອຸນຫະພູມອາກາດຈະໜາວເຢັນລົງຕື່ມອີກ 3-5 ອົງສາ ໃນແຕ່ລະພາກ, ພ້ອມຈະມີຝົນຕົກ ແລະ ລົມພັດແຮງຢູ່ບາງທ້ອງຖິ່ນ. ສະເພາະເຂດພູສູງ, ພູດອຍ,
ບັນດາແຂວງພາກເໜືອ, ໄຊສົມບູນ, ເມືອງດາກຈຶງ ແລະ ເຂດພູພຽງບໍລະເວນ ອາກາດຈະໜາວເຢັນຫລາຍ. ດັ່ງນັ້ນ ຈຶ່ງເຕືອນມາຍັງປະຊາຊົນທີ່ອາໃສຢູ່ແຂວງ ຜົ້ງສາລີ, ຫົວພັນ, ຊຽງຂວາງ, ຫລວງນ້ຳທາ, ອຸດົມໄຊ, ບໍ່ແກ້ວ, ຫລວງພະບາງ, ນະຄອນຫລວງ
ວຽງຈັນ, ແຂວງວຽງຈັນ, ໄຊສົມບູນ, ບໍລິຄຳໄຊ
ແລະ ຄຳມ່ວນ ຈົ່ງມີສະຕິກຽມພ້ອມຮັບມືກັບການປ່ຽນແປງຂອງອຸນຫະພູມ, ຊຶ່ງອາດຈະມີຜົນກະທົບຕໍ່ສຸຂະພາບ, ໂດຍສະເພາະເດັກນ້ອຍ ແລະ ຜູ້ເຖົ້າ, ອາດຈະເຈັບປ່ວຍໄດ້ງ່າຍ, ຈຶ່ງຂໍໃຫ້ມີສະຕິໃນການນຸ່ງຫົ່ມໃຫ້ອົບອຸ່ນ ແລະ ເອົາໃຈໃສ່ປະຕິບັດຫລັກການອະນາໄມສາມສະອາດໃຫ້ເຂັ້ມງວດ, ພ້ອມທັງໃຫ້ຕິດຕາມການລາຍງານສະພາບອາກາດຈາກກົມອຸຕຸນິຍົມ ແລະ ອຸທົກກະສາດ
ເປັນປົກກະຕິ ເພື່ອສາມາດຮັບມືກັບການປ່ຽນແປງຂອງສະພາບອາກາດດັ່ງກ່າວນັ້ນໄດ້.
No comments:
Post a Comment