ຕາມການລາຍງານຂອງຫົວໜ້າໜ່ວຍງານສັດຕະວະແພດນະຄອນຫຼວງວຽງຈັນໃຫ້ຮູ້ວ່າ: ປັດຈຸບັນໜ່ວຍງານສັດຕະວະແພດຂອງຕົນພວມສຸມໃສ່ການສັກຢາ
ແລະ ປິ່ນປົວສັດລ້ຽງທີ່ຕິດເຊື້ອພະຍາດປາກເປື່ອຍລົງເລັບທີ່ລະບາດຂຶ້ນຢູ່ເມືອງປາກງື່ມ ແລະ ເມືອງສັງທອງມາແຕ່ທ້າຍປີ
2015 ຜ່ານມາ ຊຶ່ງມີສັດລ້ຽງປະເພດງົວ, ຄວາຍ, ໜູ ແລະ ແບ້ ຕິດເຊື້ອພະ ຍາດດັ່ງກ່າວຫຼາຍກວ່າ 3 ພັນໂຕ
ແລະ ມາຮອດປັດຈຸບັນກໍ່ຍັງບໍ່ທັນຫາຍຂາດລົງໄດ້.ຫົວໜ້າໜ່ວຍງານສັດຕະວະແພດນະຄອນຫຼວງວຽງຈັນໃຫ້ຮູ້ວ່າ: ຕາມການຕິດຕາມການລະບາດຂອງພະຍາດຢູ່ສອງເມືອງດັ່ງກ່າວໃນຄັ້ງນີ້ຖືວ່າແກ່ຍາວມາເປັນເວລາດົນພໍສົມ ຄວນແລ້ວແຕ່ບໍ່ມີການລະບາດໄປສູ່ເຂດອື່ນ ແລະ ມາຮອດດຽວນີ້ໜ່ວຍງານສັດຕະວະ
ແພດສາມາປິ່ນປົວສັດຫາຍດີແລ້ວຫຼາຍກວ່າ 2 ພັນໂຕ, ຍ້ອນການຄວບຄຸມ ແລະ ການຮ່ວມມືຂອງປະຊາຊົນໃນການສະກັດກັ້ນພະຍາດຮ້າຍແຮງນີ້ກັບຄືນສູ່ສະພາບປົກກະຕິໄດ້ໃນອີກບໍ່ດົນ.
ໜ່ວຍງານສັດຕະວະແພດບັນດາແຂວງພາກເໜືອໃຫ້ຮູ້ວ່າ: ສະພາບອາກາດໜາວເຢັນຮຸນແຮງໃນຜ່ານມາໄດ້ສົ່ງຜົນກະທົບຕໍ່ສັດລ້ຽງຂອງປະຊາຊົນເຂດພາກເໜືອ ຫຼາຍພໍສົມຄວນເຮັດໃຫ້ງົວ,ຄວາຍຕາຍຈຳນວນໜຶ່ງຄື:
ຢູ່ແຂວງຫົວພັນ ແລະ ຊຽງຂວາງ, ຊຶ່ງກ່ອນໜ້ານີ້ພາກສ່ວນກ່ຽວຂ້ອງກໍໄດ້ລົງແນະນຳໃຫ້ປະຊາຊົນເອົາໃຈໃສ່ເບິ່ງແຍງສຸຂະພາບສັດລ້ຽງໃຫ້ດີໂດຍການສ້າງຄອກ ແລະ ສັກຢາກັນພະຍາດໃຫ້ໄດ້ທົ່ວເຖິ່ງ, ແຕ່ເນື່ອງຈາກສະພາບອາກາດທີ່ໜາວເຢັນເປັນສາເຫດໃຫ້ເຮັດໃຫ້ເກີດພະຍາດໄດ້ງ່າຍ.
No comments:
Post a Comment