AirAsia ຂໍແນະນຳຖ້ຽວບິນປະຈຳວັນເສັ້ນທາງ ຫລວງພະບາງ ເຖິງ ບາງກອກ ປະເທດໄທ (LPQ-DMK),
ໃນລາຄາ 39 ໂດລາສະຫະລັດ (ຫລວງພະບາງ-ບາງກອກ), ເປີດຈອງປີ້ໄປຈົນເຖິງວັນທີ 14 ກຸມພາ 2016, ໂດຍມີກຳນົດການເດີນທາງເລີ່ມຈາກວັນທີ
24 ເດືອນມີນາ ເຖິງວັນທີ
5 ກຸມພາ 2017.
AirAsia ແມ່ນໜຶ່ງໃນສາຍການບິນສາກົນດີທີ່ສຸດໃນໂລກ, ເປັນສາຍການບິນທີ່ມີລາຄາຕ່ຳ ແລະ ເປີດໃຫ້ບໍລິການຢ່າງຕໍ່ເນື່ອງໃນໄລຍະ 7 ປີທີ່ຜ່ານມາ,
ປັດຈຸບັນນີ້ ໄດ້ເປີດເສັ້ນທາງສາຍການບິນປະຈຳວັນ ຫລວງພະບາງ-ບາງກອກ (LPQ-DMK),
ໂດຍມີກຳນົດເປີດການເດີນທາງເລີ່ມ ຈາກວັນທີ
24 ມີນາ 2016, ເປີດຂາຍປີ້ນັບແຕ່ມື້ນີ້ເປັນຕົ້ນໄປ,
ທ່ານສາມາດຈອງທີ່
ນັ່ງສຳລັບເສັ້ນ ທາງ LPQ-DMK ໃນລາຄາເລີ່ມຕົ້ນພຽງ 39 ໂດລາສະຫະລັດ (ຫລວງພະບາງ-ບາງກອກ), ລາຄາດັ່ງກ່າວລວມພາສີ ແລະ ຄ່າທຳນຽມ, ທ່ານສາມາດຈອງທີ່ນັ່ງຜ່ານອິນເຕີເນັດໄດ້ທີ່
airasia.com ແລະ
ຕົວແທນຂາຍປີ້ທີ່ໄດ້ຮັບອະນຸຍາດ.
ທ່ານ
ພອນພັນ ລັດຕະນະພິທັກຄຸນ (Pornpun Ratanapitakkul, Marketing Manager for
Indochina region), ຜູ້ຈັດການຝ່າຍການຕະຫລາດ ປະຈຳພາກພື້ນອິນໂດໄຊນາຂອງ AirAsia ກ່າວວ່າ: ແຂວງຫລວງພະບາງ ເປັນເມືອງມໍລະດົກໂລກ, ເປັນສະຖານທີ່ປາຍທາງທີ່ເຊື່ອມຕໍ່ກຸ່ມປະເທດອາຊຽນ ແລະ ປະເທດອື່ນໆໃນທະວີບເອເຊຍ. ການເປີດເສັ້ນທາງການບິນ ຫລວງພະບາງ-ບາງກກອກ ກໍເພື່ອແນະນຳ ແລະ ສະໜັບ
ສະໜູນການທ່ອງທ່ຽວລະຫວ່າງ 2 ປະເທດ ສ້າງສາຍພົວພັນທີ່ດີລະຫວ່າງ 2 ເມືອງດັ່ງກ່າວ ແລະ ຍັງລວມໄປເຖິງການເຂົ້າເຖິງບັນດາປະເທດອື່ນໆ ໃນທະວີບເອເຊຍ.
ຖ້ຽວບິນດັ່ງກ່າວ ເປັນເສັ້ນທາງທຳອິດທີ່ບິນໂດຍກົງຈາກສູນກາງສາຍການບິນບາງກອກ ເຖິງປະເທດລາວ, ພ້ອມກັນນັ້ນ ຍັງມີເສັ້ນທາງການບິນໂດຍກົງຈາກນະຄອນຫລວງວຽງຈັນ ເຖິງສະໜາມບິນສາກົນ ກົວລາລຳເປີ, ສາຍການບິນແອອາຊຽນ ມີເປົ້າໝາຍໃນການເປີດການເຊື່ອມຕໍ່ລະ ຫວ່າງ ສປປ
ລາວ ແລະ ປະເທດອື່ນໆ.
ບັນດາຜູ້ໂດຍສານທີ່ເດີນທາງຈາກຫລວງພະບາງ ເຖິງ ສະໜາມບິນສາກົນ ບາງກອກ
ຍັງສາມາດບິນເຊື່ອມຕໍ່ໄປຍັງປະເທດອື່ນໆໄດ້ໂດຍຜ່ານເຄືອຂ່າຍຂອງ AirAsia ທີ່ພູເກັດ, ກຣະບີ, ຫາດໃຫຍ່, ຊຽງໃໝ່, ຢາງກຸງ, ຊຽມລຽບ, ສິງກະໂປ,
ມາກາວ, ໂຕກ໋ຽວ, ເຊອູນ
ແລະ ອີກຫລາຍໆສະໜາມບິນສາກົນປາຍທາງທີ່ໜ້າສົນໃຈໂດຍຜ່ານ ທະວີເອເຊຍ ແລະ ປະເທດອົດສະຕາລີ
(Australia) ກໍໄດ້ທ່ານສາມາດຕິດຕາມຂໍ້ມູນໃໝ່ໆດ້ານກິດຈະກຳ ແລະ ຂໍ້ສະເໜີອື່ນໆ ຂອງ AirAsia ໄດ້ທີ່ www.airasia.com
No comments:
Post a Comment