ລົດໂດຍສານຕຳລົດຕູ້ ຢູ່ທາງຕັດໃໝ່ເມືອງນານ-ກາສີ ເສຍຊີວິດ 5 ຄົນ ແລະ ບາດເຈັບຈຳນວນຫລາຍ
ເຈົ້າໜ້າທີ່ ຈະລາຈອນ ແຂວງວຽງຈັນ ລາຍງານໃຫ້ຮູ້ວ່າ: ເວລາປະມານ 9:30 ໂມງຂອງວັນທີ 21 ກຸມພານີ້, ໄດ້ເກີດອຸປະ ຕິເຫດຢ່າງຮ້າຍແຮງ ມີລົດໂດຍສານ ໝາຍເລກທະບຽນ ບກ
6551 ກຳແພງນະຄອນ ແລ່ນມາແຕ່ຫລວງພະບາງ ເພື່ອມຸ້ງໜ້າມານະຄອນຫລວງວຽງຈັນ ແຕ່ພໍມາຮອດເຂດບ້ານທົ່ງເມືອດ, ເມືອງກາສີ
ໃນເສັ້ນທາງຕັດໃໝ່ເມືອງນານ-ກາສີ,
ຊຶ່ງເປັນທາງຄົດໂຄ້ງ ບວກໃສ່ກັບສະພາບເຕັກນິກຂອງລົດບໍ່ພ້ອມ ຈຶ່ງເຮັດໃຫ້ເສຍຫລັກພຸ້ງໄປຕຳເອົາລົດຕູ້ ໝາຍເລກທະບຽນ ກກ
5536 ຫລວງພະບາງ ທີ່ແລ່ນສວນທາງມາຢ່າງແຮງ, ເຮັດໃຫ້ຄົນຂັບ ແລະ ຜູ້ໂດຍສານໃນລົດຕູ້ເສຍຊີວິດ 5 ຄົນຄື: ທ້າວ ຈັນພູທອນ (ຜູ້ຂັບລົດ), ອາຍຸ 36 ປີ ຢູ່ບ້ານສັງກະໂລກ, ເມືອງ ແລະ ແຂວງຫລວງພະບາງ, ທ້າວ ຈອງຊືຈູ, ນາງ ລີຊ່ອງຫໍ່, ນາງ ໂຈອຶນອົກ ແລະ ນາງ
ລີເຊີກຽງ ທັງ 4 ຄົນເປັນນັກທ່ອງທ່ຽວຊາວເກົາຫລີ. ນອກຈາກນີ້, ຍັງມີຜູ້ໂດຍສານໃນລົດເມ ໄດ້ຮັບບາດເຈັບສາຫັດ 9 ຄົນ, ສົມຄວນ 6 ຄົນ ແລະ ບາດເຈັບເລັກນ້ອຍ 9 ຄົນ. ສ່ວນລາຍລະອຽດຂອງການເກີດອຸປະຕິເຫດດັ່ງກ່າວເຈົ້າໜ້າທີ່ພວມເລັ່ງສືບສວນ-ສອບສວນ.
No comments:
Post a Comment