ທ່ຽງຄືນຂອງວັນທີ 13 ກຸມພາຜ່ານມາ,
ຢູ່ເຂດບ້ານນາໄຫ,
ເມືອງຫາດຊາຍຟອງ ນະຄອນ ຫລວງວຽງຈັນ, ໄດ້ເກີດມີລົດຈັກ1 ຄັນ ຂັບຂີ່ໂດຍທ້າວ ຊັນນະວັດ ອາມົນທານາວັດ (ສັນຊາດໄທ)
ອາຍຸ 45 ປີ ພັກເຊົາຢູ່ບ້ານຮ່ອງແກ
ເມືອງໄຊເສດຖາ ນະຄອນຫລວງວຽງຈັນ ແລ່ນມາແຕ່ທາງຕັດໃໝ່ບ້ານນາໄຫ ມຸ້ງໜ້າໄປທາງໂຮງຮຽນ ດົງຄຳຊ້າງ ພໍມາຮອດຈຸດເກີດເຫດ, ຊຶ່ງເປັນທາງໂຄ້ງ ເຮັດໃຫ້ຜູ້ກ່ຽວເສຍຫລັກລົ້ມລົງຂ້າງທາງຢ່າງແຮງສົ່ງຜົນໃຫ້ເສຍຊີວິດຄາທີ່. ປັດຈຸບັນສົບຂອງຜູ້ກ່ຽວແມ່ນຢູ່ໂຮງໝໍມະໂຫສົດພວມເລັ່ງຕິດຕໍ່ຫາຍາດພີ່ນ້ອງມາຮັບເພື່ອໄປທຳພິທີທາງສາສະໜາ.
ເຈົ້າໜ້າທີ່ ໃຫ້ຮູ້ວ່າ: ປັດຈຸບັນອຸປະຕິເຫດເກີດຂຶ້ນສ່ວນໃຫຍ່ແມ່ນເກີດຈາກການດຶ່ມສິ່ງມຶນເມົາແລ້ວຂັບຂີ່, ຂັບລົດດ້ວຍຄວາມໄວສູງ, ຂາດສະຕິ, ບໍ່ເຄົາລົບກົດລະບຽບຈະລາຈອນຢ່າງເຂັ້ມງວດຈຶ່ງເຮັດໃຫ້ເກີດອຸປະຕິເຫດຕາມມາ,
ດັ່ງນັ້ນ ຜູ້ຂັບຂີ່ທຸກຄົນຈົ່ງພາກັນເອົາໃຈໃສ່ໃນເວລາຂັບຂີ່ໃຫ້ມີຄວາມລະມັດລະວັງ ແລະ
ມີສະຕິທຸກຄັ້ງໃນເວລາຂັບຂີ່ລົດເພື່ອຫລີກລ້ຽງອຸປະຕິເຫດທີ່ຈະເກີດຂຶ້ນ.
No comments:
Post a Comment