ໃນເວລາປະມານ 20 ໂມງຂອງວັນທີ 12 ກຸມພາຜ່ານມານີ້, ໄດ້ເກີດໄຟໃໝ້ຕະຫລາດໂອທ໋ອບ ທີ່ຕັ້ງຢູ່ບ້ານທ່າສາລະຄຳ, ເມືອງປາກເຊ
ແຂວງຈຳປາສັກ ຕະຫລາດດັ່ງກ່າວເປັນອາຄານສູງ 3 ຊັ້ນ, ຊຶ່ງສ້າງຕັ້ງຂຶ້ນໄດ້ປະມານ 10 ກວ່າປີແລ້ວ ເຫດໄຟໄໝ້ດັ່ງກ່າວ ໄດ້ເກີດຂຶ້ນຢູ່ຊັ້ນ 3 ຂອງຕຶກອາຄານເຮັດໃຫ້ໄຟໄດ້ລຸກລາມທົ່ວຊັ້ນ ເຄື່ອງຂອງຖືກໄຟໄໝ້ເສຍຫາຍເປັນຈຳນວນຫລາຍ, ແຕ່ໂຊກດີບໍ່ມີຜູ້ໄດ້ຮັບບາດເຈັບ ແລະ ເສຍຊີວິດສ່ວນສາເຫດ ແລະ ມູນຄ່າເສຍຫາຍເຈົ້າໜ້າທີ່ພວມເລັ່ງຫາສາເຫດຂອງການເກີດອັກຄີໄພຄັ້ງນີ້.
ແນວໃດກໍຕາມເຈົ້າໜ້າທີ່ຍັງໄດ້ຮຽກຮ້ອງໃຫ້ເຈົ້າຂອງເຮືອນ, ຫ້າງຮ້ານ, ບໍລິສັດ ແລະ ອົງການຕ່າງໆ, ຈົ່ງມີສະຕິໃນການຊົມໃຊ້ຟືນໄຟ
ແລະ ຕ້ອງດັບມອດໄຟທຸກຄັ້ງຫລັງຈາກໃຊ້ງານແລ້ວ, ບໍ່ຄວນນຳໃຊ້ໄຟຟ້າຈົນເກີດຂອບເຂດ, ເພາະຈະເຮັດໃຫ້ເກີດອັກຄີໄພໄດ້ງ່າຍ ແລະ ການໃຕ້ທູບທຽນບູຊາ ກໍໃຫ້ດັບມອດທັນທີເມື່ອສຳເລັດພິທີ, ທັງນີ້ ກໍເພື່ອຮັບປະກັນບໍ່ໃຫ້ເກີດອັກຄີໄພຕາມມາ.
No comments:
Post a Comment