ນັກຂ່າວ, ນັກຈັດລາຍການທີ່ມາຈາກໜັງສືພິມ, ວິທະຍຸ ແລະ ໂທລະພາບ ຫລາຍກວ່າ 20 ທ່ານ
ໄດ້ຮັບໃບຢັ້ງຢືນຈາກສະຖາບັນອາຊີເພື່ອການພັດທະນາສື່ກະຈາຍສຽງ ແລະ ພາບ (AIBD), ພາຍຫລັງສຳເລັດການຝຶກອົບຮົມຍົກລະດັບກ່ຽວກັບການເຂົ້າໃຈໃນວຽກງານສື່
ທີ່ຈັດຂຶ້ນຢູ່ສະຖານີວິທະຍຸກະຈາຍສຽງແຫ່ງຊາດ (ວສລ) ແລະ ໄດ້ອັດລົງໃນຕອນແລງວັນທີ 24
ກຸມພານີ້,
ພາຍຫລັງດຳເນີນມາ 3 ວັນ.
ການອົບຮົມດັ່ງກ່າວແມ່ນໄດ້ຈັດຂຶ້ນຫລັງເຫັນວ່າບັນດາຜູ້ບໍລິໂພກສື່ໃນຍຸກປັດຈຸບັນ
ໄດ້ຮັບການບຸກລຸກດ້ວຍຂໍ້ມູນຂ່າວສານອັນຫລາກຫລາຍຈາກສື່ສັງຄົມອອນລາຍ, ສະນັ້ນ ມັນຈຶ່ງມີຄວາມຈຳເປັນໃຫ້
ແກ່ນັກຈັດລາຍການ ແລະ
ຜູ້ຜະລິດສື່ທັງຫລາຍມີຄວາມເຂົ້າໃຈ ແລະ ຮັບຮູ້ພາລະບົດບາດໜ້າທີ່ຂອງຕົນໃນການປະກອບສ່ວນກະຕຸກຊຸກຍູ້ຜູ້ບໍລິໂພກສື່ຂອງຕົນຮູ້ຈັກປະເມີນ, ວິເຄາະ ແລະ
ຮັບມືກັບບັນດາເນື້ອໃນຈາກສື່ສັງຄົມອອນລາຍດ້ວຍຄວາມເໝາະສົມ, ມີຈັນຍາບັນ ແລະ
ຮູ້ຈັກເລືອກເຟັ້ນຮັບເອົາແຕ່ເນື້ອຫາສາລະທີ່ມີປະໂຫຍດໃຫ້ກັບຕົນເອງ.
No comments:
Post a Comment