ອາຊຽນໄດ້ຮັບຊາບການຍິງລູກສອນໄຟຂອງ
ສາທາລະນະລັດ ປະຊາຊົນ ປະຊາທິປະໄຕ ເກົາຫລີ (ສປປ ເກົາຫລີ) ໃນວັນທີ 7 ກຸມພາ 2016, ອາຊຽນໄດ້ຕິດຕາມສະຖານະການຢູ່ແຫລມເກົາຫລີຢ່າງໃກ້ຊິດ ແລະ
ມີຄວາມເປັນຫ່ວງຮ່ວມກັບວົງຄະນະຍາດສາກົນຕໍ່ບັນດາສະພາບການທີ່ເກີດຂຶ້ນຫວ່າງບໍ່ດົນມານີ້ໃນຂົງເຂດດັ່ງກ່າວ,
ອາຊຽນຮຽກຮ້ອງຢ່າງແຂງແຮງໃຫ້ ສປປ ເກົາຫລີ
ປະຕິບັດຕາມຍັດຕິທີ່ກ່ຽວຂ້ອງຂອງສະພາຄວາມໝັ້ນຄົງຂອງອົງການສະຫະປະຊາຊາດ, ອາຊຽນຢືນຢັນຄືນການສະໜັບສະໜູນຂອງຕົນຢ່າງເຕັມປ່ຽມ ເພື່ອຟື້ນຟູການເຈລະຈາ 6
ຝ່າຍໃນເວລາອັນໄວ ແລະ ເພື່ອເຮັດໃຫ້ແຫລມເກົາຫລີປາສະ ຈາກອາວຸດນິວເຄຼຍໂດຍສັນຕິວິທີ,
ອາຊຽນຢ້ຳຄືນຄວາມສຳຄັນຂອງການປຶກສາຫາລື ແລະ ການຮ່ວມມືແບບສ້າງສັນເພື່ອຮັກ
ສາສັນຕິພາບ ແລະ ຄວາມໝັ້ນຄົງໃນແຫລມເກົາຫລີ.
No comments:
Post a Comment