ແລງຂອງວັນທີ
6 ກຸມພາຜ່ານມານີ້, ຢູ່ຖະໜົນທ່າເດື່ອ, ເຂດບ້ານນາໄຫ
ເມືອງຫາດຊາຍຟອງ ນະຄອນຫລວງວຽງຈັນ ໄດ້ເກີດເຫດລົດບັນທຸກຕຳກັບລົດຈັກຢ່າງຮຸນແຮງ ເຮັດໃຫ້ຜູ້ຂັບຂີ່ລົດຈັກຄື: ນາງ
ອັກສອນ ອາຍຸ
19 ປີ,
ນັກສຶກສາ ຢູ່ບ້ານດົງໂພນເລົາ ເມືອງຫາດຊາຍຟອງ
ເສຍຊີວິດຄາທີ່ ແລະ ທ່ຽງຄືນຂອງວັນທີ
5 ກຸມພາຜ່ານມາ, ຢູ່ຖະໜົນໄກສອນ ພົມວິຫານ, ເຂດບ້ານພະຂາວ ເມືອງໄຊທານີ, ໄດ້ເກີດມີລົດໃຫຍ່ຕຳກັບລົດຈັກ ເຮັດໃຫ້ຜູ້ຂັບຂີ່ລົດຈັກຄື:
ທ້າວ ອ້າຍ
ອາຍຸ 26 ປີ ກຳມະ ກອນ ຢູ່ບ້ານດົງໂດກ ເມືອງໄຊທານີ ເສຍຊີວິດຄາທີ່.
ເຈົ້າໜ້າທີ່ ໃຫ້ທັດສະນະວ່າ: ອຸປະຕິເຫດສ່ວນໃຫຍ່ແມ່ນມັກເກີດຂຶ້ນໃນທ້າຍອາທິດ, ໄລຍະເທດສະ ການຕ່າງໆ, ຊຶ່ງກຸ່ມຄົນເຫລົ່ານັ້ນຈະພາກັນນັດຊຸມແຊວ ດື່ມສິ່ງມຶນເມົາຈົນຂາດສະຕິ ຕໍ່ການຂັບຂີ່ເຮັດໃຫ້ເກີດອຸປະຕິເຫດດັ່ງກ່າວ. ດັ່ງນັ້ນ ຈຶ່ງເຕືອນມາຍັງນັກຂັບຂີ່ທຸກຄົນ ຈົ່ງມີສະຕິໃນການຂັບຂີ່ທຸກຄັ້ງ, ຖ້າດື່ມສິ່ງມຶນເມົາແລ້ວກໍບໍ່ຄວນຂັບຂີ່ ທັງນີ້ກໍເພື່ອຄວາມປອດໄພຂອງທຸກຄົນ.
No comments:
Post a Comment