ອູລາວ ກຸ່ມບໍລິສັດປ້າຍໂຄສະນາທີ່ດີ
ໃນວັນທີ 5 ກຸມພາຜ່ານມາ,
ທ່ານ ປຣະເສີດ ບັນຈົງພັກດີ ປະທານກຸ່ມບໍລິສັດປ້າຍໂຄສະນາລາວ (Ooh Laos), ຖະແຫລງວ່າ: ໄລຍະຜ່ານມາ, ການລົງໂຄສະນາຢູ່ຕາມແຜ່ນປ້າຍຕ່າງໆ ເຫັນວ່າມີຄວາມຫຍຸ້ງຍາກຫລາຍໃນການຕິດຕໍ່ພົວພັນ ແລະ ອື່ນໆ,
ເມື່ອເປັນແນວນັ້ນ ທັງ 4 ບໍລິສັດປ້າຍໂຄສະ ນາລະດັບແຖວໜ້າຂອງລາວ ໄດ້ປຶກສາຫາລືກັນຫລາຍຄັ້ງ ຈຶ່ງຕັດສິນໃຈຮ່ວມຕົວກັນໃຫ້ເປັນໜຶ່ງດຽວ ໃນນັ້ນປະກອບມີ:
ບໍລິສັດ Blue Grass (ຫຍ້າສີຟ້າ), ບໍລິສັດ ປັນຍາທິບ, ບໍລິສັດ MAA ແລະ ບໍລິສັດ
ແມັກມີເດຍ ເພື່ອເປັນການເຕົ້າໂຮມຄວາມສາມັກຄີລະຫວ່າງບໍລິສັດກັບບໍລິສັດໃຫ້ມີຄວາມເຂັ້ມແຂງຍິ່ງຂຶ້ນ ສາມາດແຂ່ງຂັນກັບປະເທດພາກພື້ນ ແລະ ສາກົນ, ໃນການຮ່ວມໂຕກັນຄັ້ງນີ້ ກຸ່ມບໍລິສັດ ອູລາວ ຍັງໄດ້ເພີ່ມພື້ນທີ່ປ້າຍໂຄສະນາຫລາຍກວ່າ 250 ປ້າຍ, ທີ່ຕິດຕັ້ງຢູ່ຕາມຈຸດຕ່າງໆຕາມເສັ້ນທາງໃນຕົວເມືອງນະຄອນຫລວງວຽງຈັນ ແລະ ບັນດາແຂວງຕ່າງໆໃນທົ່ວປະເທດ, ສະໜາມບິນສາກົນ, ດ່ານຂົວມິດຕະພາບ, ຕະຫລາດ, ຊຸມຊົນ ແລະ ອື່ນໆ, ເພື່ອສະແດງອອກເຖິງຄວາມທັນສະໄໝໄປພ້ອມໆກັບຄວາມເປັນລາວ, ຮັກສາຮີດຄອງປະເພນີອັນດີງາມຂອງຊາດໄວ້ ແລະ ຍັງເປັນການສ້າງພື້ນຖານທີ່ໝັ້ນຄົງໃຫ້ແກ່ຫົວໜ່ວຍທຸລະກິດທີ່ໄດ້ມາລົງໂຄສະນາກັບພວກເຮົາອີກດ້ວຍ.
No comments:
Post a Comment