ນັກຂ່າວພວກເຮົາໄດ້ລົງຕິດຕາມບັນຍາກາດການຊື້ຂາຍສິນຄ້າຢູ່ທ້ອງຕະຫລາດໃຫຍ່ຫລາຍແຫ່ງໃນຕົວເມືອງເມື່ອວັນທີ 4 ກຸມພານີ, ປາກົດວ່າມີບັນຍາກາດຄືກຄື້ນດີຫລາຍສົມຄວນ,
ໂດຍສະ ເພາະສິນຄ້າປະເພດອຸປະໂພກ-ບໍລິໂພກທີ່ນິຍົມກັນຫລາຍໃນຊ່ວງໄລຍະເທດສະການປີໃໝ່ປະຈໍາຊາດຂອງຊາວຫວຽດນາມ ແລະ
ຊາວຈີນເປັນຕົ້ນ: ເຂົ້າ, ຊີ້ນໝູ,
ໄກ່, ຂະໜົມມຶດເຕັດຊຶ່ງເປັນອັນຂາດບໍ່ໄດ້ໃນເທດສະການບຸນດັ່ງກ່າວ.
ພິເສດເຂົ້າສານໜຽວ, ໝາກຖົ່ວຂຽວ ແລະ ໃບຕອງຈິງເຊິ່ງແມ່ນວັດຖຸດິບສ່ວນປະກອບສໍາຄັນສໍາລັບການເຮັດເຂົ້າຕົ້ມ,
ແມ່ນຍັງຂາຍດີແລະມີຄວາມຕ້ອງການສູງຄືດັ່ງທຸກໆປີຜ່ານມາ ແລະ ສ່ວນລາຄາກໍຍັງເຫັນວ່າຢູ່ໃນເກນປົກກະຕິຄື:
ເຂົ້າໜຽວນາປີ, ມີ
ລາຄາ 8000 ກີບຕໍ່ກິໂລ, ເຂົ້າໜຽວບ້ານໂດນກິໂລລະ 9000 ກີບ, ເຂົ້າໄກ່ນ້ອຍກິໂລລະ 9000 ກີບ, ສ່ວນເຂົ້າ ຈ້າວແມ່ນມີລາຄາແຕ່ 8000-1.1000
ຕໍ່ກິໂລ. ສໍາລັບໃບຕອງຈິງກໍມີລາຄາ
10.000 ກີບຕໍ່ໜຶ່ງມັດມີປະມານ 50-60 ໃບ. ສ່ວນເຂົ້າຕົ້ມໃຫຍ່ມີນ້ຳໜັກປະມານ 500 ກຣາມອັນໜຶ່ງກໍຈະມີລາຄາແຕ່ 40-50 ພັນກີບ,
ທີມີວາງຂາຍຢູ່ຕາມທ້ອງຕະຫຼາດເພື່ອຜູ້ສົນໃຈຢ່າກຊີມລົດຊາດຂອງມັນ.
No comments:
Post a Comment