ເນື່ອງໃນໂອກາດວັນສ້າງຕັ້ງສະຫະພັນກຳມະບານລາວຄົບຮອບ 60 ປີ ສູນກາງສະຫະພັນກຳມະບານລາວ ໄດ້ຈັດງານວາງສະແດງສິນຄ້າຜະລິດຕະພັນຂອງສະມາຊິກກຳມະບານ ຂຶ້ນໃນວັນທີ 1 ກຸມພານີ້, ທີ່ສູນການຄ້າລາວ-ໄອເຕັກ, ໂດຍມີທ່ານ ພັນຄຳ ວິພາວັນ ກຳມະ ການກົມການເມືອງສູນກາງພັກ, ຜູ້ປະຈຳການຄະນະເລຂາທິການ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງສຶກສາທິການ ແລະ ກິລາ, ທ່ານ ປ້ານ ນ້ອຍມະນີ ປະທານສູນກາງສະຫະພັນກຳມະບານລາວ ແລະ ສະມາຊິກກຳມະບານເຂົ້າຮ່ວມເປັນຈຳນວນຫລາຍ.
ຜະລິດຕະພັນທີ່ນຳມາງານວາງສະແດງໃນຄັ້ງນີ້ ມີເຄື່ອງກະສິກຳ, ຫັດຖະກຳ, ສິນຄ້າອຸປະໂພກ,
ເຄື່ອງໃຊ້ໃນຄົວເຮືອນ ແລະ ອື່ນໆ.
ທີ່ເປັນສີມືຂອງກຳມະບານລາວຫລາຍກວ່າ 50 ຮ້ານ. ເພື່ອເປັນການຢັ້ງຢືນເຖິງຜົນງານການປະກອບສ່ວນຂອງອົງການຈັດຕັ້ງກຳມະບານ, ສະແດງເຖິງຄວາມເຕີບໃຫຍ່ຂະຫຍາຍຕົວຂອງຊົນຊັ້ນກຳມະກອນ-ຊາວຜູ້ອອກແຮງງານບັນດາເຜົ່າ, ເຊິ່ງຍາມໃດກໍໄດ້ຕັ້ງໜ້າເຂົ້າໃນການພັດທະນາສີມືແຮງງານຢ່າງປະດິດສ້າງ ເພື່ອຮັບໃຊ້ສັງຄົມ, ເຮັດໃຫ້ປະເທດຊາດໄດ້ມີການພັດທະນາ ແລະ ຂະຫຍາຍຕົວຢ່າງຕໍ່ເນື່ອງ.
No comments:
Post a Comment